ബന്ധപ്പെടുക പുതിയ വാർത്തകൾ
യഥാർത്ഥ വാർത്ത. വേഗത്തിലുള്ള വിവരം. ആന്ധ്രാപ്രദേശ് • തെലങ്കാന • ദേശീയ
രചയിതൃ പാനൽ

Tag: Sports

నంద్యాల

కుస్తీ బరిలో బాల అకాడమీ దూకుడు!జిల్లా స్థాయిలో జయకేతనం… రాష్ట్రస్థాయి పోటీలకు విద్యార్థుల ఎంపిక

నంద్యాల: క్రీడారంగంలో బాల అకాడమీ – సిల్వర్ ఓక్స్ హైస్కూల్ విద్యార్థులు తమ ప్రతిభను చాటుకున్నారు. నంద్యాల మున్సిపల్ హైస్కూల్ వేదికగా నిర్వహించిన జిల్లా స్థాయి కుస్తీ పోటీల్లో బాల అకాడమీ విద్యార్థులు ఎస్.ఎం.డి. నాబిల్ (10వ తరగతి), సాయి శ్రీవిద్య (9వ తరగతి) అద్భుత ప్రతిభ కనబరిచి విజేతలుగా నిలిచారు. తమ అసాధారణ ఆటతీరుతో రాష్ట్రస్థాయి పోటీలకు ఎంపికై పాఠశాలకు గర్వకారణంగా నిలిచారు.ఈ నెల 10, 11, 12 తేదీల్లో పల్నాడు జిల్లా, కరెంపూడిలోని BZPH పాఠశాల వేదికగా నిర్వహించనున్న SGF AP U-17 రాష్ట్రస్థాయి కుస్తీ ఫ్రీ స్టైల్ పోటీల్లో నాబిల్, సాయి శ్రీవిద్య పాల్గొననున్నారు. జిల్లా స్థాయిలో సాధించిన విజయంతో పాఠశాలలో ఆనందోత్సాహాలు నెలకొన్నాయి.విద్యార్థుల విజయానికి వారి కఠోర సాధన, పట్టుదలతో పాటు ఫిజికల్ ఎడ్యుకేషన్ టీచర్ శివ అందించిన ప్రోత్సాహం, శిక్షణ, మార్గదర్శకత్వం ఎంతో దోహదపడ్డాయి. క్రీడల పట్ల విద్యార్థుల్లో ఆసక్తిని పెంపొందిస్తూ వారిని ఉన్నత స్థాయికి తీసుకెళ్లేందుకు పాఠశాల యాజమాన్యం అందిస్తున్న సహకారం ప్రశంసనీయం.ఈ సందర్భంగా కరస్పాండెంట్ మాధవి లత, ప్రిన్సిపల్ రమేష్ సార్, కోఆర్డినేటర్ నాగమణి విద్యార్థులను అభినందించి, రాష్ట్రస్థాయి పోటీల్లోనూ విజయాలు సాధించి పాఠశాలకు మరింత పేరు ప్రతిష్ఠలు తీసుకురావాలని ఆకాంక్షించారు. ఉపాధ్యాయులు, తల్లిదండ్రులు కూడా విద్యార్థుల విజయంపై హర్షం వ్యక్తం చేశారు. పట్టుదల, క్రమశిక్షణ, నిరంతర సాధన ఉంటే విజయం తప్పక వరిస్తుంది అనే విషయాన్ని నాబిల్, సాయి శ్రీవిద్య విజయాలు మరోసారి నిరూపించాయి. రాష్ట్రస్థాయి పోటీల్లోనూ వీరిద్దరూ అద్భుత ప్రతిభ కనబరిచి బాల అకాడమీకి మరింత పేరు, గౌరవం తీసుకురావాలని పాఠశాల కుటుంబం ఆకాంక్షిస్తోంది.

