పోలీస్ Archives

13 మంది కానిస్టేబుళ్లకు హెడ్ కానిస్టేబుళ్లుగా పదోన్నతి

ఖమ్మం పోలీస్ కమిషనరేట్ పరిధిలోని వివిధ పోలీస్ స్టేషన్లలో కానిస్టేబుళ్లుగా విధులు నిర్వహిస్తున్న 2000 బ్యాచ్‌కు చెందిన 13 మంది పోలీస్ అధికారులకు హెడ్ కానిస్టేబుళ్లుగా పదోన్నతి లభించింది. ఈ సందర్భంగా పోలీస్ కమిషనర్ సునీల్ దత్ కమిషనర్ కార్యాలయంలో పదోన్నతి చిహ్నాలను అలంకరించి అభినందించారు. పదోన్నతి పొందిన వారిలో టి. శ్రీనివాసరావు, కె. శ్రీనివాస్, ఎం. రవికుమార్, కె. ముత్తయ్య, టి. వడ్డే కిషోర్, ఎన్. కరుణాకర్ రావు, ఎం. నవజీవన్ కుమార్, డి. సుశీల్ కుమార్, డి. ఆలు, డి. శ్రీనివాసరావు, జి. రవికుమార్, ఎం. సీతారామరాజు, జె. సర్ధార్ సింగ్ ఉన్నారు. వీరిలో ఆరుగురు మహబూబాబాద్, ఏడుగురు భద్రాద్రి కొత్తగూడెం జిల్లాలకు బదిలీపై వెళ్లనున్నారు.

punnami
September 28, 2026
0 Comments
68 Views

ఖమ్మం

ఖమ్మంలో అక్రమ పామ్ ఆయిల్ విక్రయం.. నలుగురి అరెస్ట్

ఖమ్మం: గోద్రేజ్ అగ్రోవెట్ లిమిటెడ్‌కు చెందిన పామ్ ఆయిల్‌ను అక్రమంగా విక్రయించిన కేసులో నలుగురిని పోలీసులు అరెస్టు చేశారు. సెప్టెంబర్ 23న మేనేజర్ వకలపూడి రామచంద్రరావు ఫిర్యాదు మేరకు కేసు నమోదైంది. ట్యాంకర్ డ్రైవర్ షేక్ కమరుద్దీన్, ఆయిల్ వ్యాపారి ల్ల కనకయ్య, ఆటో డ్రైవర్ బతిని గోపినాధ్, ఉద్యోగి రా శ్రీనివాసరావును అరెస్టు చేశారు. మరో ఎనిమిది మంది షేక్ ఫెరోజుద్దిన్, జయరాజు, చంటి, బాలంజనేయులు బడినీడి, చౌదరి, నరేష్ ఆయిల్, కోడాడ ఆయిల్, కల్లూరు రెడ్డి పరారీలో ఉన్నారు. ట్యాంకర్, ఆటో, 31 కేన్లు, నాలుగు ఫోన్లు స్వాధీనం చేసుకున్నారు. మొత్తం లావాదేవీలు రూ.9.30 లక్షలుగా గుర్తించారు. దర్యాప్తు కొనసాగుతోంది.

punnami
September 27, 2026
0 Comments
53 Views

ఖమ్మం

50 ఏళ్ళ తరువాత గణనాధుల వీడ్కోలు వేదిక మార్పు..

ఖమ్మం జిల్లాలో నదులు, వాగుల్లో నీటి లభ్యత లేకపోవడంతో ఈసారి గణేష్ నిమజ్జనాలకు అధికారులు చెరువులను సిద్ధం చేస్తున్నారు. ఖమ్మం మున్నేరు నదిలో నిమజ్జనానికి తరలివెళ్లే గణనాథులకు గాంధీచౌక్‌లో స్థంబాద్రి ఉత్సవ సమితి ఆధ్వర్యంలో అధికారులు, ప్రజాప్రతినిధులు వీడ్కోలు పలకడం గత 50 ఏళ్లుగా ఆనవాయితీగా కొనసాగుతోంది. అయితే ఈసారి దంసలపురం చెరువులో నిమజ్జనం చేయనున్న నేపథ్యంలో తొలిసారిగా గాముస్తఫానగర్‌లో ప్రత్యేక వీడ్కోలు వేదికను ఏర్పాటు చేశారు. గణేష్ ఉత్సవ కమిటీలు, భక్తులకు ఎలాంటి ఇబ్బందులు కలగకుండా అధికారులు ఏర్పాట్లు చేస్తున్నారు. వీడ్కోలు కార్యక్రమంలో ప్రజాప్రతినిధులు, అధికారులు, ఉత్సవ సమితి సభ్యులు పాల్గొననున్నారు.

