వార్త ముఖ్యాంశాలు
- రాష్ట్ర ప్రభుత్వం తరఫున అమ్మవారికి పట్టు వస్త్రాలు సమర్పించిన మంత్రి ఆనం రామనారాయణ రెడ్డి వెంకటగిరి, అక్టోబర్ 1 (పున్నమి ప్రతినిధి): వెంకటగిరిలో రాష్ట్ర పండుగగా అత్యంత వైభవోపేతంగా నిర్వహిస్తున్న పోలేరమ్మ అమ్మవారి జాతర మహోత్సవంలో రాష్ట్ర దేవాదాయ, ధర్మాదాయ శాఖ మంత్రి ఆనం రామనారాయణ రెడ్డి…
- ఈ సందర్భంగా రాష్ట్ర ప్రభుత్వం తరఫున అమ్మవారికి పట్టు వస్త్రాలను భక్తిశ్రద్ధలతో సమర్పించి, ప్రత్యేక పూజల్లో పాల్గొన్నారు.
- అనంతరం అమ్మవారి ఆశీస్సులు పొందారు.వెంకటగిరికి చేరుకున్న మంత్రి ఆనం రామనారాయణ రెడ్డికి స్థానిక ఎమ్మెల్యే కురుగొండ్ల రామకృష్ణ, తిరుపతి జిల్లా కలెక్టర్, జిల్లా ఎస్పీతో పాటు వివిధ శాఖల అధికారులు, ఆలయ అధికారులు ఘన స్వాగతం పలికారు.
రాష్ట్ర ప్రభుత్వం తరఫున అమ్మవారికి పట్టు వస్త్రాలు సమర్పించిన మంత్రి ఆనం రామనారాయణ రెడ్డి
వెంకటగిరి, అక్టోబర్ 1 (పున్నమి ప్రతినిధి): వెంకటగిరిలో రాష్ట్ర పండుగగా అత్యంత వైభవోపేతంగా నిర్వహిస్తున్న పోలేరమ్మ అమ్మవారి జాతర మహోత్సవంలో రాష్ట్ర దేవాదాయ, ధర్మాదాయ శాఖ మంత్రి ఆనం రామనారాయణ రెడ్డి గురువారం పాల్గొన్నారు. ఈ సందర్భంగా రాష్ట్ర ప్రభుత్వం తరఫున అమ్మవారికి పట్టు వస్త్రాలను భక్తిశ్రద్ధలతో సమర్పించి, ప్రత్యేక పూజల్లో పాల్గొన్నారు. అనంతరం అమ్మవారి ఆశీస్సులు పొందారు.వెంకటగిరికి చేరుకున్న మంత్రి ఆనం రామనారాయణ రెడ్డికి స్థానిక ఎమ్మెల్యే కురుగొండ్ల రామకృష్ణ, తిరుపతి జిల్లా కలెక్టర్, జిల్లా ఎస్పీతో పాటు వివిధ శాఖల అధికారులు, ఆలయ అధికారులు ఘన స్వాగతం పలికారు. అనంతరం మంత్రి ఆలయానికి చేరుకుని అమ్మవారిని దర్శించుకుని ప్రత్యేక పూజా కార్యక్రమాల్లో పాల్గొన్నారు. రాష్ట్ర ప్రభుత్వం తరఫున సమర్పించిన పట్టు వస్త్రాలను అమ్మవారికి సమర్పించి జాతర ఉత్సవాల్లో పాల్గొన్నారు.రాష్ట్ర పండుగగా నిర్వహిస్తున్న పోలేరమ్మ అమ్మవారి జాతర సందర్భంగా వెంకటగిరి పట్టణం భక్తజన సందోహంతో కిక్కిరిసింది. ఆలయ పరిసరాలతో పాటు పట్టణంలోని ప్రధాన వీధులు భక్తులతో సందడిగా మారాయి. అమ్మవారి దర్శనం కోసం వెంకటగిరితో పాటు పరిసర ప్రాంతాలు, వివిధ జిల్లాల నుంచి భక్తులు పెద్ద సంఖ్యలో తరలివచ్చారు. దీంతో పట్టణమంతా ఆధ్యాత్మిక వాతావరణం నెలకొంది.జాతరను పురస్కరించుకుని భక్తులకు ఎలాంటి అసౌకర్యం కలగకుండా అధికారులు పలు ఏర్పాట్లు చేపట్టారు. ఆలయ పరిసరాల్లో భద్రత, పారిశుద్ధ్యం, తాగునీరు తదితర అంశాలపై ప్రత్యేక దృష్టి సారించారు. భక్తుల రద్దీని దృష్టిలో ఉంచుకుని అవసరమైన భద్రతా చర్యలు చేపట్టారు. ఆలయానికి వచ్చిన భక్తులు భక్తిశ్రద్ధలతో అమ్మవారిని దర్శించుకుని మొక్కులు చెల్లించుకున్నారు.వెంకటగిరి పోలేరమ్మ అమ్మవారి జాతర స్థానిక సంప్రదాయాలు, భక్తి విశ్వాసాలకు ప్రతీకగా కొనసాగుతోంది. జాతర సందర్భంగా పట్టణంలో నెలకొన్న సందడి, ఆధ్యాత్మిక వాతావరణం భక్తులను ఆకట్టుకుంది.