నంద్యాల

ఆచార్య చాణక్య బిసినెస్ ఆప్టిట్యూడ్ టెస్ట్ లో శాంతినికేతన్ విద్యార్థుల ప్రభంజనం*

నంద్యాల, క్రాంతినగర్ శ్రీ శాంతినికేతన్ గ్రూప్ ఆఫ్ స్కూల్స్ విద్యార్థులు రాష్ట్రస్థాయి ఆచార్య చాణక్య బిజినెస్ ఆప్టిట్యూడ్ టెస్ట్ ఒలింపియాడ్ పరీక్షలో అద్భుత ప్రతిభ కనబరిచి రెండు రాష్ట్రస్థాయి ర్యాంకులను సాధించారు.9వ తరగతి విద్యార్థి జి. సి .సంతోష్ రాష్ట్రస్థాయిలో ద్వితీయ ర్యాంక్ 8వ తరగతి విద్యార్థి ఎన్.కార్తీక్ రాష్ట్రస్థాయిలో తృతీయ ర్యాంక్ సాధించి పాఠశాల గౌరవాన్ని మరింత పెంచారు.ఈ సందర్భంగా పాఠశాలలో ప్రత్యేక అభినందన కార్యక్రమాన్ని నిర్వహించారు. పాఠశాల చైర్మన్ సుధాకర్ రాష్ట్రస్థాయి ర్యాంకులు సాధించిన విద్యార్థులను అభినందించి, వారి ప్రతిభను ప్రశంసించారు. ఈ సందర్భంగా ఆయన విద్యార్థులకు మెమెంటో మరియు మెడల్‌ను అందజేసి ఘనంగా సత్కరించారు.విద్యార్థుల విజయానికి కృషి చేసిన ఐఐటీ ప్రోగ్రాం బృందం మరియు ఉపాధ్యాయులను కూడా చైర్మన్ సుధాకర్ అభినందించారు.ఈ సందర్భంగా చైర్మన్ సుధాకర్ మాట్లాడుతూ, “మా విద్యార్థులు రాష్ట్రస్థాయిలో రెండు ర్యాంకులు సాధించడం ఎంతో ఆనందంగా ఉంది. విద్యార్థుల ప్రతిభకు, ఉపాధ్యాయుల కృషికి ఇది నిదర్శనం. భవిష్యత్తులో మరింత మంది విద్యార్థులు రాష్ట్ర, జాతీయ స్థాయిలో విజయాలు సాధించేలా వారికి నిరంతరం ప్రోత్సాహం మరియు మార్గదర్శకత్వం అందిస్తాము” అని అన్నారు. ఈ కార్యక్రమంలో ప్రిన్సిపాల్ మరియు ఉపాధ్యాయులు పాల్గొని రాష్ట్రస్థాయి ర్యాంకులు సాధించిన విద్యార్థులను అభినందించారు. విద్యార్థుల విజయంపై పాఠశాల యాజమాన్యం, ఉపాధ్యాయులు మరియు విద్యార్థులు హర్షం వ్యక్తం చేశారు.

ASIFABAD

తెలంగాణ రాష్ట్ర జట్టుకు ఎంపిక

ఈ నెల 03.09.2026 నుంచి 07.09.2026 వరకు ఛత్తీస్‌గఢ్ రాష్ట్రం భిలాయిలో జరగనున్న 45వ సబ్-జూనియర్ బాల్ బ్యాడ్మింటన్ ఛాంపియన్‌షిప్ పోటీలకు ఉమ్మడి ఆదిలాబాద్ జిల్లా గోలేటి గ్రామానికి చెందిన సింగరేణి పాఠశాల విద్యార్థులు పుదరి సిరి, ఎం. కృష్ణ లోకనందులు తెలంగాణ రాష్ట్ర జట్టుకు ఎంపికయ్యారు. వీరిని ఉమ్మడి ఆదిలాబాద్ జిల్లా బాల్ బ్యాడ్మింటన్ అధ్యక్షులు డాక్టర్ కొత్తపల్లి శ్రీనివాస్, సెక్రటరీ ఎస్. తిరుపతి, జిల్లా ఒలింపిక్ వర్కింగ్ ప్రెసిడెంట్ ఆర్. నారాయణ రెడ్డి, జిల్లా బాల్ బ్యాడ్మింటన్ సంయుక్త కార్యదర్శి ఎం. వెంకటేశ్వర్లు, సింగరేణి పాఠశాల హెడ్‌మాస్టర్ ఎం. రవితేజ, పీఈటీ కె. భాస్కర్, వి. మహేందర్, ఆర్.వి. రామకృష్ణ రెడ్డి, ఆర్. శ్రీనివాస్ రెడ్డి, కుమ్మరి మల్లేశ్, కె. నరేష్, జి. శ్రీధర్, వి. సతీష్ అభినందించారు.

