భక్తిశ్రద్ధలతో పెద్ద లాల్ తండా శివాలయం నుండి కురివి వీరభద్ర స్వామి ఆలయానికి అయ్యప్ప స్వాముల పాదయాత్ర

వార్త ముఖ్యాంశాలు

• Uploaded Video:

భక్తిశ్రద్ధలతో పెద్ద లాల్ తండా శివాలయం నుండి కురివి వీరభద్ర స్వామి ఆలయానికి అయ్యప్ప స్వాముల పాదయాత్ర

శివనామస్మరణతో మార్మోగిన పెద్ద లాల్ తండా శివాలయం

గురుస్వాముల ఆధ్వర్యంలో భక్తిశ్రద్ధలతో పాదయాత్ర

సిరోల్ మండలం పెద్ద లాల్ తండా గ్రామపంచాయతీ పరిధిలోని శివాలయం నుంచి కురివి శ్రీ వీరభద్ర స్వామి దేవాలయం వరకు చింతపల్లి, పెద్ద లాల్ తండాకు చెందిన అయ్యప్ప స్వాములు సోమవారం భక్తిశ్రద్ధలతో పాదయాత్ర చేపట్టారు. అయ్యప్ప స్వామి నామస్మరణలు, శివనామస్మరణలతో స్వాములు భక్తి పారవశ్యంలో ముందుకు సాగారు.

గురుస్వాములు బికోజీ, రమేష్, ధర్మయ్య, రంగన్న స్వాముల ఆధ్వర్యంలో ఈ పాదయాత్ర నిర్వహించారు. ఈ సందర్భంగా గురుస్వాములు స్వాములకు ఆధ్యాత్మిక మార్గదర్శనం చేస్తూ, అయ్యప్ప స్వామి దీక్షలోని నియమాలు, నిష్ఠ, భక్తి, క్రమశిక్షణ ప్రాముఖ్యతను వివరించారు.

ఈ పాదయాత్రలో శ్రీను స్వామి, నరహరి స్వామి, భీంజీ స్వామి, శంకర్ స్వామి తదితర అయ్యప్ప స్వాములు పాల్గొని స్వామివారి దర్శనార్థం భక్తితో పాదయాత్ర సాగించారు.

అయ్యప్ప దీక్ష అనేది కేవలం మాల ధరించడం మాత్రమే కాకుండా మనస్సును పవిత్రం చేసుకోవడం, ఇంద్రియాలను నియంత్రించుకోవడం, సత్యం, ధర్మం, సేవాభావం, సమానత్వం వంటి ఉన్నత విలువలను ఆచరించే ఆధ్యాత్మిక మార్గమని ఈ సందర్భంగా స్వాములు పేర్కొన్నారు. అయ్యప్ప స్వామి భక్తులందరినీ సమానంగా చూడాలనే సందేశంతో సాగే ఈ దీక్ష సమాజంలో ఐక్యత, సోదరభావాన్ని పెంపొందిస్తుందని తెలిపారు.

స్వామియే శరణం అయ్యప్ప!

Uploaded Video:

వార్తా మూలాలు

• Punnami Reportingసొంత రిపోర్టింగ్