ബന്ധപ്പെടുക പുതിയ വാർത്തകൾ
യഥാർത്ഥ വാർത്ത. വേഗത്തിലുള്ള വിവരം. ആന്ധ്രാപ്രദേശ് • തെലങ്കാന • ദേശീയ
രചയിതൃ പാനൽ

Tag: విశాఖపట్నం పున్నమి న్యూస్

విశాఖపట్నం

సకాలంలో సమృద్ధిగా వర్షాలు కురవాలని కనకమహాలక్ష్మి అమ్మవారి ఆలయంలో వరుణ యాగం

*వరుణ యాగంలో పాల్గొనాలని ఎమ్మెల్యే వంశీకృష్ణ శ్రీనివాస్ గారికి ఆహ్వాన పత్రికను అందజేసిన ఈవో గారు, చైర్మన్ గారు* రాష్ట్రంలో సకాలంలో సమృద్ధిగా వర్షాలు కురిసి, ప్రజల సంక్షేమం, శ్రేయస్సు చేకూరాలని ఆకాంక్షిస్తూ శ్రీ కనకమహాలక్ష్మి అమ్మవారి దేవస్థానంలో వరుణ యాగం నిర్వహించనున్నట్లు ఆలయ నిర్వాహకులు తెలిపారు. ఈ సందర్భంగా ఎమ్మెల్యే వంశీకృష్ణ శ్రీనివాస్ గారికి వరుణ యాగానికి సంబంధించిన ఆహ్వాన పత్రికను శ్రీమతి శోభారాణి గారు, ఆలయ చైర్మన్ కందుల నాగరాజు గారు అందజేశారు. అక్టోబర్ 6, 2026 మంగళవారం ఉదయం 6:54 గంటలకు శ్రీ కనకమహాలక్ష్మి అమ్మవారి దేవస్థానంలో వరుణ యాగం ప్రారంభమవుతుందని వారు తెలిపారు. అమ్మవారి కృపతో రాష్ట్రంలో సమృద్ధిగా వర్షాలు కురిసి, రైతులు, ప్రజలు సుఖసంతోషాలతో ఉండాలని ఆకాంక్షించారు. ఈ కార్యక్రమంలో స్థానిక ప్రజాప్రతినిధులు, నాయకులు, భక్తులు, ఆలయ సిబ్బంది పాల్గొననున్నారు.

విశాఖపట్నం

జనసేన గూటికి పల్లా వెంకటరావు

*పవన్ కళ్యాణ్ సిద్ధాంతాల పట్ల ఆకర్షితులై జనసేనలో చేరిక* విశాఖపట్నం: భీమిలి నియోజకవర్గంలో జనసేన పార్టీకి మరింత బలం చేకూరింది. భీమునిపట్నం మండలం టీ.నగరపాలెం గ్రామానికి చెందిన సీనియర్ నాయకులు, మాజీ సర్పంచ్ *పల్లా వెంకటరావు* జనసేన పార్టీలో చేరారు. జనసేన పార్టీ అధ్యక్షులు, రాష్ట్ర ఉప ముఖ్యమంత్రి శ్రీ కొణిదెల పవన్ కళ్యాణ్ గారి సిద్ధాంతాలు, ఆశయాలు నచ్చి జనసేనలో చేరినట్లు ఆయన తెలిపారు. జనసేన పార్టీ విశాఖ నగర అధ్యక్షులు, దక్షిణ నియోజకవర్గ ఎమ్మెల్యే శ్రీ వంశీకృష్ణ శ్రీనివాస్ గారి చేతుల మీదుగా పల్లా వెంకటరావు పార్టీ కండువా కప్పుకున్నారు. భీమిలి నియోజకవర్గ జనసేన ఇన్‌చార్జ్, ఏపీ కాలుష్య నియంత్రణ మండలి సభ్యులు శ్రీ పంచకర్ల సందీప్ గారి సమక్షంలో ఈ చేరిక జరిగింది. *సుదీర్ఘ రాజకీయ అనుభవం ఉన్న నేత* పల్లా వెంకటరావు ఉమ్మడి ఆంధ్రప్రదేశ్‌లో టీ.నగరపాలెం గ్రామ సర్పంచ్‌గా సేవలందించడంతో పాటు ఉమ్మడి ఆంధ్రప్రదేశ్ సర్పంచ్‌ల సంఘం మాజీ కార్యదర్శిగా, జిల్లా యాదవ సంఘం ఉపాధ్యక్షులుగా పలు కీలక బాధ్యతలు నిర్వహించారు. స్థానికంగా సుదీర్ఘ అనుభవం ఉన్న ఆయన చేరికతో భీమిలి నియోజకవర్గంలో పార్టీ మరింత బలపడుతుందని నాయకులు తెలిపారు. ఈ సందర్భంగా పల్లా వెంకటరావు మాట్లాడుతూ పవన్ కళ్యాణ్ గారి నాయకత్వంలో పార్టీ సిద్ధాంతాలను ప్రజల్లోకి తీసుకెళ్తానని, భీమిలిలో పార్టీ బలోపేతానికి కృషి చేస్తానని తెలిపారు. ఈ కార్యక్రమంలో స్థానిక జనసేన నాయకులు, కార్యకర్తలు పాల్గొన్నారు.

