తెలంగాణ రాజ్యాధికార పార్టీలో పలువురు నాయకుల చేరిక

వార్త ముఖ్యాంశాలు

• జయశంకర్ భూపాలపల్లి జిల్లాలో తెలంగాణ రాజ్యాధికార పార్టీలోకి పలువురు నాయకులు, కార్యకర్తలు చేరారు.
• భూపాలపల్లి టౌన్ ఎల్‌బీనగర్‌కు చెందిన ఆర్‌ఎంపీ డాక్టర్ కుమారస్వామి, నందిగామకు చెందిన ప్రభాకర్ గౌడ్‌తో పాటు పలువురు నాయకులు స్వచ్ఛందంగా పార్టీలో చేరారు.
• ఈ సందర్భంగా తెలంగాణ రాజ్యాధికార పార్టీ రాష్ట్ర మహిళా అధ్యక్షురాలు పటేల్ వనజ, జయశంకర్ భూపాలపల్లి జిల్లా అధ్యక్షుడు రవి పటేల్ నూతనంగా పార్టీలో చేరిన వారికి పార్టీ కండువాలు కప్పి సాదరంగా ఆహ్వానించారు.

జయశంకర్ భూపాలపల్లి జిల్లాలో తెలంగాణ రాజ్యాధికార పార్టీలోకి పలువురు నాయకులు, కార్యకర్తలు చేరారు. భూపాలపల్లి టౌన్ ఎల్‌బీనగర్‌కు చెందిన ఆర్‌ఎంపీ డాక్టర్ కుమారస్వామి, నందిగామకు చెందిన ప్రభాకర్ గౌడ్‌తో పాటు పలువురు నాయకులు స్వచ్ఛందంగా పార్టీలో చేరారు.

ఈ సందర్భంగా తెలంగాణ రాజ్యాధికార పార్టీ రాష్ట్ర మహిళా అధ్యక్షురాలు పటేల్ వనజ, జయశంకర్ భూపాలపల్లి జిల్లా అధ్యక్షుడు రవి పటేల్ నూతనంగా పార్టీలో చేరిన వారికి పార్టీ కండువాలు కప్పి సాదరంగా ఆహ్వానించారు.

అనంతరం పార్టీలో చేరిన నాయకులు మాట్లాడుతూ, బీసీ, ఎస్సీ, ఎస్టీ, మైనారిటీలకు రాజ్యాధికారం సాధించడమే లక్ష్యంగా, పేదల బతుకుల్లో మార్పు తీసుకురావడానికి ఏర్పడిన తెలంగాణ రాజ్యాధికార పార్టీలో ప్రతి ఒక్కరూ పెద్ద ఎత్తున చేరాలని పిలుపునిచ్చారు. రాజ్యాధికారం కోసం తీన్మార్ మల్లన్న చేస్తున్న పోరాటం, ఆయన ఆశయాలు తమను ఎంతగానో ప్రభావితం చేశాయని, అందుకే స్వచ్ఛందంగా పార్టీలో చేరుతున్నామని తెలిపారు. తమతో పాటు మరింత పెద్ద సంఖ్యలో ప్రజలను పార్టీలోకి తీసుకువస్తామని అన్నారు.

రాష్ట్ర మహిళా అధ్యక్షురాలు పటేల్ వనజ మాట్లాడుతూ, భూపాలపల్లి జిల్లాలో ప్రజలు తెలంగాణ రాజ్యాధికార పార్టీలో చేరి రాజ్యాధికారం దిశగా పయనించాలని పిలుపునిచ్చారు. తీన్మార్ మల్లన్న చేస్తున్న పోరాటానికి ప్రతి ఒక్కరూ మద్దతుగా నిలవాలని కోరారు. గతంలో అడవుల్లో సాగిన పోరాటాలకు భిన్నంగా, నేడు ప్రజల మధ్య రాజ్యాంగబద్ధంగా, ప్రజాస్వామ్య పద్ధతిలో రాజ్యాధికారం సాధించేందుకు కొత్త పోరాటానికి శ్రీకారం చుట్టామని అన్నారు. అభ్యుదయ భావాలు కలిగిన ప్రతి ఒక్కరూ టీఆర్పీ పార్టీలో చేరుతున్నారని, తెలంగాణలో బడుగు బలహీన వర్గాలకు రాజ్యాధికారం సాధించే దిశగా పార్టీ నిరంతరం కృషి చేస్తుందని తెలిపారు.

జిల్లా అధ్యక్షుడు రవి పటేల్ మాట్లాడుతూ, పార్టీలో చేరిన ప్రతి ఒక్కరికీ హృదయపూర్వక స్వాగతం పలికారు. పార్టీ విధివిధానాలకు అనుగుణంగా పనిచేస్తూ, క్రమశిక్షణతో పార్టీ నిర్దేశించిన లక్ష్యాలను సాధించేందుకు ప్రతి ఒక్కరూ కృషి చేయాలని కోరారు. భూపాలపల్లి జిల్లాలో తెలంగాణ రాజ్యాధికార పార్టీని మరింత బలోపేతం చేసి, ప్రజల సమస్యలపై నిరంతరం పోరాటం చేస్తామని అన్నారు.

ఈ కార్యక్రమంలో జిల్లా నాయకులు ప్రణీత్, సంతోష్, శ్రీకాంత్, రాంబాబు తదితరులు, గ్రామ శాఖ టీఆర్పీ నాయకులు, కార్యకర్తలు పాల్గొన్నారు.