నంద్యాల

విద్యార్థులను పారిశ్రామికవేత్తలుగా తీర్చిదిద్దడమే ధ్యేయం: శ్రీరామకృష్ణ కళాశాలలో అవగాహన సదస్సు

నంద్యాలలోని శ్రీరామకృష్ణ డిగ్రీ కళాశాలలో కేంద్ర సూక్ష్మ, చిన్న, మధ్యతరహా పరిశ్రమల (MSME) మంత్రిత్వ శాఖ ఆధ్వర్యంలో పారిశ్రామికవేత్తల అవగాహన కార్యక్రమం మంగళవారం నిర్వహించారు. మారుతున్న కాలానికి అనుగుణంగా విద్యార్థుల్లో కొత్త ఆలోచనలను ప్రోత్సహిస్తూ వారిని పారిశ్రామికవేత్తలుగా తీర్చిదిద్దడమే లక్ష్యమని ముఖ్య అతిథి అప్పిరెడ్డి తెలిపారు.యూనియన్ బ్యాంక్ ఆఫ్ ఇండియా డైరెక్టర్ అరుణ మహిళా సాధికారత, బ్యాంకింగ్ సేవలపై అవగాహన కల్పించగా… ప్రతినిధులు చంద్రశేఖర్, హరినాథ్ విద్యార్థులకు ఇంటర్న్‌షిప్, ప్రాక్టికల్ అనుభవం, ఉపాధి అవకాశాల ప్రాముఖ్యతను వివరించారు. దేశ ఆర్థిక పురోగతిలో పరిశ్రమల పాత్ర కీలకమని పోతుల రత్నారెడ్డి పేర్కొన్నారు. విద్యార్థులు నైపుణ్యాలను పెంపొందించుకుని ఉపాధి కల్పించే స్థాయికి ఎదగాలని కళాశాల ఛైర్మన్ డాక్టర్ రామకృష్ణారెడ్డి ఆకాంక్షించారు. అనంతరం అతిథులను ఘనంగా సన్మానించారు.

నంద్యాల

భగత్ సింగ్ 119వ జయంతి సందర్బంగా నివాళులు, పాలాభిషేకం.

నంద్యాల: భగత్ సింగ్ 119వ జయంతి సందర్బంగా డి వై ఎఫ్ ఐ, ఎస్ ఎఫ్ ఐ ఆధ్వర్యంలో స్థానిక డీగ్రీ కళాశాల మైదానంలో భగత్ సింగ్ చిత్రపటానికి పూల మాల వేసి నివాళులు అర్పించారు. దేశం కోసం 21 సంవత్సరాలకే ప్రాణ త్యాగం చేసిన గొప్ప నాయకుడు భగత్ సింగ్ గారు ఆయన ఆశయాల కోసం యువత కలిసికట్టుగా ముందుకు రావాలని అదేవిధంగా విద్యార్థులు యువకులు చెడు మార్గాలు పట్టకుండా దేశం బాగు కోసం అడుగులు వేయాలని వారిని కోరుతున్నామని అన్నారు. అనంతరం భారత ఎన్నికల సంఘం చేపడుతున్న ఓటర్ల జాబితా ప్రత్యేక సమగ్ర సవరణ (SIR) ప్రక్రియపై పలు అభ్యంతరాలు వ్యక్తమవుతున్న నేపథ్యంలో, భారత ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని ఎస్‌ఎఫ్‌ఐ జిల్లా ప్రధాన కార్యదర్శి ఎం.ఆర్.నాయక్, డీవైఎఫ్‌ఐ నగర కార్యదర్శి శివ ప్రతిజ్ఞ చేశారు.ఈ సందర్బంగా వారు మాట్లాడుతూ ఓటు హక్కు ప్రజాస్వామ్యంలో అత్యంత కీలకమైన హక్కు. ఓటర్ల జాబితా సవరణ ప్రక్రియలో ప్రతి అర్హుడైన ఓటరుకు తన ఓటు హక్కును కాపాడుకునే అవకాశం కల్పించాలని, పారదర్శకతను పాటించాలని, ప్రజల అభ్యంతరాలను పరిగణనలోకి తీసుకోవాలని ఎస్‌ఐఆర్‌ ప్రక్రియలో అనుసరిస్తున్న విధానాలు ప్రజాస్వామ్య విలువలకు విరుద్ధంగా ఉన్నాయని డీవైఎఫ్‌ఐ, ఎస్ఎఫ్ఐ అభిప్రాయపడుతున్నాయి. ఎన్నికల సంఘం స్వతంత్రంగా, నిష్పక్షపాతంగా వ్యవహరిస్తూ ప్రజల విశ్వాసాన్ని కాపాడాలని, ఈ అంశాలపై సమగ్ర విచారణ జరిపించాలని ఈ నేపథ్యంలో ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డీవైఎఫ్‌ఐ, ఎస్ఎఫ్ఐ డిమాండ్ చేస్తున్నాయి. అనంతరం పట్టణంలో ఉన్నా భగత్ సింగ్ విగ్రహంకు పాలాభిషేకం చేశారు. ఈ కార్యక్రమంలో డివైఎఫ్ఐ పట్టణ సహాయ కార్యదర్శి రాఘవ శ్రీనివాసులు, వెంకటేశ్వర్లు, చిన్న కులయప్ప, ఆంజనేయులు, రవి,ఎస్ ఎఫ్ ఐ నగర కార్యదర్శి శివకుమార్, మున్నాఫ్, నాయుకులు నాగార్జున, వరుణ్, తేజ, తదితరులు పాల్గొన్నారు.

