వార్త ముఖ్యాంశాలు
- ఆత్మకూరు, అక్టోబర్ 24 (కోటకొండ హరికిరణ్‌ – పున్నమి ప్రతినిధి): ఆత్మకూరు మున్సిపల్‌ ఎన్నికల నేపథ్యంలో ఎన్డీఏ కూటమి ప్రచారం మరింత ఊపందుకుంది.
- ఎన్నికల గడువు సమీపిస్తుండటంతో కూటమి నాయకులు, కార్యకర్తలు పూర్తిస్థాయి శక్తితో ప్రచార రంగంలోకి దిగుతున్నారు.
- చైర్‌పర్సన్‌ అభ్యర్థి డాక్టర్‌ బొమ్మిరెడ్డి షకీలాకు మద్దతుగా వార్డులవారీగా ప్రచార కార్యక్రమాలను ముమ్మరం చేస్తున్నారు.
పూర్తిస్థాయి శక్తితో రంగంలోకి టీడీపీ–జనసేన–బీజేపీ శ్రేణులు
చైర్మన్‌ అభ్యర్థి డాక్టర్‌ షకీలాకు మద్దతుగా ఇంటింటా ప్రచారం
ఆత్మకూరు, అక్టోబర్ 24 (కోటకొండ హరికిరణ్‌ – పున్నమి ప్రతినిధి): ఆత్మకూరు మున్సిపల్‌ ఎన్నికల నేపథ్యంలో ఎన్డీఏ కూటమి ప్రచారం మరింత ఊపందుకుంది. ఎన్నికల గడువు సమీపిస్తుండటంతో కూటమి నాయకులు, కార్యకర్తలు పూర్తిస్థాయి శక్తితో ప్రచార రంగంలోకి దిగుతున్నారు. చైర్‌పర్సన్‌ అభ్యర్థి డాక్టర్‌ బొమ్మిరెడ్డి షకీలాకు మద్దతుగా వార్డులవారీగా ప్రచార కార్యక్రమాలను ముమ్మరం చేస్తున్నారు. ఇంటింటికీ వెళ్లి ఓటర్లను కలుస్తూ కూటమి అభ్యర్థులకు మద్దతు ఇవ్వాలని కోరుతున్నారు.మంత్రి ఆనం రామనారాయణరెడ్డి మార్గదర్శకత్వంలో స్థానిక నాయకులు, యువ నాయకులు, కార్యకర్తలు ఎన్నికల ప్రచారంలో పాల్గొంటున్నారు. 28 వార్డుల్లో అభ్యర్థుల ప్రచారాన్ని సమన్వయం చేస్తూ ఓటర్లను నేరుగా కలిసే కార్యక్రమాలకు ప్రాధాన్యం ఇస్తున్నారు. వార్డుల్లో స్థానిక సమస్యలు, మౌలిక సదుపాయాలు, పట్టణ అభివృద్ధి అంశాలను ప్రజలతో చర్చిస్తూ తమ అభ్యర్థుల తరఫున మద్దతు కోరుతున్నారు.
చైర్‌పర్సన్‌ అభ్యర్థి డాక్టర్‌ షకీలా కూడా ప్రచార కార్యక్రమాల్లో పాల్గొంటూ ఓటర్లతో మమేకమవుతున్నారు. కూటమి నాయకులు, మహిళా కార్యకర్తలు, యువత ప్రచారంలో భాగస్వాములవుతున్నారు. ఇంటింటి ప్రచారంతో పాటు స్థానికంగా ప్రజలను కలిసే కార్యక్రమాల ద్వారా తమ ఎన్నికల సందేశాన్ని చేరవేసేందుకు ప్రయత్నిస్తున్నారు.మున్సిపల్‌ ఎన్నికల బరిలో వివిధ పార్టీల అభ్యర్థులు ప్రచారాన్ని వేగవంతం చేస్తున్న నేపథ్యంలో ఆత్మకూరులో రాజకీయ సందడి నెలకొంది. కూటమి శ్రేణులు సమన్వయంతో ముందుకు సాగుతూ తమ అభ్యర్థుల విజయమే లక్ష్యంగా పనిచేస్తున్నాయి. రానున్న రోజుల్లో ప్రచారం మరింత విస్తరించనుండటంతో పట్టణంలోని రాజకీయ పరిణామాలపై ఆసక్తి నెలకొంది.