విశాఖపట్నం

73వ వార్డులో ఘనంగా పెన్షన్ల పంపిణీ

కూటమి ప్రభుత్వం పెన్షన్ల పంపిణీలో తన నిబద్ధతను మరోసారి చాటుకుంది. ఒకటో తారీఖునే పేదల చేతికి పెన్షన్లు అందించాలనే లక్ష్యంతో నిన్న రాష్ట్రవ్యాప్తంగా పెన్షన్లు పంపిణీ చేశారు. గాజువాక నియోజకవర్గం 73వ వార్డులో జరిగిన పెన్షన్ పంపిణీ కార్యక్రమంలో రాష్ట్ర తెలుగుదేశం పార్టీ అధ్యక్షులు, గాజువాక శాసనసభ్యులు శ్రీ పల్లా శ్రీనివాసరావు గారు మరియు విశాఖ జిల్లా కలెక్టర్ శ్రీ ఎం.ఎన్. హరేంద్ర ప్రసాద్ గారు చేతుల మీదుగా పెన్షన్లను పంపిణీ చేశారు. అనంతరం వార్డు ప్రజలతో అభివృద్ధిపై చర్చా గోష్టి నిర్వహించారు. ఈ కార్యక్రమంలో స్పెషల్ ఆఫీసర్ దయానిధి గారు, గాజువాక జోనల్ కమిషనర్ శేషాద్రి గారు, గాజువాక, పెద్దగంట్యాడ ఎమ్మార్వో గార్లు, ఇతర సిబ్బంది మరియు కూటమి నాయకులు పాల్గొన్నారు. *రౌతు గోవిందరావు* 73వ వార్డు జనసేన అధ్యక్షులు

విశాఖపట్నం

మింది ATM రోడ్డు ట్రాఫిక్ సమస్యపై స్పందించిన పోలీస్ కమిషనర్*

మింది ATM రోడ్డులో రోజురోజుకూ పెరుగుతున్న భారీ ట్రాఫిక్ సమస్యపై మాజీ కార్పొరేటర్ *గుడివాడ అనూష* గారు నిన్న విశాఖ నగర పోలీస్ కమిషనర్ గారికి ఫిర్యాదు చేసి, తక్షణ చర్యలు తీసుకోవాలని కోరారు. దీనిపై స్పందించిన పోలీస్ కమిషనర్ గారు ఈరోజు గాజువాక ట్రాఫిక్ పోలీసులను మింది ATM రోడ్డుకు పంపించి, అక్కడి ట్రాఫిక్ పరిస్థితిని ప్రత్యక్షంగా పరిశీలించారు. అనంతరం గాజువాక CI గారికి మరియు కమిషనర్ గారికి పరిస్థితిపై వివరాలు తెలియజేశారు. మింది ATM రోడ్డులో ట్రాఫిక్ పరిస్థితిని మరింతగా అధ్యయనం చేసేందుకు రానున్న కొన్ని రోజుల పాటు ట్రాఫిక్ పోలీసులను అక్కడ విధుల్లో ఉంచి, వాహనాల రాకపోకలను పరిశీలించనున్నట్లు అధికారులు తెలిపారు. ప్రజలు, వాహనదారులు ఎదుర్కొంటున్న ఇబ్బందులను దృష్టిలో ఉంచుకుని తక్షణమే స్పందించి చర్యలు చేపట్టిన పోలీస్ కమిషనర్ గారికి, గాజువాక ట్రాఫిక్ పోలీసులకు మాజీ కార్పొరేటర్ గుడివాడ అనూష గారు కృతజ్ఞతలు తెలిపారు.

