పోలియో రహిత సమాజ కోసం అందరు కృషి చేయాలని…. డాక్టర్ బాలు

శ్రీకాళహస్తి పట్టణంలోని, శ్రీరామ్ నగర్ కాలనీ యు పి హెచ్ సి హెల్త్ సెంటర్ మెడికల్ ఆఫీసర్ డాక్టర్ బాలు పోలియో రహిత సమాజ కోసం అందరు కృషి చేయాలన్నారు. ఈనెల 21వ తేదీ నిర్వహించే పల్స్ పోలియో కార్యక్రమంపై ఆయన మాట్లాడుతూ.. ఐదు సంవత్సరాలలోపు పిల్లలకు పోలియో చుక్కలు వేయించాలని పోలియో తీవ్రమైన వైరల్ వ్యధని అది పిల్లల్లో వికలాంగతకు దారితీస్తుందన్నారు. ఈ కార్యక్రమం ప్రభుత్వ ఏరియా ఆసుపత్రిలో, దగ్గర్లోని ప్రాథమిక ఆరోగ్య కేంద్రాలలో, అంగన్వాడి కేంద్రాల్లో, బస్టాండ్, రైల్వే స్టేషన్ ప్రభుత్వం నిర్దేశించిన ప్రాంతాలలో పోలియో కేంద్రాలను ఏర్పాటు చేయనున్నట్లు ఆయన తెలిపారు. ప్రతి ఒక్కరూ ఐదు సంవత్సరాలలో తమ పిల్లలకు తప్పనిసరిగా పోలియో చుక్కలు వేయించి పోలియో రహిత సమాజం కోసం కృషి చేయాలన్నారు. తల్లిదండ్రులు మీ సమీప పోలియో బూత్ కేంద్రాలకు వెళ్లి పోలియో చుక్కలు వేయించాలని తెలిపారు. రెండు చుక్కలు_ మీ జీవితానికి రక్షణ అనే నినాదంతో 22,23వ తేదీలలో ఇంటింటికి వెళ్లి పోలియో చుక్కలు వేయనున్నట్లు ఆయన తెలిపారు.