ఎన్ టి ఆర్ జిల్లా
ప్రభుత్వ వైద్య కళాశాలల అభివృద్ధి కోసం రాష్ట్ర ప్రభుత్వం తీసుకున్న పబ్లిక్-ప్రైవేట్ పార్ట్నర్షిప్ (PPP) విధానం ప్రజల ప్రయోజనాల కోసం చేపట్టినదేనని, దీన్ని *‘ప్రైవేటీకరణ’*గా వక్రీకరించడం తప్పుడు ప్రచారం అని నందిగామ ఎమ్మెల్యే, ప్రభుత్వ విప్ తంగిరాల సౌమ్య స్పష్టం చేశారు. నందిగామలో గురువారం ఆమె విలేకరులతో మాట్లాడుతూ, ప్రతిపక్షం ఈ అంశంపై చేస్తున్న ఆరోపణలు “అజ్ఞానం, బాధ్యతారాహిత్యం, రాజకీయ స్వార్థం” తప్ప మరేమీ కావని పేర్కొన్నారు. *”పీపీపీ ప్రజల భాగస్వామ్యమే”* “పీపీపీ అంటే ప్రైవేటీకరణ కాదు. ఇది ప్రజల భాగస్వామ్యం తో, వేగవంతమైన అభివృద్ధి సాధించేందుకు ప్రభుత్వం తీసుకున్న దూరదృష్టి గల నిర్ణయం. గత వైసిపి ప్రభుత్వం అసంపూర్తిగా వదిలేసిన వైద్య కళాశాలలను ఇప్పుడు సమయానికి పూర్తి చేసి, పేదలకు ఉచిత వైద్యం, విద్య అందించడమే లక్ష్యం,” అని ఆమె చెప్పారు. ప్రజలకు లభించే ప్రధాన ప్రయోజనాలు సౌమ్య వివరించినట్లుగా, పీపీపీ విధానంలో కింది ప్రయోజనాలు లభిస్తాయి: కళాశాలల యాజమాన్యం 100% ప్రభుత్వానిదే. ప్రైవేట్ భాగస్వాములు కేవలం 33 సంవత్సరాలపాటు నిర్వహణ బాధ్యత మాత్రమే చేపడతారు. ఒక్క అంగుళం భూమి కూడా అమ్మబడదని స్పష్టం చేశారు. మొత్తం సీట్లలో 50% కన్వీనర్ కోటా కింద పేద, మధ్యతరగతి విద్యార్థులకు ఉచిత విద్య లభిస్తుంది. ఆసుపత్రులలో 70% పడకలు డా.ఎన్టీఆర్ ఆరోగ్యశ్రీ పథకం కింద పేదలకు ఉచిత చికిత్స కోసం కేటాయిస్తారు. నిర్మాణాలు వేగవంతంగా పూర్తవడంతో ఆధునిక మౌలిక వసతులు సమయానికి అందుబాటులోకి వస్తాయి. మెడికల్ కాలేజీలతో పాటు నర్సింగ్, పారామెడికల్ రంగాల్లో వేలాది ఉద్యోగాలు స్థానిక యువతకు లభిస్తాయి. *”గత వైఫల్యాలే కారణం”* “ఈరోజు పీపీపీని వ్యతిరేకిస్తున్న ప్రతిపక్షమే, 17 కొత్త మెడికల్ కాలేజీల కోసం కేటాయించిన ₹8,480 కోట్లలో కేవలం ₹1,550 కోట్లు మాత్రమే ఖర్చు చేసి మిగతా నిధులను మళ్లించింది. ఆ వేగంతో వెళితే కళాశాలలు పూర్తవ్వడానికి 23 సంవత్సరాలు పట్టేది,” అని ఆమె విమర్శించారు. అలాగే, గత ప్రభుత్వం ప్రవేశపెట్టిన ‘సెల్ఫ్ ఫైనాన్సింగ్ మోడల్’ ద్వారా ప్రభుత్వ సీట్ల ఫీజులను ₹12 లక్షల నుండి ₹20 లక్షల వరకు పెంచి, పేద విద్యార్థులను ప్రభుత్వ విద్యకు దూరం చేసిందని ఆమె ఆరోపించారు. *“ఆరోగ్య ఆంధ్రప్రదేశ్ మా లక్ష్యం”* “ప్రజా ప్రయోజనాల ముందు రాజకీయ స్వార్థం నిలబడదు. పీపీపీ అనేది పారదర్శకత, సమర్థత, వేగం కలిగిన విధానం. ప్రజల భాగస్వామ్యంతో ‘ఆరోగ్య ఆంధ్రప్రదేశ్’ సాధ్యమవుతుంది,” అని తంగిరాల సౌమ్య తెలిపారు.
appalaraju
