Blog

నందిగామలో మొంథా తుఫాన్ ప్రభావం – చందాపురం వద్ద నల్లవాగు వరద పరిస్థితులను పరిశీలించిన ప్రభుత్వ విప్, ఎమ్మెల్యే తంగిరాల సౌమ్య

నందిగామ మొంథా తుఫాన్ ప్రభావంతో కురుస్తున్న భారీ వర్షాల కారణంగా నందిగామ మండలంలో వరద పరిస్థితులు తీవ్రరూపం దాల్చాయి. చందాపురం గ్రామం వద్ద నల్లవాగులో నీటి మట్టం పెరుగుతుండటంతో ప్రభుత్వ విప్, ఎమ్మెల్యే తంగిరాల సౌమ్య బుధవారం అధికారులతో కలిసి ప్రాంతాన్ని సందర్శించి పరిస్థితు లను పరిశీలించారు. ఈ సందర్భంగా ఆమెమాట్లాడుతూ, “ప్రజల భద్రతే ప్రభుత్వానికి ప్రాధాన్యం. తుఫాన్ తీవ్రత తగ్గే వరకు ప్రజలు ఇళ్లలోనే ఉండాలి. ప్రయాణికులు పొంగుతున్న వాగులు, వంకలు దాటే ప్రయత్నం చేయరాదు,” అని సూచించారు. తుఫాన్ ఉధృతి కొనసాగుతున్నందున అధికారులు ఎల్లప్పుడూ అప్రమత్తంగా ఉండి, అవసర మైన రక్షణ చర్యలు చేపట్టాలని ఆదేశించారు. అలాగే, వరద ప్రభావిత ప్రాంతాల్లో హెల్ప్‌లైన్ నంబర్లను విస్తృతంగా ప్రచారం చేయాలని, ప్రజలకు తాజా అప్‌డేట్‌లు అందించాలని ఆమె అధికారులకు సూచించారు. ఈ పరిశీలన కార్యక్రమంలో మున్సిపల్ చైర్‌పర్సన్ మండవ కృష్ణకుమారి, ఆర్డీఓ బాలకృష్ణ, ఎసీపీ తిలక్, మున్సిపల్ కమిషనర్ లోవరాజు, అధికారులు, కూటమినేతలు, స్థానిక ప్రజలు తదితరులు పాల్గొన్నారు.

nandirajurajahanumantharao
October 29, 2025
0 Comments
56 Views

డా. బిఆర్ అంబేద్కర్ కోనసీమ

నవంబర్ నెల పింఛన్ పంపిణీ షెడ్యూల్ విడుదల

నవంబర్ నెలకు సంబంధించిన పింఛన్ పంపిణీ కార్యక్రమం నవంబర్ 1వ తేదీ శనివారం నుండి ప్రారంభమవుతుంది. ఈ పంపిణీ నవంబర్ 3వ తేదీ సోమవారం వరకు కొనసాగుతుంది. గమనించవలసిన విషయం ఏమిటంటే, నవంబర్ 2వ తేదీ ఆదివారం సెలవు దినం కావున ఆ రోజున పంపిణీ జరగదు. ఆఫ్లైన్ లొకేషన్ సచివాలయాలలో పింఛన్ పంపిణీ నవంబర్ 4వ తేదీతో ముగుస్తుంది. పింఛన్ దారులు తమ పింఛన్‌ను సమయానికి స్వీకరించేందుకు సంబంధిత సచివాలయాలను సంప్రదించాలని అధికారులు సూచించారు.

geddamprathap
October 29, 2025
0 Comments
45 Views

హైదరాబాద్

భారీ వర్షాల నేపథ్యంలో రెవెన్యూ యంత్రాంగం అప్రమత్తంగా ఉండాలి – మంత్రి పొంగులేటి ఆదేశాలు

