నెల్లూరు జిల్లా వైసీపీ యూత్ అధ్యక్షుడు పర్యటన

సీతారామపురం మండలంలో నెల్లూరు జిల్లా వైఎస్ఆర్సిపి యూత్ అధ్యక్షుడు ఊటుకూరు నాగార్జున ఆదివారం పర్యటించారు. నెల్లూరు జిల్లా వైఎస్ఆర్సిపి యూత్ వింగ్ జాయింట్ సెక్రటరీ పాలగిరి ముద్దుకృష్ణమరాజు ఆహ్వానం మేరకు ఊటుకూరు నాగార్జున సీతారామపురం మండలానికి వచ్చారు. సీతారామపురం బస్టాండ్ సెంటర్ వద్ద ఊటుకూరు నాగార్జునకు పాలగిరి ముద్దు కృష్ణంరాజు శాలువా కప్పి ఘన స్వాగతం పలికారు. అనంతరం బస్టాండ్ వద్ద ఉన్న వైఎస్ఆర్ విగ్రహానికి పాలాభిషేకం చేసి పూలమాలవేసి నివాళులర్పించారు. అనంతరం వైఎస్ఆర్సిపి యువతను పేరుపేరునా పలకరించి చర్చించారు. ఈ సందర్భంగా ఆయన మాట్లాడుతూ అతి త్వరలోనే ఉదయగిరి నియోజకవర్గ వైఎస్ఆర్సిపి సమన్వయకర్త మేకపాటి రాజగోపాల్ రెడ్డి సమక్షంలో ఉదయగిరి నియోజకవర్గం అంతటా వైఎస్ఆర్సిపి యువతతో ప్రత్యేక సమావేశం ఏర్పాటు చేస్తామన్నారు. కూటమి వైఫల్యాలను, మోసాలను ప్రజల్లోకి విస్తృతంగా తీసుకెళ్లి వైసిపి హయాంలో జగనన్న చేసిన మంచి పనులను ప్రజలకు వివరించాలన్నారు. ప్రతి వైఎస్ఆర్సిపి కార్యకర్తకు వైఎస్ఆర్సిపి నాయకులు, మాజీ ముఖ్యమంత్రి జగన్మోహన్ రెడ్డి తోడుగా అండగా ఉంటారన్నారు. ఇప్పటినుండి ప్రతి కార్యకర్త యువత గ్రామస్థాయి నుండి వైఎస్ఆర్సిపిని బలోపేతం చేసి ఉదయగిరి ఎమ్మెల్యేగా మేకపాటి రాజగోపాల్ రెడ్డిని ముఖ్యమంత్రిగా వైఎస్ జగన్మోహన్ రెడ్డిని చేసుకొనే వరకు కష్టపడాలన్నారు. అనంతరం గుండుపల్లి గ్రామంలోని వైసీపీ సీనియర్ నాయకుడు మాచిరాజు వెంకటేశ్వరరాజు మేనల్లుడు వివాహ రిసెప్షన్ కార్యక్రమంలో పాల్గొని నూతన వధూవరులను ఆశీర్వదించారు. ఈ కార్యక్రమంలో వైఎస్ఆర్సిపి యువ నాయకులు ఏనుగుల రూపేష్, తెల్ల గొల్ల సిద్దయ్య,మంకెన సురేంద్ర, షేక్. జమీర్, ఓంకారం శ్రీహరి రాజు, ఎస్. నారాయణ రాజు, పవన్ కుమార్, సునీల్, కాజా నాయబ్, రఘు, వినోద్, మస్తాన్, షబ్బీర్, అల్లూరయ్య, అలీ, చంటి, సురేష్ తదితరులు పాల్గొన్నారు.