నూర్ బాషా రాష్ట్ర డైరెక్టర్‌గా, అల్తాఫ్ నెల్లూరు జిల్లాకు నియామకం

సర్వేపల్లి ప్రాంతానికి చెందిన షేక్ అల్తాఫ్ గారు, ఆంధ్రప్రదేశ్ నూర్ భాషా దూదేకుల కార్పొరేషన్ డైరెక్టర్‌గా ఎంపికైనట్లు ప్రభుత్వము ప్రకటించింది. సామాజిక సేవ, ఉపాధి, విద్య, గ్రామ అభివృద్ధి వంటి రంగాల్లో ప్రత్యేకంగా పనిచేసిన ఆయనకు ఈ నియామకం గొప్ప బాధ్యతను ఇచ్చినట్లు అధికారులు తెలిపారు. షేక్ అల్తాఫ్ గారు తన సేవలతో ప్రజల నమ్మకాన్ని పొందిన నాయకుడు. ఆయన సామాజిక అభివృద్ధికి తీసుకొచ్చిన కార్యక్రమాలు, యువతకు ఉపాధి అవకాశాలు కల్పించడం, మహిళల సాధికారతకు కృషి చేయడం వంటి రంగాల్లో విశేషంగా సేవలందించారు. నియామకంపై స్పందించిన ఆయన, “ప్రజలకు అందుబాటులో ఉండేలా సంక్షేమ కార్యక్రమాలను సమర్థంగా అమలు చేయడానికి కృషి చేస్తాను” అని అన్నారు. ప్రభుత్వంతో కలిసి పనిచేస్తూ, సమాజ అభివృద్ధికి తన వంతు సేవ చేయాలని సంకల్పించారు. ఈ నియామకంతో సర్వేపల్లి ప్రాంతానికి, అలాగే మొత్తం దూదేకుల సమాజానికి మరింత అభివృద్ధి అవకాశాలు అందుతాయని ప్రజలు అభినందనలు తెలిపారు.