హైదరాబాద్, అక్టోబర్ 30 (పున్నమి ప్రతినిధి): రాష్ట్రవ్యాప్తంగా కురుస్తున్న భారీ వర్షాల కారణంగా జనజీవనానికి ఆటంకాలు కలగకుండా తక్షణ చర్యలు చేపట్టాలని రెవెన్యూ, విపత్తుల నిర్వహణ శాఖ మంత్రి పొంగులేటి శ్రీనివాస్ రెడ్డి అధికారులను ఆదేశించారు. తుఫాన్ ప్రభావంతో వచ్చే 24 గంటల్లో అదిలాబాద్, నిర్మల్, నిజామాబాద్, జగిత్యాల, కామారెడ్డి, సిద్దిపేట, వరంగల్, యాదాద్రి భువనగిరి, మెదక్, మేడ్చల్, పెద్దపల్లి జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించిన నేపథ్యంలో అన్ని విభాగాలు అప్రమత్తంగా ఉండాలని ఆయన సూచించారు. బుధవారం ఆయన రెవెన్యూ మరియు విపత్తుల నిర్వహణ అధికారులతో సమీక్ష నిర్వహించారు. లోతట్టు ప్రాంతాలు, వరద ముప్పు ఉన్న గ్రామాల్లో ముందస్తు చర్యలు చేపట్టాలని, ప్రాణ నష్టం జరగకుండా తగిన జాగ్రత్తలు తీసుకోవాలని ఆదేశించారు. విద్యుత్తు, పంచాయతీరాజ్, ఆర్&బి విభాగాలతో సమన్వయం చేసుకుంటూ పనిచేయాలని, వాగులు, కాల్వలు, చెరువుల వద్ద పోలీసుల పర్యవేక్షణ ఉండాలని మంత్రి సూచించారు. స్థానిక అధికారులు అత్యవసర సిబ్బందిని సిద్ధంగా ఉంచి, ప్రజలకు అవసరమైన సహాయం అందించాలన్నారు. ఎట్టి పరిస్థితుల్లోనూ ప్రాణనష్టం జరగకుండా అప్రమత్తంగా వ్యవహరించాలని మంత్రి పొంగులేటి స్పష్టం చేశారు.

puvvadanagendrakumar
October 29, 2025
0 Comments
104 Views

ఎన్ టి ఆర్ జిల్లా

నష్టాల సత్వర అంచనాలకు డ్రోన్ సాంకేతికత వినియోగం ప్రతి మండలానికి ప్రత్యేక డ్రోన్ సర్వే బృందం ఏర్పాటు తక్కువ సమయంలో కచ్చిత మైన, పారదర్శక నివేదికల తయారీకి అవకాశం ఎన్‌టీఆర్ జిల్లా కలెక్టర్ డా.జి. లక్ష్మీశ

ఎన్‌టీఆర్ జిల్లాలో మొంథా తుఫాను ప్రభావిత ప్రాంతాల్లో పంటలు, రహదారులు, వంతెనలు, గృహాలు తదితర మౌలిక సదుపాయాలకు జరిగిన నష్టాన్ని వేగవంతంగా, కచ్చితం గా, పారదర్శకంగా అంచనా వేసేందుకు డ్రోన్ సాంకేతికతను వినియోగిస్తున్నట్లు జిల్లా కలెక్టర్ డా.జి.లక్ష్మీశ తెలిపారు. బుధవారం కలెక్టరేట్ కమాండ్ కంట్రోల్ సెంటర్ (CCC) లో కలెక్టర్ లక్ష్మీశ తుఫాను నష్టాల ప్రాథమిక అంచనాల కోసం డ్రోన్ కార్పొరేషన్ అందించిన డ్రోన్ల పనితీరును పరిశీలించారు. ఈ సందర్భంగా కలెక్టర్ మాట్లాడుతూ “తుఫాను ప్రభావిత ప్రజలకు వేగంగా సహాయ సహకారాలు అందించేందుకు, ఆధునిక సాంకేతికత కీలకంగా పనిచేస్తోంది. జిల్లాలోని 20 మండలాలకు ఒక్కో డ్రోన్ సర్వే టీమ్‌ను నియమించాము. సంప్రదాయ పద్ధతులతో పోలిస్తే, డ్రోన్ సాంకేతికత ద్వారా తక్కువ సమయంలో పెద్ద విస్తీర్ణంలోని నష్టాన్ని కచ్చితంగా గుర్తించవచ్చు,” అని అన్నారు. హై రిజల్యూషన్ చిత్రాలు, వీడియో ఫుటేజీ ద్వారా కూడా అంచనా ప్రక్రియను మరింత సులభతరం చేయవచ్చని ఆయన వివరించారు. మానవులు వెళ్లేందుకు ఇబ్బందికరమైన ప్రాంతాల్లో కూడా డ్రోన్లు చేరి అక్కడి పరిస్థితులను విశ్లేషించేందుకు వీలు కల్పిస్తాయన్నారు. డిజిటల్ మ్యాపులు, ఫోటోలు, 3D నమూనాల రూపంలో పంటనష్టం నివేదికలు రూపొందించడం ద్వారా పారదర్శకతను మరింత పెంచవచ్చని కలెక్టర్ తెలిపారు. పునరుద్ధరణ పనులకు మద్దతు డ్రోన్ సర్వే ద్వారా సేకరించిన డేటా ఆధారంగా పునరుద్ధరణ మరియు పునర్నిర్మాణ పనులు వేగవంతంగా చేపట్టవచ్చని కలెక్టర్ లక్ష్మీశ తెలిపారు. ప్రజల కు అవసరమైన సహాయాన్ని త్వరగా, సమర్థవంతంగా అందించేందుకు ప్రభుత్వం చేస్తున్న ఈ ప్రయత్నాలకు ప్రజలు సహకరించాలని ఆయన కోరారు.

