తిరుపతి
శ్రీకాళహస్తి నియోజకవర్గ పారిశ్రామిక ముఖచిత్రం మారుతున్న తరుణంలోఆ అభివృద్ధి ఫలాలు నేరుగా స్థానిక యువతకే దక్కాలని ఎమ్మెల్యే బొజ్జల వెంకట సుధీర్ రెడ్డి రాష్ట్ర శాసనసభలో అత్యంత ప్రాధాన్యత కలిగిన డిమాండ్ను లేవనెత్తారు. బుధవారం నాడు అసెంబ్లీలో యువత ఉపాధి, పరిశ్రమల స్థాపనపై జరిగిన చర్చలో ఆయన మాట్లాడుతూ….నియోజకవర్గంలోని నిరుద్యోగుల పక్షాన తన గళాన్ని బలంగా వినిపించారు. పరిశ్రమలు మనవి – ఉద్యోగాలు మన వారికే ముఖ్యమంత్రి నారా చంద్రబాబు నాయుడు మార్గదర్శకత్వంలో, యువనేత నారా లోకేష్ చొరవతో శ్రీకాళహస్తి నియోజకవర్గం పారిశ్రామికంగా పరుగులు తీస్తోందని సుధీర్ రెడ్డి కొనియాడారు. ముఖ్యంగా చెన్నై-బెంగళూరు పారిశ్రామిక కారిడార్లో భాగంగా ఏర్పేడు పరిసరాల్లో వెలుస్తున్న కంపెనీల్లో స్థానిక యువతకు మెజారిటీ వాటా ఉద్యోగాలు కల్పించాలని ఆయన పట్టుబట్టారు. మా ప్రాంత భూములు, మా ప్రాంత వనరులు వాడుకుంటున్నప్పుడు, మా నియోజకవర్గ యువతకు ప్రాధాన్యత ఇవ్వడం కంపెనీల బాధ్యతని ఆయన స్పష్టం చేశారు. ఎమ్మెల్యే సుధీర్ రెడ్డి ప్రధాన విజ్ఞప్తులు 75% స్థానిక కోటా: రాష్ట్ర ప్రభుత్వం గతంలో తీసుకువచ్చిన స్థానిక ఉద్యోగాల నిబంధనను శ్రీకాళహస్తిలో వంద శాతం అమలు చేయాలి. స్కిల్ హబ్ ఏర్పాటు: కంపెనీల అవసరాలకు తగ్గట్టుగా యువతకు శిక్షణ ఇచ్చేందుకు నియోజకవర్గంలో ప్రత్యేక నైపుణ్య అభివృద్ధి కేంద్రం (Skill Development Centre)ను బలోపేతం చేయాలి. ప్రత్యేక పర్యవేక్షణ: పరిశ్రమల్లో స్థానికులకు ఇస్తున్న ఉద్యోగాలపై త్రైమాసిక నివేదికలు తెప్పించుకుని, పారదర్శకత పాటించాలన్నారు. యువత భవిష్యత్తుపై అలుపెరగని పోరాటం: ఎమ్మెల్యే సుధీర్ రెడ్డి ఇప్పటికే నియోజకవర్గంలో పలు ప్రైవేట్ కంపెనీలతో చర్చలు జరిపి, స్థానిక యువతకు ఉపాధి కల్పించడంలో విజయం సాధించారు. ఈ ప్రసంగంపై శ్రీకాళహస్తి నియోజకవర్గంలోని ఏర్పేడు, తొట్టంబేడు, శ్రీకాళహస్తి రూరల్ ప్రాంతాల యువత హర్షం వ్యక్తం చేస్తున్నారు. పరిశ్రమల వల్ల కాలుష్యం, భూముల నష్టం భరించే స్థానికులకు ఉద్యోగాల్లో మొదటి హక్కు ఉండాలన్న ఎమ్మెల్యే ఆలోచనను అందరూ స్వాగతిస్తున్నారు.
nelaturidhanumjaya
