వనస్థలిపురం: భాగ్యలత సాయినగర్ కాలనీలో నిర్వహించిన గణపతి నవరాత్రి ఉత్సవాలు భక్తిశ్రద్ధలు, సందడి మధ్య ఘనంగా ముగిశాయి. ఉత్సవాల ముగింపు సందర్భంగా కాలనీలో ప్రత్యేక పూజా కార్యక్రమాలతో పాటు ఘనంగా అన్నదాన ప్రసాద వితరణ నిర్వహించారు.
ఉత్సవాల్లో ప్రధాన ఆకర్షణగా నిలిచిన గణపతి లడ్డూ వేలం పాట ఉత్కంఠభరితంగా సాగింది. కాలనీవాసులు పెద్ద సంఖ్యలో పాల్గొని వేలం పాటలో ఉత్సాహంగా పోటీ పడ్డారు. చివరకు సాయినగర్ కాలనీకి చెందిన పి. శ్రీనివాస్ గౌడ్–జయశ్రీ దంపతులు రూ.27,616లకు గణపతి లడ్డూను దక్కించుకున్నారు.
లడ్డూ వేలం సందర్భంగా కాలనీలో పండుగ వాతావరణం నెలకొంది. భక్తులు, స్థానిక ప్రజలు పెద్ద సంఖ్యలో పాల్గొని గణపతికి ప్రత్యేక పూజలు నిర్వహించారు. అనంతరం నిర్వహించిన అన్నదాన కార్యక్రమంలో భక్తులకు ప్రసాదాన్ని పంపిణీ చేశారు.
గణపతి నవరాత్రి ఉత్సవాలను విజయవంతంగా నిర్వహించిన నిర్వాహకులను కాలనీవాసులు అభినందించారు.