విశాఖపట్నం

తక్షణ సహాయక చర్యలు చేపట్టాలని అధికారులకు సూచించాము

గాజువాక నియోజకవర్గంలో తుపాను ప్రభావిత ప్రాంతాల్లో పర్యటన గాజువాక నియోజకవర్గం, షీలానగర్, హరిజన జగ్గయ్యపాలెంలో తుపాను ప్రభావిత ప్రాంతాలను గాజువాక ఎమ్మెల్యే శ్రీనివాస్ రావు తో కలిసి పరిశీలించడం జరిగింది. వరద నీటిలో చిక్కుకున్న ప్రజలను పరామర్శించి, వారి సమస్యలను అడిగి తెలుసుకున్నాము. – మాకా శాలిని 68వ వార్డు జనసేన ఇన్చార్జ్, *గాజువాక నియోజకవర్గం*

విశాఖపట్నం

గత రెండు రోజులుగా కురుస్తున్న భారీ వర్షాల కారణంగా నాతయ్యపాలెం కృష్ణమహంతి చెరువు పక్కన ఉన్న ఇళ్లలోకి వరద నీరు చేరింది

గత రెండు రోజులుగా కురుస్తున్న భారీ వర్షాల కారణంగా నాతయ్యపాలెం కృష్ణమహంతి చెరువు పక్కన ఉన్న ఇళ్లలోకి వరద నీరు చేరింది విషయాన్ని తెల్లవారుజామున 5 గంటలకే గమనించిన 69వ వార్డు జనసేన పార్టీ అధ్యక్షులు సండ్రానా భాస్కర్ వెంటనే స్పందించారు. JCB సహాయంతో చెరువు గట్టుకు నాలుగు చోట్ల గండి కొట్టించి, ఇళ్లలోకి వచ్చిన వరద నీటిని తిరిగి చెరువులోకి మళ్లించారు. దీంతో ముంపు నుండి స్థానికులకు ఉపశమనం కలిగింది.

విశాఖపట్నం

ప్రధాని మోదీజీ జన్మదిన సేవా సంకల్ప ఉత్సవాలలో భాగంగా వడ్లపూడిలో ప్రత్యేక పూజలు.

వడ్లపూడి శ్రీ సీతారామలింగేశ్వర ఆలయంలోని పంచముఖ వినాయకుడికి 108 స్వీట్స్ తో సారె సమర్పణ. బీజేపీ జిల్లా నాయకులు బొండా యల్లాజీరావు, శ్రీదేవి ఆధ్వర్యంలో ఈ కార్యక్రమం జరిగింది. అనంతరం వినాయక రూపంలో దీపాలంకరణ కార్యక్రమం నిర్వహించారు. మోదీజీ నిండు నూరేళ్లు జీవించాలని, భారత్ ను విశ్వగురువు చేయాలని పూజలు చేశారు. ఈ కార్యక్రమానికి రాజకీయాలకతీతంగా మహిళలు, గ్రామ పెద్దలు, పిల్లలు పెద్ద ఎత్తున హాజరయ్యారు. బొండా యల్లాజీరావు మాట్లాడుతూ మోదీజీ 25 ఏళ్లుగా నీతివంతమైన పాలన అందిస్తున్నారని అన్నారు. ప్రపంచ నేతలే మోదీజీని తమ బాస్, మార్గదర్శకుడిగా భావిస్తున్నారని కొనియాడారు. వర్షాన్ని సైతం లెక్కచేయకుండా ప్రజలు పెద్ద సంఖ్యలో పాల్గొన్నారు. కార్యక్రమంలో బొండా జగన్, ఈర్లి శ్రీరాములు, మింది రామారావు తదితరులు పాల్గొన్నారు. ఆలయ కమిటీ నుండి మింది గోవింద, కర్రి కృష్ణ, మడక అప్పలరాజు పాల్గొన్నారు. మహిళా నాయకులు బొండా శ్రీదేవి, లక్ష్మి, సుజాత, మంగసత్య తదితరులు హాజరయ్యారు. భజన మండలి సభ్యులు కుమారి, పద్మ, షాలిని, విజయలక్ష్మి పాల్గొన్నారు.. అర్చకులు నరసింహమూర్తి, సత్యనారాయణలు మోదీజీ పేరున ప్రత్యేక పూజలు చేశారు. భక్తి శ్రద్ధలతో కార్యక్రమం ఘనంగా ముగిసింది.

విశాఖపట్నం

: కూర్మాన్నపాలెం ప్రధాన రహదారిపై వీధి కుక్కల బెడద.. భయాందోళనలో స్థానికులు

విశాఖపట్నం: గాజువాక మండలం కూర్మాన్నపాలెం, రాజీవ్ నగర్ ప్రధాన రహదారిపై వీధి కుక్కల బెడద ఎక్కువైందని స్థానికులు ఆవేదన వ్యక్తం చేస్తున్నారు. ప్రధాన రహదారి పక్కన ఖాళీ స్థలంలో 8 నుండి 10 వరకు వీధి కుక్కలు గుంపులుగా సంచరిస్తున్నాయని, వాహనదారులు, చిన్న పిల్లలు, వృద్ధులు తీవ్ర భయాందోళనకు గురవుతున్నారని తెలిపారు. ముఖ్యంగా ఉదయం, సాయంత్రం వేళల్లో కుక్కలు వెంటపడుతున్నాయని, పలువురిపై దాడికి యత్నించాయని స్థానికులు చెబుతున్నారు. రోడ్డుపై చెత్త వేయడం వల్ల కుక్కలు అక్కడే ఉంటున్నాయని అంటున్నారు. దీనిపై జీవీఎంసీ అధికారులు స్పందించి వీధి కుక్కలను నియంత్రించాలని, పట్టుకొని షెల్టర్ కు తరలించాలని స్థానిక ప్రజలు కోరుతున్నారు.

