తెలంగాణ రాజ్యాధికార పార్టీ కీలక సమావేశం – జిల్లా మరియు నియోజకవర్గ ఇన్చార్జిల నియామకం

కొమురం భీమ్–అసిఫాబాద్ జిల్లాతెలంగాణ రాజ్యాధికార పార్టీ రాష్ట్ర కార్యదర్శి మరియు ఉమ్మడి ఆదిలాబాద్ జిల్లా ఇన్చార్జ్ శ్రీ కొమ్ముల ప్రవీణ్ రాజ్ గారి అధ్యక్షతన, పార్టీ సంస్థాగత బలోపేతమే లక్ష్యంగా అసిఫాబాద్ జిల్లాలో ఒక ముఖ్య సమావేశం నిర్వహించబడుతుంది.ఈ సమావేశంలో పార్టీ కార్యకలాపాలను క్షేత్రస్థాయిలో మరింత బలోపేతం చేయడం, ప్రజా సమస్యలను సత్వర పరిష్కారం చేయించడం మరియు ప్రభుత్వ వైఫల్యాలను ప్రజల్లోకి తీసుకురావడం వంటి ముఖ్య అంశాలపై చర్చ జరగనుంది. అదే విధంగా, జిల్లా మరియు నియోజకవర్గ స్థాయిలలో కొత్త ఇన్చార్జిలను నియమించే నిర్ణయం తీసుకోబడింది. విప్లవాత్మక ఆలోచనలు కలిగిన, ప్రజా సేవ పట్ల నిబద్ధత గల యువ నాయకులకు ఈ సందర్భంగా బాధ్యతలు అప్పగించనున్నారు.సమావేశ వివరాలు:తేదీ: అక్టోబర్ 22, 2025 (బుధవారం)సమయం: మధ్యాహ్నం 2:00 గంటలకువేదిక: రిటైర్డ్ ఉద్యోగస్తుల భవనం, కాగజ్నగర్, అసిఫాబాద్ జిల్లాముఖ్య అతిథి: శ్రీ కొమ్ముల ప్రవీణ్ రాజ్ (రాష్ట్ర కార్యదర్శి, తెలంగాణ రాజ్యాధికార పార్టీ మరియు ఉమ్మడి ఆదిలాబాద్ జిల్లా ఇన్చార్జ్)ఈ కార్యక్రమానికి సంబంధించి శ్రీ కొమ్ముల ప్రవీణ్ రాజ్ గారు పేర్కొంటూ, “పార్టీ సిద్ధాంతాలపై నమ్మకం ఉంచి, ప్రజా సేవ చేయాలనే తపనతో ఉన్న అసిఫాబాద్ జిల్లాలోని ప్రతి మండల కార్యకర్త, నాయకుడు తప్పక ఈ సమావేశానికి హాజరుకావాలి. తెలంగాణ రాష్ట్రంలో రాజకీయ అధికారం సాధించడమే మా పార్టీ యొక్క ప్రధాన లక్ష్యం” అని అన్నారు.పార్టీ కార్యకర్తలు, నాయకులు అందరూ సమయానికి హాజరై, ఈ కార్యక్రమాన్ని విజయవంతం చేయాలని తెలంగాణ రాజ్యాధికార పార్టీ విజ్ఞప్తి చేస్తున్నది.– తెలంగాణ రాజ్యాధికార పార్టీ, అసిఫాబాద్ జిల్లా