ఘనంగా పులి మస్తాన్ 10వ వర్ధంతి..అంబేడ్కర్ కూడలి వద్ద అన్నదాన కార్యక్రమం

శ్రీకాళహస్తి, మార్చి 27 (పున్నమి న్యూస్): శ్రీకాళహస్తి పట్టణంలో దళిత నాయకులు పులి మస్తాన్ 10వ వర్ధంతిని ఆయన కుటుంబ సభ్యులు పులి శ్రీకాంత్ ఆధ్వర్యంలో భక్తిశ్రద్ధలతో నిర్వహించారు. స్థానిక అంబేడ్కర్ సర్కిల్ వద్ద ఏర్పాటు చేసిన ఈ కార్యక్రమంలో వివిధ పార్టీల నేతలు, ప్రముఖులు పాల్గొని మస్తాన్ చిత్రపటానికి పూలమాలలు వేసి నివాళులర్పించారు. ఈ సందర్భంగా పేదలకు, బాటసారులకు భారీగా అన్నదాన కార్యక్రమం నిర్వహించారు. ఈ కార్యక్రమంలో టీడీపీ పట్టణ అధ్యక్షులు విజయకుమార్ నాయుడు, శ్రీకాళహస్తీశ్వర పాలకమండలి మాజీ చైర్మన్ అంజూరు తారక శ్రీనివాసులు, సిపిఐ నియోజకవర్గ కార్యదర్శి జనామాల గురవయ్య మాట్లాడుతూ.. సమాజ సేవలో మస్తాన్ గారు అందించిన సేవలు మరువలేనివని కొనియాడారు. యానాది సంఘం రాష్ట్ర అధ్యక్షులు చందమామల కోటయ్య, ఏఐఎస్ఎఫ్ జిల్లా సహాయ కార్యదర్శి మునిచందు, ప్రముఖ న్యాయవాదులు ప్రభాకర్ రెడ్డి, గణేష్, కొప్పల సుబ్రహ్మణ్యం, నాయకులు దారా పాండు, గుండాల బాబు, శంకర్ ఆర్ఎంపీ, అల్లం మణి, లాలు బాయ్ తదితరులు పాల్గొని ఆయన చేసిన సేవలను స్మరించుకున్నారు.