వార్త ముఖ్యాంశాలు
- *పట్టించుకోని అధికారులు - ప్రమాదాల బాటలో ప్రజల ప్రయాణం* *దొరవారిసత్రం (తిరుపతి జిల్లా):* దొరవారిసత్రం మండలంలోని వేణుంబాకం ప్రధాన రహదారి పరిస్థితి అత్యంత దారుణంగా తయారైంది.
- ఫోటోలో కనిపిస్తున్నట్లు రోడ్డు పూర్తిగా ధ్వంసమై, ఎక్కడ చూసినా పెద్ద పెద్ద గుంతలు దర్శనమిస్తున్నాయి.
- తారు రోడ్డు కాస్తా మట్టి రోడ్డుగా మారిపోయింది.
*పట్టించుకోని అధికారులు – ప్రమాదాల బాటలో ప్రజల ప్రయాణం*
*దొరవారిసత్రం (తిరుపతి జిల్లా):*
దొరవారిసత్రం మండలంలోని వేణుంబాకం ప్రధాన రహదారి పరిస్థితి అత్యంత దారుణంగా తయారైంది. ఫోటోలో కనిపిస్తున్నట్లు రోడ్డు పూర్తిగా ధ్వంసమై, ఎక్కడ చూసినా పెద్ద పెద్ద గుంతలు దర్శనమిస్తున్నాయి.
తారు రోడ్డు కాస్తా మట్టి రోడ్డుగా మారిపోయింది. ఈ రోడ్డు గుండా ప్రయాణించాలంటేనే ప్రజలు భయపడుతున్నారు. వర్షం పడితే చాలు, గుంతల్లో నీళ్లు నిలిచి చెరువులను తలపిస్తున్నాయి. రాత్రి వేళల్లో ఈ గుంతలు కనిపించక వాహనదారులు బోల్తా పడి తీవ్ర గాయాలపాలవుతున్నారు.
వేణుంబాకం నుండి దొరవారిసత్రం వెళ్లేందుకు ఇదే ప్రధాన రహదారి కావడంతో రోజూ వందలాది మంది విద్యార్థులు, రైతులు, కూలీలు నరకయాతన అనుభవిస్తున్నారు.
*ప్రజల డిమాండ్:*
ఇప్పటికైనా జిల్లా కలెక్టర్, R&B శాఖ ఉన్నతాధికారులు స్పందించి, వెంటనే ఈ రోడ్డుకు మోక్షం కల్పించి, కొత్త తారు రోడ్డు వేయాలని మండల ప్రజలు డిమాండ్ చేస్తున్నారు.
