ఏకగ్రీవ తీర్మానంతో పూర్తయిన సిద్ధాశ్రమ కొత్త కార్యవర్గ ఎన్నికలు

నరసన్నపేట మండలం కేంద్రంలోని ఇందిరానగర్ కాలనీ వద్ద ఉన్న సిద్ధాశ్రమంలో కొత్త కార్యవర్గ ఎన్నికలు ఆధ్యాత్మిక వాతావరణంలో శాంతియుతంగా నిర్వహించబడ్డాయి. ఆశ్రమ సభ్యులు, భక్తులు పెద్ద సంఖ్యలో పాల్గొన్నారు. ఈ ఎన్నికల్లో పొట్నూరు కృష్ణారావు గారు అధ్యక్షుడిగా, చింతు చినప్పన్న ఉపాధ్యక్షుడిగా, తమడాన శ్రీనివాసరావు కార్యదర్శిగా, నాయుడు గణేష్ సహాయ కార్యదర్శిగా, అలాగే ఉట్ల సురేష్ కుమార్ కోశాధికారిగా ఏకగ్రీవంగా ఎన్నికయ్యారు. ఆశ్రమ ఎగ్జిక్యూటివ్ మెంబర్లు ఈ ఎన్నికలను పర్యవేక్షించి, సజావుగా పూర్తి చేశారు. కొత్త కార్యవర్గం బాధ్యతలు స్వీకరించినందుకు స్థానికులు మరియు భక్తులు ఆనందం వ్యక్తం చేస్తూ, ఆశ్రమం మరిన్ని ఆధ్యాత్మిక, సామాజిక సేవా కార్యక్రమాల్లో ముందంజ వేయాలని ఆకాంక్షించారు.

ప్రపంచమంతా శాంతియుతంగా ఉండాలి. – లయన్ జె.వెంకుబాబు (ఆముదాలవలస – అక్టోబర్ పున్నమి ప్రతినిధి)

ప్రపంచమంతా శాంతియుతంగా ఉండాలని, లయన్స్ క్లబ్ ఆఫ్ ఆముదాలవలస అధ్యక్షులు జలుమూరు.వెంకటేశ్వరులు (వెంకుబాబు) అన్నారు. స్థానిక అశోక పబ్లిక్ పాఠశాలలో, వివిధ పాఠశాలలకు చెందిన ఎనభై మంది విద్యార్థులకు పీస్ పోస్టర్ పోటీలను నిర్వహించి, గెలుపొందిన విద్యార్థులకు బహుమతులను అందజేశారు. అనంతరం అధ్యక్షులు లయన్ జె. వెంకుబాబు మాట్లాడుతూ లయన్స్ క్లబ్ ఇంటర్నేషనల్ వారు ప్రపంచ శాంతిని ప్రోత్సహించడానికి వివిధ కార్యక్రమాలను నిర్వహిస్తుందని, అందులో భాగముగానే ఈ రోజు విద్యార్థులకు ప్రపంచ శాంతిపై అవగాహన కల్పించామన్నారు. ప్రతీ ఒక్కరూ శాంతియుతంగా ఉండాలని, అప్పుడే నిర్ధేశించుకున్న స్థానానికి చేరుకుంటామని, ప్రపంచం శాంతిగా ఉంటె, ఎటువంటి అనైతిక ఘటనలు జరగకుండా ఉంటాయన్నారు. లయన్స్ క్లబ్ ఇంటర్నేషనల్ వారు ముందుగా శాంతి ప్రతిజ్ఞ చేస్తారని గుర్తుచేశారు. అనంతరం పాఠశాల ఆవరణలో జిల్లా ఎన్విరాన్మెంట్ చైర్మన్ లయన్ పొన్నాడ.రవికుమార్ సహకారంతో మొక్కలను నాటి, వాటి సంరక్షణ బాధ్యతలను ఉపాధ్యాయులకు, విద్యార్థులకు చెప్పి, మాట్లాడుతూ ఈ రోజు కార్యక్రమానికి సహకరించిన పాఠశాల అధినేత విటి.చౌదరికు ధన్యవాదాలని, ప్రతీ విద్యార్థి ఒక మొక్కను నాటి, భావితరానికి మార్గదర్శిగా నిలవాలని పిలుపునిచ్చారు. ఈ కార్యక్రమంలో లయన్స్ క్లబ్ ఆఫ్ ఆముదాలవలస కార్యదర్శి బి.సునీత, కోశాధికారి పొన్నాడ రోషిణి, సభ్యులు కుప్పిలి.సత్యన్నారాయణ, తమ్మన సంతోష్, తమ్మన కీర్తి, పొట్నూరు సురేష్, రత్నాకర్, అశోక పబ్లిక్ స్కూల్ సిబ్బంది, విద్యార్థులు పాల్గొన్నారు.

జన్మదినాన అన్నదానం మంచి ఆలోచనని, లయన్స్ క్లబ్ శ్రీకాకుళం సెంట్రల్ అధ్యక్షురాలు డా. పైడి.సింధూర అన్నారు. నరసన్నపేట మండలం, పిన్నింటిపేటకు చెందిన గుంతు.వనిత జన్మదినం సందర్భంగా, నగరంలో నిస్సహాయులకు అన్నవితరణ కార్యక్రమాన్ని చేపట్టారు. ఇందులో భాగముగా పేదలకు ఆహారాన్నందించి డా. పైడి.సింధూర మాట్లాడుతూ జన్మదినం రోజున పది మంది ఆకలి తీర్చటం హర్షణీయమని, లయన్స్ క్లబ్ శ్రీకాకుళం సెంట్రల్ ఆధ్వర్యంలో ఈ కార్యక్రమాన్ని చెయ్యటం ఆనందంగా ఉందన్నారు. వేడుకలను నిరుపేదల మధ్య జరుపుకోవాలనే ఆలోచన గొప్పదని, ఈ కార్యక్రమానికి పరోక్షముగా సహాయమందించిన పొడుగు.చరణ్ కు, నేటి దాతలు గుంతు.లక్ష్మణ్, గుంతు.వనిత దంపతులకు అభినందనలు తెలిపారు. అనంతరం నగరంలో పలు ముఖ్య కూడలిలో అభాగ్యులకు లయన్స్ క్లబ్ మార్కెటింగ్ ఛైర్పర్సన్ పొడుగు.చరణ్, ఎమర్జెన్సీ బ్లడ్ సర్వీస్ నంది ఉమా శంకర్ ఆహారాన్నందించారు. ఈ కార్యక్రమంలో లయన్స్ క్లబ్ శ్రీకాకుళం సెంట్రల్ కార్యదర్శి టెక్కం.రామ్ గోపాల్, ఉపాధ్యక్షులు ఉర్లం.శివతేజ, ఫ్రొఫెసర్ డా.విష్ణు మూర్తి, నైట్ షెల్టర్ నిర్వాహకులు, తదితరులు పాల్గొన్నారు.