nandirajurajahanumantharao
October 29, 2025
0 Comments
51 Views

నాగర్‌కర్నూల్

ఉదృతంగా ప్రవహిస్తున్న వాగులు రాకపోకలకు అంతరాయం.

అక్టోబర్ 29 పున్నమి ప్రతినిధి: మొంతా తుఫాన్ ప్రభావంతో గత రెండు రోజుల నుంచి ఎడతెరిపి లేకుండా కురుస్తున్న భారీ వర్షాలకు బైరాపూర్ -వెల్దండ, రహదారిపై రాకపోకలకు అంతరాయం ఏర్పడింది. గతంలో కొట్టుకపోయిన బైరాపూర్ బ్రిడ్జి కి తాత్కాలికంగా రెండు గుణాలు వేసి మట్టితో పూడ్చారు. గూణలకు రెండు పక్కల వేసిన మట్టి వాగు ప్రవాహానికి కొట్టుకొని పోయింది . బొల్లంపల్లి గానుగట్టు తండాల మధ్య వాగు ఉధృతంగా ప్రవహిస్తుంది . దీంతో వాహనదారులకు మరియు ప్రజలకు రాకపోకలకు తీవ్ర అంతరాయం ఏర్పడింది.బైరాపూర్ గ్రామంలో లోతట్టు ప్రాంతంలో ఉన్న జగదీష్ అనే వ్యక్తి ఇంటిలోకి భారీగా వరద నీరు ప్రవహించింది. దీంతో ఇంటిలో ఉన్న నిత్యవసర వస్తువులు అన్నీ తడిసి ముద్దాయి కావున అధికారులు తక్షణమే స్పందించి తమను ఆదుకోవాలని కోరుతున్నారు.కావున ప్రజలు ఎవరు వాగులు దాటడానికి ప్రయత్నించవద్దని , ప్రజలు అప్రమత్తంగా ఉండాలని ఏదైనా ఇబ్బంది ఉంటే డయల్ 100 ద్వారా పోలీసులకు సమాచారం అందించాలని వెల్దండ ఎస్సై కురుమూర్తి మీడియా సమావేశంలో పేర్కొన్నారు.

asrinivasachary
October 29, 2025
0 Comments
60 Views

ఖమ్మం

ఖమ్మం జిల్లాలో మొందా తుఫాన్ ప్రభావం – మూడు రోజులపాటు భారీ వర్షాల హెచ్చరిక

ఖమ్మం, అక్టోబర్ (పున్నమి ప్రతినిధి): మొందా తుఫాన్ ప్రభావం ఖమ్మం జిల్లా మీద గట్టిగా కొనసాగుతోంది. బుధవారం తెల్లవారు జామున నుంచే మోస్తరు నుండి భారీ వర్షాలు కురుస్తున్నాయి. వర్షాల తీవ్రత దృష్ట్యా నేడు జిల్లా వ్యాప్తంగా ఉన్న అన్ని విద్యా సంస్థలకు సెలవు ప్రకటించినట్లు జిల్లా కలెక్టర్ అనుదీప్ దూరిశెట్టి తెలిపారు. హైదరాబాద్ వాతావరణ శాఖ ప్రకారం, రానున్న 72 గంటలపాటు ఖమ్మం సహా తెలంగాణ దక్షిణ జిల్లాల్లో భారీ నుండి అతి భారీ వర్షాలు పడే అవకాశం ఉందని హెచ్చరించింది. ప్రజలు అవసరమైతే తప్ప ఇళ్ల బయటకు రావొద్దని, తక్కువ ప్రదేశాల్లో నీరు నిలిచే అవకాశమున్నందున అప్రమత్తంగా ఉండాలని అధికారులు సూచించారు.