punnami
September 22, 2026
0 Comments
85 Views

ఖమ్మం

చింతకానిలో 17 మంది మహిళలపై కేసు నమోదు

చింతకాని / ఖమ్మం ఖమ్మం జిల్లా చింతకాని మండలం చింతకాని గ్రామానికి చెందిన 17 మంది ఎస్సీ మహిళలపై కేసు నమోదు చేసినట్లు ఎస్సై నరేష్ తెలిపారు. బీఆర్‌ఎస్‌ ప్రభుత్వ హయాంలో కేటాయించిన భూముల్లో నారాపోగు వెంకట్రావమ్మ వరి నాట్లు వేయగా, గ్రామానికి చెందిన మహిళలు వాటిని ధ్వంసం చేశారని ఫిర్యాదు అందినట్లు చెప్పారు. వరి నాట్లను అడ్డుకుంటే పురుగుల మందు తాగి ఆత్మహత్య చేసుకుంటామని మహిళలు బెదిరించారని ఫిర్యాదులో పేర్కొన్నట్లు తెలిపారు. పొలంలో వరి పంటను ధ్వంసం చేయడంతో సుమారు రూ.95 వేల నష్టం వాటిల్లిందని వెంకట్రావమ్మ ఫిర్యాదు చేసినట్లు ఎస్సై వివరించారు. ఫిర్యాదు ఆధారంగా కేసు నమోదు చేసి దర్యాప్తు చేస్తున్నట్లు ఎస్సై నరేష్ పున్నమి న్యూస్‌కు తెలిపారు.

punnami
September 20, 2026
0 Comments
28 Views

ఖమ్మం

నిజామాబాద్‌లో ఖమ్మం జిల్లా కి చెందిన ఏఆర్ ఎస్సై సతీష్ మృతి..

ఖమ్మం / నిజామాబాద్ ఖమ్మం జిల్లా కారేపల్లి మండలం శాంతినగర్‌కు చెందిన ఏఆర్ ఎస్సై సతీష్ మృతి చెందారు. 2009లో ఏఆర్ విభాగంలో నియమితులైన ఆయన ప్రస్తుతం నిజామాబాద్‌లో ఏఆర్ ఎస్సైగా విధులు నిర్వహిస్తున్నారు. సతీష్‌కు భార్య, ఇద్దరు పిల్లలు ఉన్నారు. అయితే ఆర్థిక ఇబ్బందులు, అధికారుల ఒత్తిడి కారణంగానే ఆయన ఆత్మహత్యకు పాల్పడి ఉంటారని బంధువులు ఆరోపిస్తున్నారు. ఈ ఘటనపై పోలీసులు అన్ని కోణాల్లో దర్యాప్తు కొనసాగిస్తున్నారు. మృతికి అసలు కారణాలు దర్యాప్తు పూర్తయిన తర్వాతే వెల్లడయ్యే అవకాశం ఉంది.

punnami
September 19, 2026
0 Comments
36 Views

ఖమ్మం

రూ.14 వేల లంచం తీసుకుంటూ ఏసీబీకి చిక్కిన హాస్టల్ వార్డెన్

చర్ల / ఖమ్మం ఎస్టీ హాస్టల్‌లో కుక్‌గా పనిచేస్తున్న ఉద్యోగి జీతం చేయడానికి రూ.14 వేలు లంచం డిమాండ్ చేసిన వార్డెన్ భూక్యా వాల్ సింహ ఏసీబీకి రెడ్‌హ్యాండెడ్‌గా పట్టుబడ్డాడు. లంచం ఇవ్వడం ఇష్టం లేని కుక్ ఏసీబీ అధికారులను ఆశ్రయించడంతో, డీఎస్పీ వై. రమేష్ ఆధ్వర్యంలో అధికారులు దాడి నిర్వహించారు. సత్యనారాయణపురం ఐటీడీఏ ఎస్టీ బాయ్స్ హాస్టల్‌లో శుక్రవారం లంచం తీసుకుంటుండగా వార్డెన్‌ను అధికారులు పట్టుకున్నారు. మారుమూల ప్రాంతాల నుంచి కూడా ఏసీబీకి ఫిర్యాదులు వస్తున్నాయని అధికారులు తెలిపారు.

punnami
September 18, 2026
0 Comments
69 Views

ఖమ్మం

ఖమ్మం రైల్వే స్టేషన్‌లో 7 కేజీల గంజాయి స్వాధీనం

ఖమ్మం రైల్వే స్టేషన్‌లో ఆర్‌పీఎఫ్ పోలీసులు నిర్వహించిన తనిఖీల్లో 7 కేజీల గంజాయిని స్వాధీనం చేసుకున్నారు. ప్లాట్‌ఫారం నంబర్‌ 1 సమీపంలోని పార్కింగ్ ప్రాంతంలో అనుమానాస్పదంగా కనిపించిన ఒడిశాకు చెందిన గజేంద్ర నాయక్‌ను తనిఖీ చేయగా గంజాయి పట్టుబడినట్లు ఆర్‌పీఎఫ్‌ సీఐ సురేష్ గౌడ్ తెలిపారు. స్వాధీనం చేసుకున్న గంజాయి విలువ సుమారు రూ.3.55 లక్షలు ఉంటుందని వెల్లడించారు. నిందితుడిని అరెస్ట్ చేసి కేసు నమోదు చేసి దర్యాప్తు చేస్తున్నట్లు తెలిపారు. ఈ తనిఖీల్లో ఎస్‌ఐ సలాం, సిబ్బంది గురవయ్య, మహేష్ పాల్గొన్నారు. రైల్వే స్టేషన్‌లో అక్రమ రవాణాను అడ్డుకునేందుకు తనిఖీలు ముమ్మరం చేసినట్లు అధికారులు తెలిపారు.

