నిరుద్యోగ యువతకు లక్ష్యం ఉపాధి: 15న శ్రీకాళహస్తి ‘స్కిట్’లో మెగా జాబ్ మేళా

శ్రీకాళహస్తిలో నిరుద్యోగ యువతకు ఉపాధి కల్పించడమే లక్ష్యంగా శ్రీకాళహస్తిలోని శ్రీకాళహస్తీశ్వర ఇన్‌స్టిట్యూట్ ఆఫ్ టెక్నాలజీ (SKIT) కాలేజీలో ఈనెల 15వ తేదీన భారీ మెగా జాబ్ మేళాను నిర్వహించనున్నారు. ఈ కార్యక్రమానికి సంబంధించిన ముందస్తు ఏర్పాట్లను శ్రీకాళహస్తి పట్టణ తెలుగుదేశం పార్టీ అధ్యక్షుడు జి. విజయ్ కుమార్ నాయుడు , ఇతర ముఖ్య నాయకులు ఆదివారం పరిశీలించారు. ఈ సందర్భంగా విజయ్ కుమార్ నాయుడు మాట్లాడుతూ.. రాష్ట్ర ప్రభుత్వ ఆదేశాల మేరకు నిరుద్యోగులకు కార్పొరేట్ రంగంలో ఉద్యోగ అవకాశాలు కల్పించేందుకు ఈ మేళా నిర్వహిస్తున్నట్లు తెలిపారు. ఈ జాబ్ మేళాలో పలు ప్రముఖ బహుళజాతి సంస్థలు (MNCs) పాల్గొని, అర్హత కలిగిన అభ్యర్థులను ఎంపిక చేయనున్నాయని పేర్కొన్నారు. వేదిక: శ్రీకాళహస్తీశ్వర ఇన్‌స్టిట్యూట్ ఆఫ్ టెక్నాలజీ (SKIT) కాలేజీ, శ్రీకాళహస్తి. తేదీ & సమయం: ఏప్రిల్ 15, ఉదయం 9:00 గంటల నుండి. అర్హతలు: 10వ తరగతి, ఇంటర్మీడియట్, ఐటిఐ, డిప్లొమా, డిగ్రీ మరియు బి.టెక్ పూర్తి చేసిన నిరుద్యోగ యువతీ యువకులు ఈ మేళాకు హాజరుకావచ్చు. అవసరమైన పత్రాలు: అభ్యర్థులు తమ వెంట రెజ్యూమె (Resume) కాపీలు, విద్యాార్హత ధృవీకరణ పత్రాలు, పాస్‌పోర్ట్ సైజ్ ఫోటోలను తీసుకురావాలని సూచించారు. ఈ కార్యక్రమంలో పాల్గొన్న నాయకులు కాలేజీ యాజమాన్యంతో చర్చించి, అభ్యర్థులకు ఎటువంటి ఇబ్బందులు కలగకుండా తగిన వసతులు కల్పించాలని ఆదేశించారు. నిరుద్యోగ యువత ఈ అవకాశాన్ని సద్వినియోగం చేసుకుని తమ ఉజ్వల భవిష్యత్తుకు పునాది వేసుకోవాలని విజయ్ కుమార్ నాయుడు పిలుపునిచ్చారు.