బోగోలు బజార్లో నాలుగు రోడ్ల కూడలిలో వెలగని వీధి దీపాలు

చీకటితో కొనుగోలుదారులకు ఇబ్బందులు.. వీధిదీపాలు వెలిగేలా చర్యలు తీసుకోవాలని వ్యాపారులు, స్థానికుల విజ్ఞప్తి

పున్నమి న్యూస్ బోగోలు మండలం రిపోర్టర్ గోపాలకృష్ణారెడ్డి

బోగోలు: బోగోలు బజారులో గేటుకు తూర్పు వైపున ఉన్న నాలుగు రోడ్ల కూడలిలో ఏర్పాటు చేసిన వీధిదీపాలు వెలగడం లేదు. దీంతో రాత్రి వేళల్లో ఆ ప్రాంతం చీకటిమయంగా మారుతోంది. ఫలితంగా వ్యాపారులు, స్థానికులతో పాటు కొనుగోళ్ల కోసం బజారుకు వచ్చే వినియోగదారులు కూడా ఇబ్బందులు ఎదుర్కొంటున్నారు.

వీధిదీపాలు పనిచేయకపోవడంతో దుకాణాలకు వచ్చే కస్టమర్లు చీకటిలో రాకపోకలు సాగించాల్సి వస్తోందని వ్యాపారులు తెలిపారు. ఈ సమస్యపై గ్రామ పంచాయతీ అధికారులు వెంటనే స్పందించి వీధిదీపాలకు మరమ్మతులు చేపట్టాలని స్థానికులు కోరుతున్నారు. అలాగే కొత్తగా ఎన్నికైన జడ్పీటీసీ, ఎంపీటీసీ ప్రజాప్రతినిధులు కూడా ఈ సమస్యపై ప్రత్యేక శ్రద్ధ చూపి, వీధిదీపాలు తిరిగి వెలిగేలా చర్యలు తీసుకోవాలని వ్యాపారులు, స్థానికులు విజ్ఞప్తి చేస్తున్నారు.

వార్తా మూలాలు

• Punnami Reportingసొంత రిపోర్టింగ్