రబీ శనగ రైతులకు డీఏపీ పంపిణీ

(పున్నమి ప్రతినిధి)
వేముల మండలం, సెప్టెంబర్ 25:
గొల్లలగూడూరు సచివాలయం పరిధిలో రబీ సీజన్‌లో శనగ సాగు చేయనున్న రైతులకు శుక్రవారం డీఏపీ ఎరువులను పంపిణీ చేశారు. మండల వ్యవసాయ అధికారి జి.పి. ఓబులేసు ఆధ్వర్యంలో రైతు సేవా కేంద్రం సిబ్బంది రైతులకు ఎరువులు అందజేశారు. ఈ సందర్భంగా ఏఓ మాట్లాడుతూ శనగ సాగుకు అవసరమైన విత్తనాలను ప్రభుత్వం త్వరలో 50 శాతం రాయితీపై అందించనున్నట్లు తెలిపారు. అర్హులైన రైతులు ఈ అవకాశాన్ని సద్వినియోగం చేసుకోవాలని సూచించారు. రబీ సాగుకు అవసరమైన ఎరువులు, విత్తనాలను సకాలంలో పొందుతూ శాస్త్రీయ పద్ధతుల్లో పంటలు సాగు చేయాలని కోరారు. కార్యక్రమంలో రైతు సేవా కేంద్రం సిబ్బంది, రైతులు పాల్గొన్నారు.