రాజమహేంద్రవరం: రాజమహేంద్రవరంలో కొవ్వూరు ఎమ్మెల్యే ముప్పిడి వెంకటేశ్వరరావు కుమారుడు ముప్పిడి సుదర్శన్ ఏర్పాటు చేసిన ‘ద్వారక ఓవర్సీస్’ కన్సల్టెన్సీని రాజమహేంద్రవరం సిటీ ఎమ్మెల్యే ఆదిరెడ్డి శ్రీనివాస్, అనపర్తి ఎమ్మెల్యే నల్లమిల్లి రామకృష్ణారెడ్డి, కొవ్వూరు ఎమ్మెల్యే ముప్పిడి వెంకటేశ్వరరావు ప్రారంభించారు. ఈ సందర్భంగా నూతనంగా ఏర్పాటు చేసిన కన్సల్టెన్సీ నిర్వాహకులకు వారు శుభాకాంక్షలు తెలిపారు. విదేశీ విద్య, ఉద్యోగ అవకాశాలను ఆశిస్తున్న వారికి నాణ్యమైన మార్గదర్శకత్వం అందించాలని ఆకాంక్షించారు. కార్యక్రమంలో పలువురు ప్రజాప్రతినిధులు, కూటమి నాయకులు, కార్యకర్తలు, సుదర్శన్ కుటుంబ సభ్యులు, స్నేహితులు పాల్గొన్నారు.
