విచ్చలవిడిగా బ్లాస్టింగ్… అధికారుల నిర్లక్ష్యం..!
ప్రజల ప్రాణాలకు ముప్పు… ఎవరూ పట్టించుకోరా..?
పున్నమి న్యూస్ ప్రతినిధి
30 ఏప్రిల్ 2026
తెలంగాణ ఇంచార్జి
రంగారెడ్డి జిల్లా
రంగారెడ్డి జిల్లా – ఇబ్రహీంపట్నం నియోజకవర్గం
యాచారం మండలం – మేడిపల్లి నక్కర్త గ్రామ పరిధి
రంగారెడ్డి జిల్లా ఇబ్రహీంపట్నం నియోజకవర్గంలోని యాచారం మండలం మేడిపల్లి నక్కర్త గ్రామ పరిధిలో ఉన్న కొన్ని ప్రైవేట్ వెంచర్లలో నిబంధనలు పూర్తిగా ఉల్లంఘిస్తూ విచ్చలవిడిగా రాళ్ల బ్లాస్టింగ్ జరుగుతున్న ఘటన తీవ్ర ఆందోళనకు గురి చేస్తోంది.
పర్యావరణ నియమాలు, భద్రతా ప్రమాణాలు అన్నీ పక్కన పెట్టి భారీ స్థాయిలో పేలుళ్లు నిర్వహిస్తున్నప్పటికీ సంబంధిత అధికారులు మాత్రం పట్టించుకోకుండా మౌనం వహించడం గమనార్హం.
రోజూ జరిగే ఈ పేలుళ్ల కారణంగా సమీప గ్రామాల్లో నివసిస్తున్న ప్రజలు తీవ్ర భయాందోళనలకు గురవుతున్నారు. పేలుళ్ల సమయంలో భూమి కంపించడం, పెద్ద రాళ్లు ఎగిరిపడే ప్రమాదం ఉండటం, ఇళ్లకు పగుళ్లు వచ్చే పరిస్థితులు నెలకొనడం వంటి సమస్యలు తలెత్తుతున్నాయని స్థానికులు చెబుతున్నారు.
అనుమతులు లేకుండా లేదా నిబంధనలకు విరుద్ధంగా బ్లాస్టింగ్
ఎలాంటి భద్రతా చర్యలు లేకుండా పేలుళ్లు
గ్రామ ప్రజలకు ముందస్తు సమాచారం ఇవ్వకపోవడం
పర్యావరణానికి తీవ్ర నష్టం
వ్యవసాయ భూములపై ప్రతికూల ప్రభావం
పిల్లలు, వృద్ధుల ప్రాణాలకు ముప్పు అధికారుల వైఖరి:
ఇంతటి పెద్ద ఎత్తున బ్లాస్టింగ్ జరుగుతున్నా,
సంబంధిత మైనింగ్, రెవెన్యూ, పోలీస్ శాఖలు స్పందించకపోవడం పై ప్రజలు తీవ్ర అసంతృప్తి వ్యక్తం చేస్తున్నారు.
పలుమార్లు ఫిర్యాదులు చేసినప్పటికీ ఎలాంటి చర్యలు తీసుకోకపోవడం అధికారుల నిర్లక్ష్యాన్ని స్పష్టంగా చూపిస్తోందని గ్రామస్తులు ఆరోపిస్తున్నారు.
వెంటనే అక్రమ బ్లాస్టింగ్ను నిలిపివేయాలి
బాధ్యులపై కఠిన చర్యలు తీసుకోవాలి
గ్రామ ప్రజల భద్రతకు హామీ ఇవ్వాలి
పర్యావరణ పరిరక్షణ చర్యలు చేపట్టాలి
