संपर्क करें ताज़ा खबरें
सच्ची खबर। तेज़ जानकारी। आंध्र प्रदेश • तेलंगाना • राष्ट्रीय
लेखक पैनल

Tag: B V APPALANAIDU

అల్లూరి సీతారామరాజు

పేలుడు ఘటనలో దెబ్బతిన్న 12 ఇళ్ల మరమ్మతులకు ఆర్థిక సాయం

అనంతగిరి మండలం పీచుమామిడి గ్రామంలో ఇటీవల జరిగిన పేలుడు ఘటనలో దెబ్బతిన్న 12 నివాస గృహాల మరమ్మతుల కోసం బాధిత కుటుంబాలకు రూ.10 వేల చొప్పున ఆర్థిక సహాయం అందించారు. గురువారం పాడేరు కలెక్టరేట్‌లో జిల్లా కలెక్టర్ టి. నిషాంతి బాధితులకు నగదు అందజేశారు. క్షేత్రస్థాయిలో నష్టాన్ని అంచనా వేసి బాధితులను ఆదుకోవాలని ఇంజినీరింగ్ అధికారులను ఆదేశించినట్లు తెలిపారు. గత వర్షాలకు ముందే బాధితులకు తార్పాలిన్లు అందించామని, బాధితులు ఆందోళన చెందాల్సిన అవసరం లేదని భరోసా ఇచ్చారు. ఈ కార్యక్రమంలో పీఐయూ ఎగ్జిక్యూటివ్ ఇంజినీర్ రామకృష్ణ పాల్గొన్నారు.

అల్లూరి సీతారామరాజు

అక్వాన్ తుఫాను నేపథ్యంలో రైతులు అప్రమత్తంగా ఉండాలి

అక్వాన్ తుఫాను ప్రభావంతో ఈ నెల 20, 21 తేదీల్లో జిల్లాలో భారీ వర్షాలు కురిసే అవకాశం ఉన్నందున రైతులు అప్రమత్తంగా ఉండాలని వ్యవసాయ శాఖ అధికారులు సూచించారు. కోత కోసిన వరి పనలను ఎత్తైన సురక్షిత ప్రాంతాలకు తరలించి టార్పాలిన్లతో కప్పాలని, నూర్పిడి చేసిన ధాన్యాన్ని తేమ తగలకుండా భద్రపరచాలని కోరారు. పొలాల్లో నీరు నిల్వ ఉండకుండా మురుగు కాలువలను శుభ్రం చేసుకోవాలని తెలిపారు. పంట నష్టం జరిగితే వెంటనే వ్యవసాయ శాఖ సిబ్బందికి సమాచారం అందించాలని సూచించారు. ఈ మేరకు పాడేరు వ్యవసాయ సహాయ సంచాలకులు బి. ప్రభాకర్, వ్యవసాయ అధికారి ఇ. శ్రీనివాస్, వ్యవసాయ విస్తరణ అధికారులు పార్వతి, నాయుడు వణుగుపల్లి, కందమామిడి గ్రామాల్లో పర్యటించి రైతులకు ముందస్తు జాగ్రత్తలపై అవగాహన కల్పించారు.

అల్లూరి సీతారామరాజు

అరకు: చొంపి జంక్షన్ హైవే కింద వాగులో యువతి మృతదేహం

అరకులోయ సమీపంలోని చొంపి జంక్షన్ హైవే బ్రిడ్జి కింద వాగులో బుధవారం ఓ యువతి మృతదేహాన్ని స్థానికులు గుర్తించారు. పోలీసులు ఘటనాస్థలానికి చేరుకుని పరిశీలించారు. మృతురాలు డుంబ్రిగుడ మండలం గుంటగన్నెల పంచాయతీ జాకరవలసకు చెందిన కిల్లో మీనాక్షిగా గుర్తించారు. మీనాక్షి అరకు ఆర్ఐటీఐలో మొదటి సంవత్సరం చదువుతోంది. మృతదేహం వద్దకు తల్లిదండ్రులు, కుటుంబ సభ్యులు చేరుకుని కన్నీరుమున్నీరయ్యారు. అనుమానాస్పద మృతిగా కేసు నమోదు చేసి, దర్యాప్తు చేస్తున్నారు. ఘటనపై బంధువులు, గ్రామస్తులు, విద్యార్థి, మహిళా సంఘాలు తీవ్ర ఆగ్రహం వ్యక్తం చేశాయి. కారకులను కఠినంగా శిక్షించాలని, నిష్పక్షపాతంగా దర్యాప్తు చేపట్టాలని డిమాండ్ చేస్తూ అరకులోయ ఏరియా ఆసుపత్రి నుండి పోలీసు స్టేషన్ వరకు నిరసన ర్యాలీ చేపట్టారు.

