తాడేపల్లిగూడెం, సెప్టెంబర్ పున్నమి ప్రతినిధి)
పేదలకు మెరుగైన వైద్యసేవలు అందించాలనే ఉద్దేశ్యంతో స్వస్థ్ నారీ-సశక్తి పరివార్ అభియాన్ ద్వారా గ్రామాల్లో ఉచిత వైద్య శిబిరాలు ఏర్పాటు చేయబడ్డాయి. వెంకట్రామన్నగూడెం పీహెచ్సీ వైద్యులు డాక్టర్ రూపాదేవి ఆధ్వర్యంలో 165 మందికి వైద్యపరీక్షలు నిర్వహించి, అవసరమైన వారికి ఉచిత మందులు అందజేశారు. వారిలో ఇద్దరు మహిళలకు బ్రెస్ట్ క్యాన్సర్ లక్షణాలు గుర్తించబడినందున ఆసుపత్రికి రావాలని సూచించారు. అంగన్వాడీ సిబ్బంది పౌష్టికాహారంపై అవగాహన కల్పించడానికి పౌష్టికాహార మేళా నిర్వహించారు. నాయకులు కొత్తా ధనరాజు, పులి సూర్యప్రసాద్, కుంచే లక్ష్మణ్, పాతూరి అబ్దుత్ కుమార్, కామిశెట్టి మోహన్, కార్యదర్శి కె. శ్రీనివాస్, వీర్వో విజయలక్ష్మి, సచివాలయ సిబ్బంది పాల్గొన్నారు. ఈ కార్యక్రమం ద్వారా గ్రామస్తులు తమ ఆరోగ్యం గురించి సజాగ్రతగా ఉండేలా, మహిళల ఆరోగ్యంపై ప్రత్యేక దృష్టి పెట్టబడింది.
