**బాల త్రిపుర సుందరిగా దర్శనమిచ్చిన దుర్గమ్మ**
ఘనంగా శరన్నవరాత్రి వేడుకలు ప్రారంభం**
*పలమనేరు, అక్టోబర్ 11 ( పున్నమి ప్రతినిధి ) :*
పలమనేరు పట్టణంలోని శ్రీ తిరుపతి గంగమ్మ ఆలయ ప్రాంగణంలో మొదటిసారి ఏర్పాటు చేసిన దేవీ శరన్నవరాత్రి ఉత్సవాలు అత్యంత వైభవంగా ప్రారంభమయ్యాయి. ఉత్సవాల్లో భాగంగా మొదటి రోజు దుర్గమ్మ అమ్మవారు శ్రీ బాల త్రిపుర సుందరీ దేవి అలంకారంలో భక్తులకు దర్శనమిచ్చారు. ఈ సందర్భంగా ఆలయంలో వేద పండితులు ప్రత్యేక పూజలు, హోమాలు, అభిషేకాలు ఘనంగా నిర్వహించారు. అనంతరం భక్తులకు తీర్థప్రసాదాల వితరణ చేపట్టారు. పెద్ద సంఖ్యలో విచ్చేసిన భక్తులు అమ్మవారిని దర్శించుకుని మొక్కులు తీర్చుకున్నారు. ఈ పూజా కార్యక్రమంలో టిడిపి పట్టణ అధ్యక్షుడు కుట్టి, శివాలయం చైర్మన్ మురళీకృష్ణ, వైస్ చైర్మన్ మంజునాథ్,సుధాకర్, సుదర్శన్, బాలాజీ, సుబ్రహ్మణ్యం, గణేష్, మూర్తి, జగ్గా, యువరాజ్, నాగేంద్ర, విజయ్ శేఖర్, రాజేష్, చెంగప్ప, రెడ్డప్ప, లోకేష్, బాబు తదితరులు పాల్గొన్నారు.