నంద్యాల

శ్రీ గురు రాజా ఇంటర్నేషనల్ స్కూల్‌లో వినూత్నంగా జంగిల్ సఫారీ

నంద్యాల బాబానగర్‌లోని శ్రీ గురు రాజా ఇంటర్నేషనల్ స్కూల్‌లో కిండర్ గార్డెన్ చిన్నారులచే ‘జంగిల్ సఫారీ’ కార్యక్రమాన్ని ఆకర్షణీయంగా నిర్వహించారు. పాఠశాల ప్రాంగణంలో కృత్రిమ అడవిని ఏర్పాటు చేసి, వివిధ జంతువుల వేషధారణలతో చిన్నారులు అటవీ సందర్శన అనుభూతిని ప్రదర్శించారు.బాల్యదశ నుంచే ప్రకృతి సంరక్షణ, జంతువుల పట్ల ప్రేమను పెంపొందించడమే ఈ కార్యక్రమ ముఖ్య ఉద్దేశమని స్కూల్ డైరెక్టర్ పి.షేక్షావలి రెడ్డి తెలిపారు. ఆకట్టుకునే ప్రదర్శనలు చేసిన చిన్నారులను ఈ సందర్భంగా అభినందించారు.

నంద్యాల

రాష్ట్ర స్థాయి షూటింగ్ బాల్ పోటీలకు శాంతినికేతన్ విద్యార్థులు ఎంపిక

నంద్యాల క్రాంతినగర్‌లోని శ్రీ శాంతినికేతన్ సీబీఎస్‌ఈ పాఠశాల పదో తరగతి విద్యార్థులు (హరీష్, తరుణ్, చార్విత్, సుమంత్) రాష్ట్ర స్థాయి షూటింగ్ బాల్ పోటీలకు ఎంపికయ్యారు. స్థానిక ఎస్పీజీ హైస్కూల్ మైదానంలో నిర్వహించిన జిల్లా స్థాయి పోటీలలో ప్రతిభ చాటి వీరు జిల్లా జట్టు స్థానం సంపాదించారు.వీరు అక్టోబర్ 11, 12 తేదీల్లో గుంటూరులో జరగనున్న రాష్ట్ర స్థాయి ఛాంపియన్‌షిప్‌లో ప్రాతినిధ్యం వహించనున్నారు. ఎంపికైన విద్యార్థులను, పీఈటీని పాఠశాల చైర్మన్ సుధాకర్, ప్రిన్సిపాల్ మరియు ఉపాధ్యాయులు అభినందించి శుభాకాంక్షలు తెలిపారు.

