హరికృష్ణ వర్ధంతి గొల్లపూడి ఎన్టీఆర్ జిల్లా నందమూరి హరికృష్ణ వర్ధంతి కార్యక్రమంలో మహా కూటమి నాయకులు పున్నమి న్యూస్ ప్రతినిధి ఎన్టీఆర్ జిల్లా ఆగస్టు
మైలవరం ఎమ్మెల్యే, తెలుగుదేశం పార్టీ రాష్ట్ర అధికార ప్రతినిధి వసంత వెంకట కృష్ణప్రసాదు సూచనల మేరకు విజయవాడ రూరల్ మండలం గొల్లపూడిలోని తెలుగుదేశం పార్టీ కార్యాలయంలో నందమూరి హరికృష్ణ వర్ధంతి సందర్భంగా టీడీపీ నేతలు ఘనంగా నివాళులు అర్పించారు.
ఈ సందర్భంగా హరికృష్ణ గారి చిత్రపటానికి టీడీపీ నాయకులు, కార్యకర్తలు పూలమాలలు వేసి ఘన నివాళులు అర్పించారు. రాజకీయ నాయకుడిగా, సినీ నటుడిగా నందమూరి హరికృష్ణ గారు తెలుగు ప్రజల హృదయాల్లో ప్రత్యేక స్థానం సంపాదించుకున్నారని నాయకులు కొనియాడారు.
నందమూరి కుటుంబానికి ఆయన అందించిన సేవలు, తెలుగుదేశం పార్టీ అభివృద్ధికి చేసిన కృషి చిరస్మరణీయమని పేర్కొన్నారు. అన్న ఎన్టీఆర్ గారి ఆశయాలను ముందుకు తీసుకెళ్లడంలో హరికృష్ణ గారు కీలక పాత్ర పోషించారని గుర్తు చేసుకున్నారు. ప్రజలతో ఆప్యాయంగా మెలిగే స్వభావం, నిబద్ధతతో కూడిన రాజకీయ జీవితం ఆయనను ప్రజలకు మరింత చేరువ చేశాయని అన్నారు.
భౌతికంగా హరికృష్ణ గారు మన మధ్య లేకపోయినా, ఆయన సేవలు, జ్ఞాపకాలు, ఆదర్శాలు తెలుగుదేశం పార్టీ శ్రేణులకు ఎప్పటికీ స్ఫూర్తిదాయకంగా నిలుస్తాయని నాయకులు తెలిపారు. ఈ కార్యక్రమంలో టీడీపీ నాయకులు, కార్యకర్తలు, అభిమానులు పాల్గొని నందమూరి హరికృష్ణ గారి సేవలను స్మరించుకున్నారు.
