జనసేన పార్టీ బలోపేతానికి క్షేత్రస్థాయిలో నిరంతరం కృషి చేస్తానని రాజంపేట పార్లమెంట్ జనసేన పార్టీ నిర్వహక్ దళ్ సభ్యుడు పసుపులేటి కళ్యాణ్ తెలిపారు. తనపై నమ్మకంతో పార్టీ బాధ్యతలు అప్పగించిన జనసేన అధినేత, రాష్ట్ర ఉప ముఖ్యమంత్రి పవన్ కళ్యాణ్‌కు ఆయన హృదయపూర్వక కృతజ్ఞతలు తెలియజేశారు. పార్టీ నాయకత్వం తనకు కల్పించిన అవకాశాన్ని సద్వినియోగం చేసుకుంటూ, అధిష్ఠానం సూచనల మేరకు బాధ్యతలను సమర్థవంతంగా నిర్వహిస్తానని స్పష్టం చేశారు.శనివారం సిద్దవటంలోని తన నివాసంలో ఆయన మాట్లాడుతూ పార్టీ అభివృద్ధి, ప్రజా సమస్యల పరిష్కారానికి ప్రాధాన్యత ఇస్తానని పేర్కొన్నారు.జనసేన పార్టీ ఆశయాలు, సిద్ధాంతాలను ప్రజల్లోకి విస్తృతంగా తీసుకెళ్లేందుకు కృషి చేస్తానని పసుపులేటి కళ్యాణ్ తెలిపారు. గ్రామీణ ప్రాంతాల్లో పార్టీని మరింత బలోపేతం చేయడంతో పాటు ప్రజలకు అందుబాటులో ఉంటూ వారి సమస్యలను తెలుసుకుంటానని చెప్పారు. ప్రజలు ఎదుర్కొంటున్న ఇబ్బందులను గుర్తించి, సంబంధిత అధికారుల దృష్టికి తీసుకెళ్లి పరిష్కారానికి కృషి చేస్తానన్నారు. ముఖ్యంగా గ్రామీణ ప్రాంతాల్లో తాగునీటి సమస్యలు తలెత్తినప్పుడు వెంటనే అధికారులకు తెలియజేసి, ప్రజలకు ఇబ్బందులు లేకుండా పరిష్కారం లభించేలా ప్రయత్నిస్తానని పేర్కొన్నారు.అదేవిధంగా సరైన రహదారి సౌకర్యాలు లేని గ్రామాలు, కాలనీల్లో రోడ్ల నిర్మాణానికి కృషి చేస్తానని తెలిపారు. గ్రామీణ ప్రజల మౌలిక సదుపాయాల కల్పనకు ప్రాధాన్యతనిస్తూ, ప్రజలకు అవసరమైన అభివృద్ధి పనులు జరిగేలా సంబంధిత అధికారులతో సమన్వయం చేసుకుంటానని చెప్పారు. ప్రజల సమస్యలను తెలుసుకోవడం, వాటి పరిష్కారానికి చొరవ చూపడం తన ప్రధాన లక్ష్యమని వివరించారు.రాష్ట్ర ఉప ముఖ్యమంత్రి పవన్ కళ్యాణ్ రాష్ట్ర అభివృద్ధి కోసం చేపడుతున్న కార్యక్రమాలను ప్రజల్లోకి తీసుకెళ్తానని పసుపులేటి కళ్యాణ్ అన్నారు. జనసేన పార్టీ ప్రజల సంక్షేమం, అభివృద్ధి కోసం అనుసరిస్తున్న విధానాలను ప్రజలకు వివరిస్తూ పార్టీపై మరింత విశ్వాసం పెంపొందించేందుకు కృషి చేస్తానని తెలిపారు. పార్టీ నాయకత్వం తనకు అప్పగించిన బాధ్యతలను గౌరవంగా భావిస్తూ, పార్టీ కార్యక్రమాల్లో గతంలో మాదిరిగానే చురుగ్గా పాల్గొంటానని పేర్కొన్నారు.పార్టీ కోసం నిరంతరం పనిచేస్తూ, ప్రజలకు సేవ చేయడమే తన లక్ష్యమని ఆయన స్పష్టం చేశారు. నాయకత్వం తనపై ఉంచిన నమ్మకాన్ని నిలబెట్టుకుంటూ జనసేన పార్టీ బలోపేతానికి శక్తివంచన లేకుండా కృషి చేస్తానని పసుపులేటి కళ్యాణ్ తెలిపారు.