puvvadanagendrakumar
October 29, 2025
0 Comments
96 Views

ఎన్ టి ఆర్ జిల్లా

మొంథా తుఫాను ప్రభావం తీవ్రం – నందిగామ పట్టణం వరద ముంపు! అధికారులు అలర్ట్‌లో

నందిగామ, NTR జిల్లా: మొంథా తుఫాను ప్రభావంతో నందిగామ పట్టణం మరియు పరిసర ప్రాంతాల్లో భారీ వర్షాలు కురుస్తున్నాయి. పలుచోట్ల వాగులు పొంగిపొర్లి, కాలనీలు, రహదారులుమునిగిపోయాయి. నందిగామ 15వ వార్డులో వర్షపు నీరు ఇళ్లలోకి చేరడంతో ప్రజలు తీవ్ర ఇబ్బందులు పడుతున్నారు. రాష్ట్ర బీసీ సెల్ కార్యదర్శి మనబోతుల శ్రీరామ, వార్డు అధ్యక్షుడు మనబోతుల శ్రీనివాసరావు, సచివాలయ సిబ్బంది మరియు వీఆర్‌ఓ వెంకటేశ్వర్లు పరిశీలించారు. పాత బస్టాండ్ నుండి మార్కెట్ యార్డు వరకు హైవే రోడ్డుపై వరద ప్రవాహం కొనసాగుతోంది. రామన్నపేట రోడ్డులోని రమణ కాలనీ వద్ద వాగు ఉప్పొంగడం తో రాకపోకలు పూర్తిగా నిలిచిపోయాయి. ఎన్‌హెచ్-65 (NH-65) వద్ద మద్రాస్ ఫిల్టర్ కేఫ్ సమీపంలో మహావృక్షం రోడ్డుపై కూలడంతో ట్రాఫిక్ స్థంభించింది. వెంటనే స్పందించిన నందిగామ సీఐ వై.వి.ఎల్.నాయుడు, ఆర్డీవో, రెవెన్యూ మరియు విద్యుత్ శాఖ సిబ్బంది, కీసర టోల్ ప్లాజా బృందం సహకారంతో వెంటనే చెట్టును తొలగించి రాకపోకలను పునరుద్ధరించారు. ప్రస్తుతం ట్రాఫిక్ సాఫీగా కొనసాగుతోంది. దేవినేని వెంకటరమణ కాలనీలో నీటి మట్టం అధికంగా ఉండటం తో ప్రజలు బయటకు రావడానికి వీలులేకపోతుంది. పునరావాస కేంద్రాల్లో మున్సిపల్ కమిషనర్ జి.లోవరాజు, సానిటరీ ఇన్‌స్పెక్టర్ దుర్గాప్రసాద్, మున్సిపల్ సిబ్బంది పర్యవేక్షణచేస్తున్నారు. తుఫాను ప్రభావిత ప్రాంతాలను ఆర్డీవో బాలకృష్ణ, ఎంఆర్వో సురేష్ బాబు, కమిషనర్ లోవరాజు సమీక్షిస్తున్నారు. అవసరమైన వారిని పునరావాస కేంద్రాలకు తరలించారు. హెచ్చరికగా, ప్రజలు అత్యవసర మైతే తప్ప బయటకు రావొద్దని నందిగామ పోలీసులు మరియు అధికారులు విజ్ఞప్తి చేశారు. రాష్ట్ర ప్రభుత్వం మరియు జిల్లా యంత్రాంగం సూచనల మేరకు సహాయక చర్యలు వేగంగా కొనసాగుతున్నాయి.

