అరకులోయ ప్రభుత్వ మహిళా డిగ్రీ కళాశాల విద్యార్థులకు స్థానిక వెటర్నరీ ఆసుపత్రిలో రేబిస్ వ్యాక్సిన్‌పై అవగాహన కార్యక్రమం నిర్వహించారు. ప్రిన్సిపాల్ డా. ఆర్. కుసుమకుమారి ఆధ్వర్యంలో జువాలజీ విభాగం, రెడ్ రిబ్బన్ కమిటీ ఈ కార్యక్రమాన్ని నిర్వహించాయి. జువాలజీ హెచ్‌ఓడీ డా. పి. బలరాం రేబిస్ వ్యాధి వ్యాప్తి, ప్రమాదాలపై వివరించారు. అధ్యాపకురాలు డీ.కే.వి.ఎస్. ప్రణీత వ్యాధి లక్షణాలను వివరించారు. రెడ్ రిబ్బన్ కమిటీ సభ్యురాలు డా. కే. స్వర్ణలత జంతువుల కాటుకు గురైనప్పుడు తీసుకోవాల్సిన జాగ్రత్తలు, టీకా ప్రాముఖ్యతను వివరించారు. వెటర్నరీ సిబ్బంది విద్యార్థులకు వ్యాక్సిన్‌పై అవగాహన కల్పించారు.
