వార్త ముఖ్యాంశాలు
- తెలంగాణ ఆవిర్భావ దినోత్సవం శుభ సందర్భంగా ఖమ్మం జిల్లా మంత్రుల శుభాకాంక్షలు ఖమ్మం | పున్నమి ప్రత్యేక ప్రతినిధి తెలంగాణ ఆవిర్భావ దినోత్సవాన్ని పురస్కరించుకొని ఖమ్మం జిల్లా ప్రజలకు మంత్రులు తుమ్మల నాగేశ్వరరావు, ఉప ముఖ్యమంత్రి బట్టి విక్రమార్క, మంత్రి పొంగులేటి శ్రీనివాస్…
- తెలంగాణ రాష్ట్ర ఏర్పాటుతో రాష్ట్ర ప్రజలకు వచ్చిన అవకాశాలు అమూల్యమైనవని వారు పేర్కొన్నారు.
- ఈ సందర్భంగా వారు మాట్లాడుతూ, రాష్ట్ర అభివృద్ధి, సామాజిక న్యాయం, ప్రజల సంక్షేమం కోసమే తెలంగాణ ఆవిర్భావ ఉద్యమం కొనసాగిందని గుర్తు చేశారు.
తెలంగాణ ఆవిర్భావ దినోత్సవం శుభ సందర్భంగా ఖమ్మం జిల్లా మంత్రుల శుభాకాంక్షలు
ఖమ్మం | పున్నమి ప్రత్యేక ప్రతినిధి
తెలంగాణ ఆవిర్భావ దినోత్సవాన్ని పురస్కరించుకొని ఖమ్మం జిల్లా ప్రజలకు మంత్రులు తుమ్మల నాగేశ్వరరావు, ఉప ముఖ్యమంత్రి బట్టి విక్రమార్క, మంత్రి పొంగులేటి శ్రీనివాస్ రెడ్డి హృదయపూర్వక శుభాకాంక్షలు తెలియజేశారు. తెలంగాణ రాష్ట్ర ఏర్పాటుతో రాష్ట్ర ప్రజలకు వచ్చిన అవకాశాలు అమూల్యమైనవని వారు పేర్కొన్నారు.
ఈ సందర్భంగా వారు మాట్లాడుతూ, రాష్ట్ర అభివృద్ధి, సామాజిక న్యాయం, ప్రజల సంక్షేమం కోసమే తెలంగాణ ఆవిర్భావ ఉద్యమం కొనసాగిందని గుర్తు చేశారు. ఉద్యమ ఫలితంగా ఏర్పడిన ఈ రాష్ట్రాన్ని అభివృద్ధి పథంలో నిలబెట్టేందుకు రాష్ట్ర ప్రభుత్వం అనేక సంక్షేమ పథకాలు అమలు చేస్తోందని తెలిపారు.
ప్రస్తుతం ప్రభుత్వం ప్రవేశపెట్టిన “రాజీవ్ యువ వికాసం” పథకం ద్వారా యువతకు విద్య, ఉపాధి అవకాశాలు మెరుగవుతున్నాయని వారు స్పష్టం చేశారు. ఖమ్మం జిల్లా యువత ఈ పథకాన్ని సద్వినియోగం చేసుకుని తమ భవిష్యత్తును వెలుగులోకి తీసుకురావాలని మంత్రులు పిలుపునిచ్చారు. రాష్ట్ర అభివృద్ధిలో యువత పాత్ర కీలకమని, అందరూ తమ బాధ్యతను గుర్తించి ముందడుగు వేయాలన్నారు.
తెలంగాణ ఆవిర్భావ దినోత్సవం రోజున ప్రజలు తెలంగాణ వెలుగులను గుర్తుచేసుకుంటూ రాష్ట్ర అభివృద్ధికి తాము చేసే కృషికి ప్రతిబింబంగా ఈ రోజును జరుపుకోవాలని వారు ఆకాంక్షించారు.