విశాఖపట్నం

పర్యావరణాన్ని కాపాడండి.. మట్టి గణపతినే పూజించండి – లయన్స్ క్లబ్ ఆధ్వర్యంలో ఉచిత వినాయక విగ్రహాల పంపిణీ

వినాయక చవితి పర్వదినాన్ని పురస్కరించుకుని లయన్స్ క్లబ్ ఆధ్వర్యంలో ఉచితంగా మట్టి వినాయక విగ్రహాలను పంపిణీ చేశారు. లారస్ ల్యాబ్స్ సహకారంతో ఏర్పాటు చేసిన ఈ కార్యక్రమంలో భక్తులకు పర్యావరణ హితమైన మట్టి గణపతి బొమ్మలను అందజేశారు. ప్లాస్టర్ ఆఫ్ పారిస్ విగ్రహాల వల్ల కలిగే కాలుష్యాన్ని నివారించేందుకు ప్రతి ఒక్కరూ మట్టి వినాయకుడినే పూజించాలని ఈ సందర్భంగా నిర్వాహకులు పిలుపునిచ్చారు. ఈ కార్యక్రమంలో లయన్స్ క్లబ్ సభ్యులు పాల్గొని, ప్రజలకు విగ్రహాలను పంపిణీ చేశారు. పెద్ద సంఖ్యలో స్థానికులు వచ్చి మట్టి వినాయక విగ్రహాలను తీసుకెళ్లారు. లయన్స్ క్లబ్ చేస్తున్న ఈ సేవా కార్యక్రమాన్ని పలువురు అభినందించారు. Uploaded Video:

విశాఖపట్నం

APCOB 4వ బోర్డు సమావేశం – కీలక నిర్ణయాలకు ఆమోదం

విజయవాడ: ఆంధ్రప్రదేశ్ రాష్ట్ర సహకార బ్యాంకు లిమిటెడ్ (APCOB) 2026-27 ఆర్థిక సంవత్సరానికి సంబంధించిన 4వ బోర్డు సమావేశం విజయవాడలోని సహకార భవన్‌లో ఘనంగా జరిగింది. ఈ సమావేశానికి ఉమ్మడి విశాఖ DCCB చైర్మన్ కోన తాతారావు ప్రొఫెషనల్ డైరెక్టర్లు, NABARD CGM సోమనిందర్ సింగ్ APCOB మేనేజింగ్ డైరెక్టర్ మరియు సీనియర్ అధికారులు హాజరయ్యారు. *సమావేశంలో సమీక్షించిన అంశాలు:* బ్యాంకు నిధుల స్థితి, పెట్టుబడులు, CRR/SLR సమ్మతి, NABARD రుణాలు, DCCBల రుణ స్థితి, RBI నిబంధనలు, ఫ్రాడ్ రిస్క్ మేనేజ్‌మెంట్, KYC అప్‌డేషన్ పై సమగ్ర సమీక్ష జరిగింది. *బోర్డు ఆమోదించిన కీలక నిర్ణయాలు:* 1. రెపో రుణ పరిమితిని రూ.200 కోట్ల నుండి రూ.400 కోట్లకు పెంపు. 2. 2026-27కి మెస్సర్స్ రావు & కుమార్ సంస్థను చట్టబద్ధ ఆడిటర్‌గా నియామకం. 3. APCOB ప్రధాన కార్యాలయంలో Central IT Coordination విభాగం ఏర్పాటు. 4. RBI మార్గదర్శకాల మేరకు SHGల NPA వర్గీకరణకు ఆమోదం. 5. APCOB CTIలో శిక్షణ కోసం నలుగురు అధ్యాపకుల నియామకం. 6. APCOB చైర్మన్ గన్ని వీరాంజనేయులు NAFSCOB బోర్డుకు నామినేట్. చివరగా, రైతులకు SAO కింద వ్యవసాయ రుణాలను మరింత పెంచాలని, క్షేత్రస్థాయిలో రుణ ప్రవాహాన్ని బలోపేతం చేయాలని బోర్డు సూచించింది.