భవానీలకు వడ్డించిన వైఎస్ఆర్‌సీపీ జిల్లా అధ్యక్షులు చిర్ల జగ్గిరెడ్డి
రావులపాలెం మహాలక్ష్మి హీరో షోరూం వద్ద ఈరోజు వైఎస్ఆర్ కాంగ్రెస్ పార్టీ రాష్ట్ర కార్యదర్శి కర్రి నాగిరెడ్డి ఆధ్వర్యంలో భవానీలకు భిక్ష కార్యక్రమం ఘనంగా నిర్వహించారు. ఈ కార్యక్రమానికి డాక్టర్ బి.ఆర్. అంబేద్కర్ కోనసీమ జిల్లా వైఎస్ఆర్ కాంగ్రెస్ పార్టీ అధ్యక్షులు, మాజీ శాసనసభ్యులు చిర్ల జగ్గిరెడ్డి పాల్గొని భవానీలకు భిక్ష వడ్డించారు.భక్తిశ్రద్ధలతో నిర్వహించిన ఈ కార్యక్రమంలో భవానీలకు అన్నదానం చేయడం ద్వారా ఆధ్యాత్మిక సేవలో భాగస్వాములయ్యారు. భక్తి, సేవాభావం, ఆధ్యాత్మిక సంప్రదాయాలకు ప్రతీకగా నిలిచిన ఈ కార్యక్రమం భక్తుల సమక్షంలో ఘనంగా జరిగింది.