nandirajurajahanumantharao
October 29, 2025
0 Comments
73 Views

ఎన్ టి ఆర్ జిల్లా

మొంథా తుఫాను ప్రభావం తీవ్రం – నందిగామ పట్టణం వరద ముంపు! అధికారులు అలర్ట్‌లో

నందిగామ, NTR జిల్లా: మొంథా తుఫాను ప్రభావంతో నందిగామ పట్టణం మరియు పరిసర ప్రాంతాల్లో భారీ వర్షాలు కురుస్తున్నాయి. పలుచోట్ల వాగులు పొంగిపొర్లి, కాలనీలు, రహదారులుమునిగిపోయాయి. నందిగామ 15వ వార్డులో వర్షపు నీరు ఇళ్లలోకి చేరడంతో ప్రజలు తీవ్ర ఇబ్బందులు పడుతున్నారు. రాష్ట్ర బీసీ సెల్ కార్యదర్శి మనబోతుల శ్రీరామ, వార్డు అధ్యక్షుడు మనబోతుల శ్రీనివాసరావు, సచివాలయ సిబ్బంది మరియు వీఆర్‌ఓ వెంకటేశ్వర్లు పరిశీలించారు. పాత బస్టాండ్ నుండి మార్కెట్ యార్డు వరకు హైవే రోడ్డుపై వరద ప్రవాహం కొనసాగుతోంది. రామన్నపేట రోడ్డులోని రమణ కాలనీ వద్ద వాగు ఉప్పొంగడం తో రాకపోకలు పూర్తిగా నిలిచిపోయాయి. ఎన్‌హెచ్-65 (NH-65) వద్ద మద్రాస్ ఫిల్టర్ కేఫ్ సమీపంలో మహావృక్షం రోడ్డుపై కూలడంతో ట్రాఫిక్ స్థంభించింది. వెంటనే స్పందించిన నందిగామ సీఐ వై.వి.ఎల్.నాయుడు, ఆర్డీవో, రెవెన్యూ మరియు విద్యుత్ శాఖ సిబ్బంది, కీసర టోల్ ప్లాజా బృందం సహకారంతో వెంటనే చెట్టును తొలగించి రాకపోకలను పునరుద్ధరించారు. ప్రస్తుతం ట్రాఫిక్ సాఫీగా కొనసాగుతోంది. దేవినేని వెంకటరమణ కాలనీలో నీటి మట్టం అధికంగా ఉండటం తో ప్రజలు బయటకు రావడానికి వీలులేకపోతుంది. పునరావాస కేంద్రాల్లో మున్సిపల్ కమిషనర్ జి.లోవరాజు, సానిటరీ ఇన్‌స్పెక్టర్ దుర్గాప్రసాద్, మున్సిపల్ సిబ్బంది పర్యవేక్షణచేస్తున్నారు. తుఫాను ప్రభావిత ప్రాంతాలను ఆర్డీవో బాలకృష్ణ, ఎంఆర్వో సురేష్ బాబు, కమిషనర్ లోవరాజు సమీక్షిస్తున్నారు. అవసరమైన వారిని పునరావాస కేంద్రాలకు తరలించారు. హెచ్చరికగా, ప్రజలు అత్యవసర మైతే తప్ప బయటకు రావొద్దని నందిగామ పోలీసులు మరియు అధికారులు విజ్ఞప్తి చేశారు. రాష్ట్ర ప్రభుత్వం మరియు జిల్లా యంత్రాంగం సూచనల మేరకు సహాయక చర్యలు వేగంగా కొనసాగుతున్నాయి.

nandirajurajahanumantharao
October 29, 2025
0 Comments
66 Views

E-పేపర్

ప్రజలకు ముఖ్య గమనిక అత్యవసరమైతే తప్ప బయటికి రావడానికి ఆలోచించండి ఎడతెడుపు లేకుండా భారీ వర్షాలతో రాష్ట్రాలు అతలాకుతం

