నందిగామ రైతుల కోసం పిఎం కిసాన్–అన్నదాత సుఖీభవ రెండో విడత నిధులు విడుదల

నందిగామ: రాష్ట్రంలోని రైతులు పిఎం కిసాన్ – అన్నదాత సుఖీభవ పథకం రెండో విడత నిధులు విడుదల కార్యక్రమాన్ని పండుగ వాతావరణంలో జరుపుకున్నారు. ముఖ్యమంత్రి చంద్రబాబు నాయుడు నేతృత్వంలోని ఎన్డీయే కూటమి ప్రభుత్వం రైతుల సంక్షేమమే ధ్యేయంగా కృషి చేస్తోందని ఎంపీ కేశినేని శివనాథ్ తెలిపారు. నందిగామ పాత బస్టాండ్ సెంటర్, బాబు జగజీవన్ రామ్ బిల్డింగ్‌లో బుధవారం జరిగిన ఈ కార్యక్రమంలో ఎంపీ కేశినేని శివనాథ్, ఎమ్మెల్యే తంగిరాల సౌమ్య పాల్గొన్నారు. కార్యక్రమం లో ప్రకృతి వ్యవసాయ, పశువర్ధక శాఖలు ఏర్పాటు చేసిన స్టాళ్లను సందర్శించారు. అలాగే రైతులతో కలిసి భోజనం చేశారు. నందిగామ నియోజక వర్గంలోని 30,216 మందిరైతుల ఖాతాల్లో రెండో విడతగా సుమారు ₹20.42 కోట్లు జమ చేయబడినట్లు ఎంపీ శివనాథ్ తెలిపారు. ఇందులో కేంద్రం వాటా ₹2,000, రాష్ట్రం వాటా ₹5,000 గా ఉండి, ఒక్కో రైతు ఖాతాలో మొత్తం ₹7,000 చొప్పున జమ చేయబడింది. సూపర్ సిక్స్ సూపర్ హిట్ కార్యక్రమం లో భాగంగా, పథకం ద్వారా ఆధునిక వ్యవసాయం, వ్యవసాయ అనుబంధ రంగా లకు ప్రోత్సాహం, వర్షాల వల్ల దెబ్బతిన్న పంటలకు సరైన మార్కెట్ ధర, ఆర్థిక మద్దతు వంటి ముఖ్యసేవలను రైతులకు అందిస్తున్నారు. కేంద్ర, రాష్ట్ర ప్రభుత్వ అధికారులు, స్థానిక పార్టీ నాయకులు, వ్యవసాయ శాఖ అధికారులు కార్యక్రమంలో పాల్గొన్నారు. ఎంపీ శివనాథ్ వివరించినట్లు, త్వరలో దేవినేని వెంకటరమణ వేదాద్రి కంచల ఎత్తిపోతల పథకం కూడా రైతుల కోసం అందుబాటులోకి వస్తుంది.