శ్రీ పొట్టి శ్రీరాములు నెల్లూరు

జంగం బంధుమిత్రుల ఆత్మీయ సభలో రూప్‌కుమార్

వీరశైవ సత్రం అభివృద్ధికి సహకారం అభినందనీయం: సంఘ నాయకులు నెల్లూరు నగరంలోని మూలాపేట వీరశైవ సత్రంలో జంగం బంధుమిత్రుల ఆత్మీయ కలయిక కార్యక్రమం నిర్వహించారు. ఈ సమావేశానికి జంగం సామాజికవర్గానికి చెందిన కుటుంబాలు పెద్ద సంఖ్యలో హాజరయ్యాయి. టీడీపీ నాయకుడు రూప్ కుమార్ యాదవ్ ముఖ్య అతిథిగా పాల్గొన్నారు. సంఘ నాయకులు ఆయనను ఆహ్వానించి సత్కరించారు. మూలాపేట వీరశైవ సత్రం నిర్మాణానికి రూప్ కుమార్ యాదవ్ సహకారం అందించారని సంఘ నాయకులు తెలిపారు. ఆయన సేవలను అభినందిస్తూ, సత్రం అభివృద్ధికి మరింత సహకారం అందించాలని కోరారు. కార్యక్రమంలో కల్పం రమేష్, ఉద్దంటి అమరలింగం, పంచాక్షరి మల్లయ్య, గోకరం లీల కుమార్, సర్వేపల్లి నాగరాజు, గాంధర్ల దశరథరామయ్య, పుల్లూరు కృష్ణ, దండు వెంకటసుబ్బయ్య తదితరులు పాల్గొన్నారు. ఈ సందర్భంగా పలువురు సంఘ ప్రతినిధులు మాట్లాడుతూ, కూటమి మేయర్ అభ్యర్థిగా రూప్ కుమార్ యాదవ్‌ను అత్యధిక మెజారిటీతో గెలిపించాలని పిలుపునిచ్చారు. మూలాపేట ప్రాంతంలో అభివృద్ధి పనులు చేపట్టాలని కోరారు. పేద, మధ్యతరగతి ప్రజలకు అవసరమైన సహాయ సహకారాలు అందించాలని ఆకాంక్షించారు. అనంతరం చిన్నారులు ప్రదర్శించిన సాంస్కృతిక కార్యక్రమాలు సభికులను ఆకట్టుకున్నాయి. వివిధ ప్రదర్శనల్లో ప్రతిభ కనబరిచిన చిన్నారులకు రూప్ కుమార్ యాదవ్ చేతుల మీదుగా బహుమతులు అందజేశారు. కార్యక్రమంలో సంఘ పెద్దలు, మహిళలు, చిన్నారులు, స్థానికులు పాల్గొన్నారు.