వార్త ముఖ్యాంశాలు
- Uploaded Video:
యానాం మార్కెట్‌లో ఈ సీజన్‌లో తొలి చీరమేను శుక్రవారం సందడి చేసింది. తూర్పుగాలుల ప్రభావంతో సముద్రంలో వేటకు వెళ్లిన మత్స్యకారులకు చీరమేను చిక్కింది. సుమారు 7 కిలోల బరువున్న చీరమేను బకెట్‌ వేలంలో రూ.26 వేల ధర పలికింది. దీంతో సేరు ధర దాదాపు రూ.4 వేల వరకు నమోదైంది. సీజన్‌లో తొలి చీరమేను కావడంతో కొనుగోలుదారులు ఆసక్తి చూపించారు. మార్కెట్‌కు వచ్చిన ఈ చేపను దక్కించుకునేందుకు వ్యాపారులు పోటీ పడ్డారు. రుచికి, ప్రత్యేక డిమాండ్‌కు పేరుగాంచిన చీరమేనుకు ప్రస్తుతం మంచి ధర లభించడంతో మత్స్యకారుల్లో ఆనందం వ్యక్తమవుతోంది. దీపావళి పండుగ వరకు చీరమేను మార్కెట్‌లో అందుబాటులో ఉండే అవకాశం ఉందని వ్యాపారులు తెలిపారు.
Uploaded Video:
