తెలంగాణ ఉద్యమంలో కీలక పాత్ర పోషించిన న్యాయవాదులు.. మాజీ మంత్రి సత్యవతి రాథోడ్

మహబూబాబాద్ జిల్లా | 28-10-2026
తెలంగాణ ఉద్యమంలో కీలక పాత్ర పోషించిన న్యాయవాదులు.. గ్రాడ్యుయేట్ ఎమ్మెల్సీ ఎన్నికల్లో ప్రజాస్వామ్య పరిరక్షణకు తమ ఓటు హక్కును వినియోగించాలి: మాజీ మంత్రి సత్యవతి రాథోడ్

రానున్న నల్గొండ–ఖమ్మం–వరంగల్ గ్రాడ్యుయేట్ ఎమ్మెల్సీ ఎన్నికల్లో బీఆర్ఎస్ పార్టీ అభ్యర్థికి మద్దతు తెలపాలని కోరుతూ, *మాజీ మంత్రి శ్రీమతి సత్యవతి రాథోడ్ గారు* నేడు మహబూబాబాద్ జిల్లా కోర్టులోని బార్ అసోసియేషన్ కార్యాలయంలో న్యాయవాదులతో సమావేశమయ్యారు

ఈ సందర్భంగా సత్యవతి రాథోడ్ గారు మాట్లాడుతూ.. తెలంగాణ రాష్ట్ర సాధన ఉద్యమంలో న్యాయవాదుల పాత్ర ఎంతో కీలకమైనదని అన్నారు. ప్రత్యేక తెలంగాణ రాష్ట్ర ఆకాంక్షను బలంగా వినిపిస్తూ, తెలంగాణ ప్రజల హక్కుల సాధన కోసం న్యాయవాదులు ఉద్యమంలో చురుకుగా పాల్గొన్నారని గుర్తుచేశారు. తెలంగాణ రాష్ట్ర సాధన కోసం కేసీఆర్ గారి నాయకత్వంలో సాగిన ఉద్యమానికి న్యాయవాదులు తమ మద్దతు తెలిపారని పేర్కొన్నారు

న్యాయవాదులు కేవలం న్యాయస్థానాలకే పరిమితమైనవారు కాదు.. సమాజానికి న్యాయం అందించడంలో, ప్రజాస్వామ్య విలువలను కాపాడటంలో, రాజ్యాంగ హక్కులను పరిరక్షించడంలో కీలక బాధ్యత కలిగిన మేధావి వర్గం. సమాజంలో జరిగే అన్యాయాలను ప్రశ్నిస్తూ, ప్రజలకు న్యాయం జరిగేలా తమ వంతు పాత్ర పోషించే న్యాయవాదులు ప్రజాస్వామ్య వ్యవస్థకు బలమైన పునాదులని అన్నారు

ప్రస్తుతం రాష్ట్రంలో ప్రజలకు సంబంధించిన అనేక సమస్యలు, ప్రభుత్వ హామీల అమలు, ప్రజా హక్కుల పరిరక్షణ వంటి అంశాలపై చర్చ జరగాల్సిన అవసరం ఉందని ఆమె పేర్కొన్నారు. ఇలాంటి పరిస్థితుల్లో ఉన్నత విద్యావంతులైన గ్రాడ్యుయేట్లు, ముఖ్యంగా న్యాయవాదులు తమ ఓటు హక్కు విలువను గుర్తించి, రాష్ట్ర భవిష్యత్తు గురించి ఆలోచించి నిర్ణయం తీసుకోవాలని కోరారు

ఒక ఓటు కేవలం అభ్యర్థిని ఎన్నుకునే సాధనం మాత్రమే కాదని, ప్రజాస్వామ్యంలో తమ అభిప్రాయాన్ని వ్యక్తపరిచే హక్కు అని అన్నారు. తెలంగాణ ఉద్యమ సమయంలో ప్రజల ఆకాంక్షలకు అండగా నిలిచిన న్యాయవాదులు, ఇప్పుడు కూడా ప్రజా సమస్యలు, హక్కులు, సామాజిక న్యాయం వంటి అంశాలపై తమ అభిప్రాయాన్ని ఓటు ద్వారా తెలియజేయాలని విజ్ఞప్తి చేశారు

గ్రాడ్యుయేట్ ఎమ్మెల్సీ ఎన్నికలు ఉన్నత విద్యావంతులైన ఓటర్లకు తమ ఆలోచనలు, ఆకాంక్షలను ప్రతిబింబించే అవకాశం కల్పిస్తాయని పేర్కొంటూ, రానున్న ఎన్నికల్లో బీఆర్ఎస్ పార్టీ అభ్యర్థికి మద్దతు తెలపాలని న్యాయవాదులను సత్యవతి రాథోడ్ గారు కోరారు

తెలంగాణ రాష్ట్ర సాధనలో న్యాయవాదులు పోషించిన పాత్ర చరిత్రలో నిలిచిపోతుందని, ప్రజాస్వామ్య పరిరక్షణలోనూ వారు తమ బాధ్యతను కొనసాగించాలని ఆమె ఆకాంక్షించారు

కార్యక్రమంలో పాల్గొన్న మహబూబాబాద్ మాజీ శాసనసభ్యులు శ్రీ బానోత్ శంకర్ నాయక్ గారు, మహబూబాబాద్ బార్ అసోసియేషన్ అధ్యక్షులు మామిడాల సత్యనారాయణ గారు, మహబూబాబాద్ జడ్పీ చైర్మన్ కుమార్ బిందు అంగోత్ గారు, మున్సిపాలిటీ మాజీ చైర్మన్ పాల్వాయి రామ్మోహన్ రెడ్డి గారు, మాజీ వైస్ చైర్మన్ ఎండి ఫరీద్ గారు, వెన్నమల్ల అజయ్ గారు తదితరులు