జగ్గయ్యపేటలో భారీ వర్షాలు – ఎమ్మెల్యే, చైర్మన్ స్వయంగా వరద ప్రదేశాలు పరిశీలన

బంగాళాఖాతంలో ఏర్పడిన మొంతా తుఫాన్ ప్రభావంతో జగ్గయ్యపేట పట్టణంలో, ముఖ్యంగా ఆర్టీసీ కాలనీ, వేపల వాగు ప్రాంతాల్లో భారీ వర్షాలు కురుస్తున్నాయి. ఈ పరిస్థితుల కారణంగా కొన్ని ప్రాంతాలు వరద ముంపు ప్రమాదానికి లోనవుతాయి. ఈ నేపథ్యంలో శ్రీరామ్ రాజగోపాల్ తాతయ్య మరియు మున్సిపల్ చైర్మన్ శ్రీరంగాపురం రాఘవేంద్ర స్వయంగా ప్రభావితం ప్రాంతాలను పరిశీలించారు.
*ఎమ్యెల్యే సూచనలు* :
వరద ముంపు ప్రాంతాల ప్రజలు తక్షణమే సురక్షిత ప్రాంతాల (తాత్కాలిక పునరావాస కేంద్రాలు) కు తరలించబడాలి.
విద్యుత్ స్తంభాలు, తెగిన వైర్లు దగ్గరగా వెళ్లవద్దు. తాగునీటిని మరిగించి తాగాలి, కలుషిత నీటిని వాడకూడదు. రోడ్లు, కల్వర్టులు దాటే ప్రయత్నం చేయవద్దు; అత్యవసరమైన ప్రయాణమే చేయాలి. పిల్లలు, పెంపుడు జంతువులను సురక్షిత ప్రాంతాల్లో ఉంచాలి.
వార్తలు, వాతావరణ హెచ్చరికల ను తరచుగా గమనించాలి.
*చైర్మన్ వ్యాఖ్య* :
“ప్రతి ఒక్కరి సురక్షితత్వమే మా మొదటి ప్రాధాన్యత. మున్సిపల్ సిబ్బంది, రెవెన్యూ, పోలీస్ శాఖల అధికారులు సంయుక్తం గా పనిచేస్తున్నారు. ఏవైనా సమస్యలు ఎదురైన వెంటనే మాకు సమాచారం అందించాలి,” అన్నారు.
*ప్రజలకు భరోసా* :
జగ్గయ్యపేట మున్సిపాలిటీ అన్ని విధాలా సహాయం అందజేస్తుంది, ప్రజలు ధైర్యంగా ఉండవచ్చు.