నామాపూర్ మోడల్ స్కూల్ జూనియర్ కాలేజ్‌లో ద్వితీయ సంవత్సరం విద్యార్థులకు ఘనంగా వీడ్కోలు

రాజన్న సిరిసిల్ల జిల్లా ముస్తాబాద్ మండలం నామాపూర్‌లోని మోడల్ స్కూల్ జూనియర్ కాలేజ్‌లో ఈరోజు ద్వితీయ సంవత్సరం విద్యార్థుల వీడ్కోలు సమావేశాన్ని ఘనంగా నిర్వహించారు. ఈ సందర్భంగా విద్యార్థులు నృత్య ప్రదర్శనలతో అందరినీ ఆకట్టుకున్నారు. తమ కాలేజీ జీవితం లోని మధుర జ్ఞాపకాలు, అనుభవాలు, భవిష్యత్ లక్ష్యాల గురించి విద్యార్థులు భావోద్వేగంగా తమ సందేశాలను పంచుకున్నారు. ఈ కార్యక్రమానికి కాలేజీ ప్రిన్సిపాల్ శ్రీ కొండల్ రెడ్డి గారు ముఖ్య అతిథిగా హాజరై విద్యార్థులకు భవిష్యత్తులో ఉన్నత శిఖరాలను అధిరోహించాలని ఆకాంక్షిస్తూ శుభాకాంక్షలు తెలిపారు. అలాగే అధ్యాపక బృందం విద్యార్థులకు తమ అనుభవాలను తెలియజేస్తూ ఆశీస్సులు అందజేసి, క్రమశిక్షణతో కష్టపడి చదివి జీవితంలో మంచి స్థాయికి చేరుకోవాలని సూచించారు. ఈ వీడ్కోలు కార్యక్రమం ఆనందభరిత వాతావరణంలో జరిగింది. విద్యార్థులు, అధ్యాపకులు కలిసి ఈ కార్యక్రమాన్ని విజయవంతం చేశారు.