పుట్టినరోజు వేళ.. మానవత్వం చాటుకున్న వైనం!

ఆర్భాటాలకు పోకుండా, ఆపదలో ఉన్న వారికి అండగా నిలవడమే అసలైన వేడుక అని అత్తిగారిపల్లికి చెందిన అనిమెల సుబ్బరాయుడు, కృష్ణవేణి దంపతులు నిరూపించారు. తమ కుమారుడు అనిమెల హన్సిత్ నాలుగో పుట్టినరోజును పురస్కరించుకుని, మానవత చిట్వేలు శాఖ** సహకారంతో మంగళవారం శ్రీ శ్రీ శ్రీ నారాయణ తపోవన ఆశ్రమంలో నిత్యవసర వస్తువులను పంపిణీ చేశారు.ఈ సందర్భంగా ఆశ్రమ పీఠాధిపతి నాగేశ్వరమ్మ మాట్లాడుతూ.. పుట్టినరోజు వంటి శుభకార్యాలను ఆశ్రమంలోని వృద్ధులు, అనాథల మధ్య జరుపుకోవడం ఎంతో శుభపరిణామమని పేర్కొన్నారు. ఇలాంటి సేవా కార్యక్రమాలు ఆశ్రమ అభివృద్ధికి, అక్కడ ఉన్న పెద్దల పోషణకు ఎంతో తోడ్పడతాయని తెలిపారు. సామాజిక స్పృహతో వ్యవహరించిన బాలుడి తల్లిదండ్రులను ఆమె నిండు నూరేళ్లు చల్లగా ఉండాలని దీవించారు.చిట్వేలి మానవత సంస్థ చేస్తున్న నిరంతర సేవా కార్యక్రమాలను నాగేశ్వరమ్మ ప్రత్యేకంగా అభినందించారు. ఆశ్రమంలోని వృద్ధులకు, అవసరార్థులకు తమ వంతుగా తోడ్పాటు అందిస్తున్న సంస్థ సభ్యుల కృషిని ఆమె కొనియాడారు. హన్సిత్ పుట్టినరోజున ఇలాంటి మంచి కార్యక్రమానికి నాంది పలకడం అందరికీ స్ఫూర్తిదాయకమన్నారు.ఈ కార్యక్రమంలో ఆలయ కార్యకర్త చంద్ర, ఆశ్రమ పెద్దలు చిట్వేలి వెంకటరమణ, హన్సిత్ కుటుంబ సభ్యులు మరియు ఆశ్రమవాసులు పాల్గొన్నారు.