పున్నమి ప్రతినిధి ఆలంపల్లి దుర్గేష్ 9640204826 ప్రజలకు ముఖ్య గమనిక నిన్నటి నుండి కురుస్తున్న భారీ వర్షాల నేపథ్యంలో అత్యవసర పనులు ఉంటేనే బయటకు వెళ్లాలని వాతావరణ శాఖ సూచించింది కావున అన్ని మండల కేంద్రాలలో వాగులు, వంకలు పొంగిపొర్లుతున్నాయని, చెరువులు. దగ్గరికి వెళ్ళకూడదు రైతన్నలు స్తంభాలను,కరెంట్ తీగలను, మరియు ట్రాన్స్ఫార్మర్లను తాకవద్దు డ్రైవింగ్ చేసేటప్పుడు రోడ్లపై వెళ్లేటప్పుడు మ్యాన్ హోల్స్ మరియు డ్రైనేజీలను గమనించండి ఉదృతంగా ప్రవహించే చెరువులు వాగుల వద్దకు వెళ్ళకండి ముఖ్యంగా కూలిపోయి స్థితిలో ఉన్న పాత ఇంట్లో మరియు పాత గోడల పక్కన ఉండకండి వర్షం పడేటప్పుడు చెట్ల కింద నిలబడడం కానీ కూర్చోవడం కానీ చేయవద్దు పిడుగు పడే అవకాశం ఉంటుంది కావున ప్రతి ఒక్కరు గమనించగలరు చిన్నపిల్లల్ని వర్షం పడుతున్నప్పుడు ఆరు బయట ఆడుకోవడానికి పంపించొద్దు జాగ్రత్తలు పాటించండి క్షేమంగా ఉండండి

adurgaiah
October 29, 2025
0 Comments
112 Views

ఎన్ టి ఆర్ జిల్లా

నందిగామలో మక్కా మసీదు పరిసర ఇళ్లు నీట మునిగే ప్రమాదం – చెరువు నీరు ఇళ్లలోకి చేరింది, ప్రజలు ఆందోళనలో

నందిగామ పట్టణంలోని మార్కెట్ యార్డ్ ఎదురుగా రెండో వార్డులో ఉన్న చెరువు ప్రాంతం ప్రస్తుతం నీటమునిగే పరిస్థితిలో ఉంది. ఈ చెరువులో ఉన్న మక్కా మసీదుతో పాటు దాని పక్కన ఉన్న అనేక ఇళ్లలో కి చెరువు నీరు ప్రవేశిస్తోంది. స్థానిక నివాసితులు చెబుతున్న ట్లుగా, చెరువులోకి వర్షపు నీరు చేరడంతో మసీదు ప్రాంగణం మరియు ఇళ్లలోకి నీళ్లు చేరి ప్రజలు తీవ్ర ఇబ్బందులు పడుతున్నారు. రాబోయే రెండు రోజులలో తుఫాన్, భారీ వర్షాలు వస్తాయని వాతావరణ శాఖ హెచ్చరించిన నేపథ్యంలో, పరిస్థితి మరింత విషమించ వచ్చని ప్రజలు ఆందోళన వ్యక్తం చేస్తున్నారు. సిపిఎం పార్టీ నాయకుడు కరి వెంకటేశ్వర రావు మాట్లాడుతూ, “ఈ ప్రాంతం చెరువు ప్రాంతమని ప్రభుత్వానికి తెలుసు. అయినా ప్రభుత్వం ఈ ప్రాంతంలో ఇళ్లపట్టాలు జారీ చేసి ప్రజలు ఇళ్లు కట్టుకున్నారు. ఇప్పుడు నీరు మసీదులోకీ ఇళ్లలోకీ వచ్చి ప్రజలు ప్రమాదంలో ఉన్నారు. వెంటనే మున్సిపాలిటీ అధికారులు వచ్చి చెరువు నీటిని పక్కకు మళ్లించే చర్యలు తీసుకోవాలి,” అని ప్రభుత్వాన్ని కోరారు. ప్రజలు మున్సిపల్ అధికారులు, రెవెన్యూ శాఖ, డిజాస్టర్ మేనేజ్‌మెంట్ టీమ్ తక్షణమే స్పందించి చెరువు నీరు మసీదు మరియు ఇళ్లలోకి రాకుండా తాత్కాలిక గాడి లేదా పంప్ సెట్ ఏర్పాటు చేయాలని విజ్ఞప్తి చేస్తున్నారు.

nandirajurajahanumantharao
October 29, 2025
0 Comments
65 Views

Contact Info

Some Populer Post

Contact Info

follow us

About Us

Top Categories​

Top Categories