అల్లూరి సీతారామరాజు

నామినేషన్ కేంద్రాలను తనిఖీ చేసిన జిల్లా ఎస్పీ అమిత్ బర్దర్

అరకు మండలం సుంకరమెట్ట గ్రామంలోని సర్పంచ్, వార్డు సభ్యుల నామినేషన్ కేంద్రాలను జిల్లా ఎస్పీ అమిత్ బర్దర్ మంగళవారం తనిఖీ చేశారు. కేంద్రాల వద్ద భద్రతా ఏర్పాట్లు, పరిసరాలు, భవనాలను పరిశీలించి పోలీసు, పంచాయతీ సిబ్బందికి పలు సూచనలు చేశారు. ఎన్నికల కమిషన్ నిబంధనలను ప్రతి ఒక్కరూ తప్పనిసరిగా పాటించాలని, శాంతిభద్రతలకు విఘాతం కలిగించే చర్యలకు పాల్పడరాదని హెచ్చరించారు. నిబంధనలు ఉల్లంఘిస్తే చట్టపరమైన చర్యలు తీసుకుంటామని స్పష్టం చేశారు. ఈ తనిఖీలో అరకు సీఐ ఎ. కోటేశ్వరరావు పాల్గొన్నారు.

అల్లూరి సీతారామరాజు

జీడీసీ మహిళా కళాశాలలో జనరేటివ్ ఏఐపై అవగాహన వర్క్‌షాప్

అరకులోయ ప్రభుత్వ మహిళా డిగ్రీ కళాశాలలో ప్రిన్సిపాల్ డా. ఆర్. కుసుమకుమారి ఆదేశాల మేరకు ఆర్టిఫిషియల్ ఇంటెలిజెన్స్, జనరేటివ్ ఏఐ, ప్రాంప్ట్ ఇంజినీరింగ్‌పై మంగళవారం ఒకరోజు వర్క్‌షాప్ నిర్వహించారు. ముఖ్య అతిథిగా పాల్గొన్న మిలీనియం సాఫ్ట్‌వేర్ సొల్యూషన్స్ డైరెక్టర్ అలిస్టర్ రొసారియో విద్యార్థులకు ఏఐ వినియోగంపై అవగాహన కల్పించారు. రిసోర్స్ పర్సన్ హేమ సుందర్ ప్రాంప్ట్‌ల రూపకల్పన, సమాచార సేకరణ, కంటెంట్ తయారీపై ప్రాక్టికల్ ఉదాహరణలతో వివరించారు. ఏఐ సాంకేతికతను విద్యాభ్యాసం, పరిశోధన, ఉద్యోగావకాశాలకు ఉపయోగించుకోవాలని సూచించారు. కార్యక్రమంలో వైస్ ప్రిన్సిపాల్ పి. చలపతిరావు, ఐక్యూఏసీ కోఆర్డినేటర్ కె. శశికుమార్, అధ్యాపకులు, విద్యార్థులు పాల్గొన్నారు.

అల్లూరి సీతారామరాజు

రేపు ఎంపీపీ, వైస్ ఎంపీపీ ఎన్నికలు.. 20న జెడ్పీ చైర్‌పర్సన్ ఎన్నిక

అల్లూరి సీతారామరాజు జిల్లాలో ఈ నెల 19న ఎంపీపీ, వైస్ ఎంపీపీ ఎన్నికలు, 20న జెడ్పీ చైర్‌పర్సన్, వైస్ చైర్‌పర్సన్ ఎన్నికలు నిర్వహించనున్నట్లు జిల్లా కలెక్టర్, జిల్లా ఎన్నికల అధికారి టి. నిశాంతి తెలిపారు. ఎంపీపీ ఎన్నికలు సంబంధిత మండల పరిషత్ కార్యాలయాల్లో, జెడ్పీ ఎన్నికలు జిల్లా కలెక్టరేట్‌లో నిర్వహించనున్నట్లు పేర్కొన్నారు. రెండు రోజుల్లోనూ ఉదయం 10 గంటల నుంచి నామినేషన్ల స్వీకరణ, పరిశీలన చేపడతారు. మధ్యాహ్నం 1 గంటకు సభ్యుల ప్రమాణ స్వీకారం అనంతరం ఎన్నికల ప్రక్రియ ప్రారంభమవుతుంది. ఏకైక అభ్యర్థి ఉంటే ఏకగ్రీవంగా ప్రకటిస్తారు. ఒకరి కంటే ఎక్కువ మంది పోటీలో ఉంటే మధ్యాహ్నం 3 గంటలకు ఓటింగ్ నిర్వహిస్తారు. ఎన్నికల ప్రక్రియను ప్రశాంతంగా, పారదర్శకంగా, నిబంధనలకు అనుగుణంగా నిర్వహించేందుకు అవసరమైన ఏర్పాట్లు చేయాలని కలెక్టర్ అధికారులను ఆదేశించారు.

