Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Krishna mandalam

నారాయణపేట

సీఎం రేవంత్‌రెడ్డికి సద్బుద్ధి కలగాలని గుడేబల్లూర్‌లో బీజేపీ ప్రత్యేక పూజలు

కృష్ణ మండలం గుడేబల్లూర్‌లోని మహాలక్ష్మి దేవాలయంలో బీజేపీ మండల శాఖ ఆధ్వర్యంలో ప్రత్యేక పూజలు నిర్వహించారు. ఇటీవల ఢిల్లీలో జరిగిన సదస్సులో ముఖ్యమంత్రి రేవంత్‌రెడ్డి హిందూ దేవుళ్లపై అనుచిత వ్యాఖ్యలు చేశారంటూ బీజేపీ నాయకులు నిరసన వ్యక్తం చేశారు. సీఎం రేవంత్‌రెడ్డికి సద్బుద్ధి ప్రసాదించాలని, భవిష్యత్తులో హిందూ దేవుళ్లను కించపరిచే విధంగా వ్యాఖ్యలు చేయకుండా జ్ఞానోదయం కలగాలని కోరుతూ అమ్మవారికి పూజలు నిర్వహించారు. ఈ సందర్భంగా బీజేపీ జిల్లా ప్రధాన కార్యదర్శి బలరాం రెడ్డి మాట్లాడుతూ హిందువులు భగవంతుడు సర్వాంతర్యామి అని, ప్రతి జీవిలోనూ దేవుడు ఉన్నాడనే నమ్మకంతో జీవిస్తారని అన్నారు. దేవుళ్లను ప్రాంతాల వారీగా విభజించే విధంగా వ్యాఖ్యలు చేయడం హిందువుల మనోభావాలను దెబ్బతీస్తుందని ఆయన పేర్కొన్నారు. మహాలక్ష్మి అమ్మవారి కృపతో సీఎం రేవంత్‌రెడ్డికి సద్బుద్ధి కలగాలని కోరుతూ పూజలు నిర్వహించినట్లు తెలిపారు. కార్యక్రమంలో జిల్లా కిసాన్ మోర్చా అధ్యక్షులు వెంకట రాములు, మండల ప్రధాన కార్యదర్శి దండు రాఘవేంద్ర, కిసాన్ మోర్చా మండల అధ్యక్షులు మల్లారెడ్డి, బీజేవైఎం మండల అధ్యక్షులు వొట్టేవోళ్ల సురేష్, జిల్లా కార్యదర్శి కనకరాజు, జిల్లా కౌన్సిల్ సభ్యులు వాకిటి మల్లేష్, వివిధ గ్రామాల బూత్ అధ్యక్షులు, బీజేపీ నాయకులు, కార్యకర్తలు పాల్గొన్నారు.

నారాయణపేట

గుడేబల్లూర్‌లో మొక్కలు నాటిన బీజేపీ, బీజేవైఎం ప్రతి ఒక్కరూ మొక్కలు నాటి పర్యావరణాన్ని పరిరక్షించాలి: బలరాం రెడ్డి, నల్లె నర్సప్ప