punnami
September 18, 2026
0 Comments
72 Views

ఖమ్మం

వ్యభిచార ముఠా నిర్వాహకుడిపై పీడీ యాక్ట్.. చంచల్‌గూడ జైలుకు తరలింపు

ఖమ్మం పోలీస్ కమిషనరేట్ పరిధిలో మహిళలను వ్యభిచారంలోకి దింపుతూ ఆర్థిక లాభాలు పొందుతున్న బత్తుల బాలకృష్ణ (30)పై పీడీ యాక్ట్ కింద నిర్బంధ ఉత్తర్వులు జారీ చేసినట్లు పోలీస్ కమిషనర్ సునీల్ దత్ తెలిపారు. ముదిగొండ మండలం చిరుమర్రి గ్రామానికి చెందిన బాలకృష్ణపై ఖమ్మం టూ టౌన్, త్రీ టౌన్ పోలీస్ స్టేషన్లలో అనైతిక రవాణా, వ్యభిచార నిరోధక చట్టం కింద కేసులు నమోదయ్యాయని పేర్కొన్నారు. 2026 జనవరి 6న విశ్వసనీయ సమాచారంతో ఖమ్మం గాంధీచౌక్‌లోని ఓ లాడ్జిపై పోలీసులు దాడి చేశారు. కాకినాడకు చెందిన మహిళను ఆర్థిక ఇబ్బందులను ఆసరాగా చేసుకుని ఖమ్మంకు తీసుకొచ్చి వ్యభిచారంలోకి దించినట్లు దర్యాప్తులో వెల్లడైంది. ప్రధాన నిందితుడు బాలకృష్ణ, మెరెడ్డి సత్యవతి, లాడ్జి మేనేజర్ అలకుంట్ల శ్రీకాంత్‌తో కలిసి కుట్రపూరితంగా వ్యవహరించినట్లు పోలీసులు తెలిపారు. నేరప్రవర్తనను అడ్డుకునేందుకు పీడీ యాక్ట్ సెక్షన్ 3(2) కింద ఉత్తర్వులు జారీ చేసి బాలకృష్ణను చంచల్‌గూడ సెంట్రల్ జైలుకు తరలించారు.

punnami
September 15, 2026
0 Comments
46 Views

ఖమ్మం

మట్టి గణపతితో పర్యావరణహిత వినాయక చవితి: సీపీ సునీల్ దత్

వినాయక చవితి సందర్భంగా జిల్లా ప్రజలకు పోలీస్ కమిషనర్ సునీల్ దత్ శుభాకాంక్షలు తెలిపారు. భక్తిశ్రద్ధలతో, శాంతియుత వాతావరణంలో వేడుకలు నిర్వహించుకోవాలని సూచించారు. పర్యావరణ పరిరక్షణకు ప్రతి ఒక్కరూ ప్రాధాన్యతనిస్తూ మట్టి గణేష్ విగ్రహాలను వినియోగించాలని కోరారు. విఘ్నేశ్వరుని ఆశీస్సులతో ప్రజల జీవితాల్లో సుఖసంతోషాలు, శాంతి, ఐశ్వర్యం వెల్లివిరియాలని ఆకాంక్షించారు.

punnami
September 13, 2026
0 Comments
30 Views

ఖమ్మం

లోక్ అదాలత్‌కు విశేష స్పందన.. 10,995 కేసుల పరిష్కారం

ఖమ్మం జిల్లా వ్యాప్తంగా నిర్వహించిన జాతీయ లోక్ అదాలత్‌కు విశేష స్పందన లభించిందని పోలీస్ కమిషనర్ సునీల్ దత్ తెలిపారు. రాజీకి అవకాశం ఉన్న మొత్తం 10,995 కేసులు లోక్ అదాలత్ ద్వారా పరిష్కరించినట్లు వెల్లడించారు. వీటిలో 985 ఎఫ్‌ఐఆర్ కేసులు, 3,301 ఈ-పెట్టి కేసులు, 6,621 డ్రంక్ అండ్ డ్రైవ్ కేసులు, 48 సైబర్ క్రైమ్ కేసులు ఉన్నాయని తెలిపారు. లోక్ అదాలత్ ద్వారా వివాదాలను త్వరితగతిన పరిష్కరించుకోవడంతో పాటు బాధితులకు న్యాయం అందేలా చర్యలు చేపట్టినట్లు పేర్కొన్నారు. పరిష్కరించిన కేసుల్లో బాధితులకు మొత్తం రూ.27,90,612 నగదు రిఫండ్ చేసినట్లు సీపీ సునీల్ దత్ తెలిపారు. ప్రజలు రాజీకి అవకాశం ఉన్న కేసులను లోక్ అదాలత్ ద్వారా పరిష్కరించుకోవాలని ఆయన సూచించారు.

punnami
September 13, 2026
0 Comments
24 Views

Tag: పోలీస్