నంద్యాల

జోనల్ బాక్సింగ్ ఛాంపియన్‌గా ఆత్మకూరు అకాడమీ

నంద్యాల: జిల్లా బాక్సింగ్ అసోసియేషన్ ఆధ్వర్యంలో స్థానిక మధుమణి ఆసుపత్రి ఆడిటోరియంలో నిర్వహించిన ఇంటర్ జోనల్ బాక్సింగ్ ఛాంపియన్‌షిప్‌లో ఆత్మకూరు బాక్సింగ్ అకాడమీ విజేతగా నిలవగా, బనగానపల్లి జట్టు ద్వితీయ స్థానాన్ని కైవసం చేసుకుంది. విజేతలకు అసోసియేషన్ చైర్మన్ డాక్టర్ రవికృష్ణ, లీగల్ అడ్వైజర్ ఆలీ హుస్సేన్ ట్రోఫీలు, పతకాలు అందజేశారు.ఈ సందర్భంగా డాక్టర్ రవికృష్ణ మాట్లాడుతూ.. నిరంతర సాధన, క్రమశిక్షణతోనే క్రీడల్లో విజయాలు సాధించవచ్చని అన్నారు. త్వరలోనే నంద్యాలలో రాష్ట్రస్థాయి పోటీలు, శిక్షణ శిబిరాలు ఏర్పాటు చేస్తామన్నారు. అమరావతి ఛాంపియన్‌షిప్‌లో నంద్యాల జిల్లా మూడో స్థానం సాధించిందని గుర్తు చేస్తూ క్రీడలను ప్రోత్సహిస్తున్న ప్రభుత్వానికి ధన్యవాదాలు తెలిపారు. ఈ పోటీల్లో లక్ష్మి దీపక్ ‘బెస్ట్ బాక్సర్’ అవార్డు గెలుచుకోగా, వివిధ విభాగాల్లో సుమంత్, ప్రణతి, హర్ష, శృతి, జె.మహమ్మద్ గౌస్, దేవి, ధనుష్, యుగంధర్, చిరంజీవి స్వర్ణ పతకాలు సాధించారు.

నంద్యాల

నంద్యాలలో ఘనంగా ఇంటర్ జోనల్ బాక్సింగ్ పోటీలు ప్రారంభం

నంద్యాల:మధుమణి ఆసుపత్రి ఆడిటోరియంలో నంద్యాల జిల్లా బాక్సింగ్ అసోసియేషన్ ఆధ్వర్యంలో ఇంటర్ జోనల్ బాక్సింగ్ ఛాంపియన్ షిప్ పోటీలు గురువారం ప్రారంభమయ్యాయి. అసోసియేషన్ చైర్మన్ డాక్టర్ రవి కృష్ణ అధ్యక్షతన, కార్యదర్శి ఫయాజ్ నిర్వహణలో జరిగిన ఈ కార్యక్రమాన్ని కళారాధన అధ్యక్షులు డాక్టర్ మధుసూదన రావు ముఖ్యఅతిథిగా హాజరై ప్రారంభించారు.ఇటీవల అమరావతి క్రీడా పోటీల్లో నంద్యాల ప్లేయర్లు ఒక స్వర్ణం, 4 రజతాలు సాధించి రాష్ట్రంలో మూడో స్థానంలో నిలవడం అభినందనీయమని రవి కృష్ణ అన్నారు. త్వరలోనే నంద్యాలలో రాష్ట్రస్థాయి పోటీలు, శిక్షణ శిబిరాలు ఏర్పాటు చేస్తామన్నారు. ఈ పోటీల్లో కర్నూలు, నంద్యాల, అన్నమయ్య జిల్లాల నుంచి 150 మందికి పైగా క్రీడాకారులు పాల్గొంటున్నారని నిర్వాహకులు తెలిపారు. కార్యక్రమంలో పలువురు కోచ్‌లు, వ్యాయామ ఉపాధ్యాయులు పాల్గొన్నారు.

నంద్యాల

రాయలసీమ జోనల్ తైక్వాండో పోటీల్లో అతి కుర్రహ్మాన్‌కు గోల్డ్ మెడల్

నంద్యాల: రామకృష్ణ డిగ్రీ ఆడిటోరియంలో నిర్వహించిన రాయలసీమ జోనల్ తైక్వాండో పోటీల్లో కరాటే మాబాషా కుమారుడు అతి కుర్రహ్మాన్ అద్భుత ప్రతిభ కనబరిచి స్వర్ణ పతకం సాధించాడు. విజేతగా నిలిచిన అతి కుర్రహ్మాన్‌కు నంద్యాల మాజీ ఎమ్మెల్యే శిల్పా రవిచంద్ర కిశోర్ రెడ్డి చేతుల మీదుగా గోల్డ్ మెడల్ అందజేశారు. క్రీడాకారుడికి పలువురు హృదయపూర్వక అభినందనలు తెలియజేశారు.