అల్లూరి సీతారామరాజు

భారత జనగణన–2027పై జిల్లా స్థాయి అధికారులకు శిక్షణ ప్రారంభం

అల్లూరి సీతారామరాజు జిల్లాలో భారత జనగణన–2027 రెండో దశ జనాభా లెక్కింపు ప్రక్రియపై జిల్లా, మండల స్థాయి అధికారులకు రెండు రోజుల శిక్షణ కార్యక్రమం మంగళవారం పాడేరు కలెక్టరేట్ సమావేశ మందిరంలో ప్రారంభమైంది. జిల్లా రెవెన్యూ అధికారి ఎం. వెంకటేశ్వరరావు ఆధ్వర్యంలో నవంబర్ 17, 18 తేదీల్లో ఈ శిక్షణ నిర్వహిస్తున్నారు. భారత ప్రభుత్వ జనగణన విభాగం జాయింట్ డైరెక్టర్ బి.వి.ఎల్. సాయి శేఖర్ శిక్షణ అందిస్తున్నారు. జనాభా లెక్కింపు విధివిధానాలు, డిజిటల్ యాప్‌ల వినియోగం, సమాచార సేకరణలో తీసుకోవాల్సిన జాగ్రత్తలపై అధికారులకు అవగాహన కల్పిస్తున్నారు. జనగణనను కచ్చితత్వం, పారదర్శకతతో నిర్వహించేందుకు ఈ శిక్షణ దోహదపడుతుందని అధికారులు తెలిపారు. జనవరి 10 నుంచి 24 వరకు స్వీయ గణన, జనవరి 27, ఫిబ్రవరి 28 తేదీల్లో జనాభా లెక్కింపు ప్రక్రియ నిర్వహించనున్నట్లు వివరించారు. కార్యక్రమంలో సీపీఓ ప్రసాద్, తహశీల్దార్లు, ఎంపీడీవోలు, డిప్యూటీ తహశీల్దార్లు, జిల్లా సెన్సెస్ ఇన్‌చార్జి అనుకూర్ కుమార్ తదితరులు పాల్గొన్నారు.

అల్లూరి సీతారామరాజు

గర్భస్థ శిశువు లింగ నిర్ధారణకు పాల్పడితే కఠిన చర్యలు

అల్లూరి జిల్లాలో గర్భస్థ పిండ లింగ నిర్ధారణ నిషేధ చట్టం (PC & PNDT Act–1994)ను పటిష్టంగా అమలు చేయాలని జిల్లా వైద్య ఆరోగ్యశాఖ అధికారి డా. ఎం. రియాజ్ బేగ్ ఆదేశించారు. మంగళవారం పాడేరులోని DM&HO కార్యాలయంలో జిల్లా, సబ్‌-డిస్ట్రిక్ట్ స్థాయి సలహా కమిటీల సంయుక్త సమావేశం నిర్వహించారు. ఈ సందర్భంగా జిల్లాలోని అల్ట్రాసౌండ్ స్కానింగ్ కేంద్రాల రిజిస్ట్రేషన్లు, రెన్యువల్స్, నిర్వహణ, చట్ట నిబంధనల అమలుపై సమీక్షించారు. ప్రతి కేంద్రం తప్పనిసరిగా చట్ట నిబంధనలు పాటించాలని, రికార్డులు, రిజిస్టర్లు సక్రమంగా నిర్వహించాలని సూచించారు. గర్భస్థ శిశువు లింగ నిర్ధారణ పరీక్షలు నిర్వహించడం, లింగాన్ని వెల్లడించడం చట్టరీత్యా నేరమని స్పష్టం చేశారు. నిబంధనలు ఉల్లంఘించే కేంద్రాలపై కఠిన చర్యలు తీసుకుంటామని హెచ్చరించారు. ఆడపిల్లల సంరక్షణ, లింగ వివక్ష నివారణపై ప్రజల్లో విస్తృత అవగాహన కల్పించాలని తెలిపారు. వైద్యులు, స్కానింగ్ కేంద్రాల నిర్వాహకులకు చట్టంపై అవగాహన కల్పించాలని సూచించారు. ఆడపిల్లల హక్కుల పరిరక్షణ ప్రతి ఒక్కరి బాధ్యత అని పేర్కొన్నారు.