కృష్ణ మండలం గుడేబల్లూర్ ప్రభుత్వ పాఠశాల ప్రాంగణంలో బీజేపీ, బీజేవైఎం మండల శాఖల ఆధ్వర్యంలో మొక్కలు నాటే కార్యక్రమాన్ని నిర్వహించారు. ప్రధానమంత్రి నరేంద్ర మోదీ జన్మదినోత్సవాన్ని పురస్కరించుకొని, బీజేపీ రాష్ట్ర శాఖ పిలుపు మేరకు సేవా సంకల్ప అభియాన్‌లో భాగంగా ఈ కార్యక్రమాన్ని చేపట్టారు. ఈ సందర్భంగా ముఖ్య అతిథిగా పాల్గొన్న బీజేపీ జిల్లా ప్రధాన కార్యదర్శి బలరాం రెడ్డి మాట్లాడుతూ ప్రతి ఒక్కరూ మొక్కలు నాటి పర్యావరణ పరిరక్షణకు కృషి చేయాలని కోరారు. బీజేపీ మండల అధ్యక్షులు నల్లె నర్సప్ప మాట్లాడుతూ గ్రామాల్లో మొక్కలు నాటడం, రక్తదానం, స్వచ్ఛత, అవగాహన కార్యక్రమాలు వంటి సేవా కార్యక్రమాలను నిర్వహించి ప్రజలకు సేవ చేయడమే లక్ష్యమన్నారు. పాఠశాల ప్రాంగణంలో మొక్కలు నాటే కార్యక్రమం చేపట్టిన బీజేపీ మండల శాఖకు జిల్లా పరిషత్ ఉన్నత పాఠశాల ప్రధానోపాధ్యాయులు అర్జున్, ప్రాథమిక పాఠశాల ప్రధానోపాధ్యాయులు రామకృష్ణ కృతజ్ఞతలు తెలిపారు. కార్యక్రమంలో జిల్లా కిసాన్ మోర్చా అధ్యక్షులు వెంకట్ రాములు, జిల్లా కార్యదర్శి కనకరాజు, జిల్లా కౌన్సిల్ సభ్యులు వాకిటి మల్లేష్, మైనారిటీ మోర్చా జిల్లా నాయకులు జావిద్, మండల ప్రధాన కార్యదర్శి దండు రాఘవేంద్ర, బీజేవైఎం మండల అధ్యక్షులు వొట్టేవోళ్ల సురేష్, మండల కిసాన్ మోర్చా అధ్యక్షులు మల్లారెడ్డి గౌడ్, కోశాధికారి కోమటి ప్రకాష్ అయ్య, సీనియర్ నాయకులు పూజారి లక్ష్మణ్, శంకరయ్య శెట్టి, మాజీ మండల కో-ఆప్షన్ సభ్యులు ఎండి బషీర్, గురుపు మల్లేష్, గౌరీశంకర్, వార్డు మెంబర్ జల్ల తిప్పయ్య, పల్లె రమేష్, బూత్ అధ్యక్షులు వాకిటి కాశినాథ్, కున్సి కర్రెప్ప, చందాపూర్ ఆంజనేయులు, ముడుమల్ గ్రామ బీజేవైఎం అధ్యక్షులు ఆంజనేయులు, రాము, అరవింద్, ఆనంద్ ముదిరాజ్, కోర్బెన్ రఘు, పల్లె ఆంజనేయులు, ఉపాధ్యాయులు, స్థానికులు పాల్గొన్నారు.

నారాయణపేట

ప్రతి ఇంటా త్రివర్ణ పతాకం.. ప్రతి హృదయంలో దేశభక్తి

కృష్ణ: ప్రధాని నరేంద్ర మోదీ పిలుపు మేరకు కృష్ణ మండలంలోని కున్సి, ఆనంపల్లి, కృష్ణ, ముదుమల్, గుడెబల్లూర్, హిందూపూర్ గ్రామాల్లో హర్ ఘర్ తిరంగా కార్యక్రమం నిర్వహించారు. బీజేపీ మండల అధ్యక్షుడు నల్లే నర్సప్ప, బీజేవైఎం అధ్యక్షుడు వొట్టేవోల్ల సురేష్ ఆధ్వర్యంలో యువకులు ఇంటింటికీ జాతీయ జెండాలు పంపిణీ చేసి, త్రివర్ణ పతాకాలను ఆవిష్కరించారు. ఈ సందర్భంగా సీనియర్ నాయకుడు సోమ్ శేఖర్ గౌడ్ మాట్లాడుతూ ప్రతి ఇంటా తిరంగా, ప్రతి హృదయంలో దేశభక్తి ఉండాలని అన్నారు. యువత దేశ భవిష్యత్తు కోసం ముందుండాలని పిలుపునిచ్చారు. కార్యక్రమంలో బీజేపీ నాయకులు, కార్యకర్తలు పాల్గొన్నారు. 🇮🇳