వార్త ముఖ్యాంశాలు
- తెలంగాణ: ఐడీఓసీ ఆవరణలో బతుకమ్మ పండుగ శుక్రవారం అత్యంత వైభవంగా, ఉత్సాహభరితంగా నిర్వహించారు.
- ఈ వేడుకలకు ముఖ్య అతిథులుగా ఎమ్మెల్యే గండ్ర సత్యనారాయణ రావు, జిల్లా కలెక్టర్ రాహుల్ శర్మ హాజరై ప్రత్యేక పూజలు నిర్వహించారు.
- వివిధ రంగురంగుల పూలతో బతుకమ్మలు అందంగా అలంకరించబడ్డాయి.
తెలంగాణ: ఐడీఓసీ ఆవరణలో బతుకమ్మ పండుగ శుక్రవారం అత్యంత వైభవంగా, ఉత్సాహభరితంగా నిర్వహించారు. ఈ వేడుకలకు ముఖ్య అతిథులుగా ఎమ్మెల్యే గండ్ర సత్యనారాయణ రావు, జిల్లా కలెక్టర్ రాహుల్ శర్మ హాజరై ప్రత్యేక పూజలు నిర్వహించారు. వివిధ రంగురంగుల పూలతో బతుకమ్మలు అందంగా అలంకరించబడ్డాయి.
మహిళా అధికారులు, ఉద్యోగులు బతుకమ్మ పాటలు, ఆటలు, కోలాటాలు ఆడుతూ సంబురాలు జరుపుకున్నారు. ఎమ్మెల్యే గండ్ర సత్యనారాయణ రావు ఈ పండుగ తెలంగాణ సంస్కృతి, సంప్రదాయాలకు ప్రతీకగా నిలుస్తుందని, ప్రకృతిని, పూలను, మహిళలను గౌరవించే పండుగగా పేర్కొన్నారు. జిల్లా కలెక్టర్ రాహుల్ శర్మ పండుగ సందర్భంగా ప్రజలకు శుభాకాంక్షలు తెలుపుతూ, పండుగ రోజుల్లో సజాగ్రత్త చర్యలు చేపట్టినట్లు పేర్కొన్నారు. అనంతరం ఉత్తమ బతుకమ్మలను ఎంపిక చేసి జ్ఞాపికలు అందజేశారు.
ఈ కార్యక్రమంలో అదనపు కలెక్టర్ అశోక్ కుమార్, మున్సిపల్ చైర్మన్ బుర్రా కొమురయ్య, వైస్ చైర్మన్ అంబాల శ్రీనివాస్, శిక్షణా డిప్యూటీ కలెక్టర్ నవీన్ రెడ్డి, మున్సిపల్ కమిషనర్ ఉదయ్ కుమార్, యువజన క్రీడల శాఖ అధికారి రఘు, సంక్షేమ అధికారి మల్లీశ్వరి, డిఆర్డీఓ బాలకృష్ణ, సీపీఓ క్రిష్ణయ్య, ఎస్సి అభివృద్ధి అధికారి సుకీర్తి జై భీం, కలెక్టరేట్ ఏఓ శ్రీనివాసులు, టీఎన్జీవో రాష్ట్ర కార్యదర్శి షఫీ సర్కార్, జిల్లా అధ్యక్షులు బూరుగు రవి, కార్యదర్శి దసరథం సహా వివిధ శాఖల అధికారులు, మహిళా ఉద్యోగులు, సిబ్బంది పాల్గొన్నారు.