అల్లూరి సీతారామరాజు

పాడేరు: 10 వేల ఎకరాల్లో ఔషధ, సుగంధ మొక్కల సాగుకు ప్రణాళిక

ఆరోగ్యాంధ్రప్రదేశ్ సాధనే లక్ష్యంగా రాష్ట్రవ్యాప్తంగా 10 వేల ఎకరాల్లో ఔషధ, సుగంధ మొక్కల సాగుకు ప్రణాళిక రూపొందిస్తున్నట్లు ఏపీఎంఏపి బోర్డు సీఈవో ఆవుల చంద్రశేఖర్ తెలిపారు. మంగళవారం పాడేరు ఐటీడీఏ కార్యాలయంలో పీఓ ఆదిత్య వర్మ ఆధ్వర్యంలో నిర్వహించిన సమీక్షలో ఆయన మాట్లాడారు. అల్లూరి, మన్యం పార్వతీపురం, పోలవరం జిల్లాలను ఒక క్లస్టర్‌గా గుర్తించి సాగుకు అనువైన భూములు, నీటి వనరులను పరిశీలిస్తున్నట్లు తెలిపారు. మునగ, చింత, కరివేపాకు, లెమన్ గ్రాస్, అలోవెరా తదితర మొక్కల సాగును ప్రోత్సహిస్తామన్నారు. రైతుల ఆదాయం పెంచడంతో పాటు మార్కెటింగ్, విలువ ఆధారిత ఉత్పత్తుల తయారీకి అవకాశాలు కల్పిస్తామన్నారు. పోషణ్ వాటికల ఏర్పాటుకు ప్రోత్సాహం పాఠశాలలు, కళాశాలలు, అంగన్‌వాడీ కేంద్రాలు, గురుకులాల్లో పోషణ్ వాటికలు ఏర్పాటు చేసి విద్యార్థులకు తాజా, సేంద్రియ పద్ధతుల్లో పండించిన పండ్లు, కూరగాయలు, ఆకుకూరలు అందించాలని సూచించారు. ఇందుకు అవసరమైన నిధుల మంజూరుకు కృషి చేస్తానని హామీ ఇచ్చారు. సమావేశంలో పాడేరు ఐటీడీఏ పీఓ ఆదిత్య వర్మ, ఉప కలెక్టర్ కె. సాహిత్, వివిధ శాఖల అధికారులు పాల్గొన్నారు. లండన్ బ్రిటన్ పార్లమెంట్ హాల్‌లో వరల్డ్ బుక్ ఆఫ్ రికార్డ్స్ అంతర్జాతీయ అవార్డు అందుకున్న చంద్రశేఖర్‌ను అధికారులు సత్కరించారు.

అల్లూరి సీతారామరాజు

నీతిఆయోగ్ జాతీయ వర్క్‌షాప్‌లో అల్లూరి ‘ASR SAATHI’కి ప్రథమ స్థానం

న్యూఢిల్లీలో నిర్వహించిన నీతిఆయోగ్ జాతీయ వర్క్‌షాప్‌లో అల్లూరి సీతారామరాజు జిల్లా కలెక్టర్ టి. నిశాంతి ‘ASR SAATHI’ కార్యక్రమాన్ని విజయవంతంగా ప్రజెంట్ చేశారు. దేశవ్యాప్తంగా సుమారు 200 ప్రతిపాదనలు అందగా, ఎంపికైన 25 కార్యక్రమాల్లో అల్లూరి జిల్లా కార్యక్రమం ప్రథమ స్థానాన్ని సాధించింది. గిరిజన ప్రాంతాల్లో మాతృ మరణాల నివారణకు సాంకేతికతను అనుసంధానిస్తూ అమలు చేస్తున్న జీరో మేటర్నల్ మార్టాలిటీ కార్యక్రమం, హెల్త్ పోర్టల్, డ్రోన్ ద్వారా అత్యవసర మందుల సరఫరా, కమాండ్ కంట్రోల్ వ్యవస్థలను కలెక్టర్ వివరించారు. ఈ వినూత్న కార్యక్రమాన్ని కేంద్ర కేబినెట్ కార్యదర్శి ప్రత్యేకంగా అభినందించారు. దేశవ్యాప్తంగా ఇతర గిరిజన జిల్లాల్లోనూ అమలు చేసేందుకు సమగ్ర కార్యాచరణ విధానం (SOP) రూపొందించాలని సూచించారు. దీంతో అల్లూరి జిల్లా జాతీయ స్థాయిలో ప్రత్యేక గుర్తింపు పొందింది.