ఉద్యోగం ఇస్తామని చెప్పి 91లక్షలు మోసం – ఐదుగురిని అరెస్ట్ చేసిన పోలీసులు*

*ఉద్యోగం ఇస్తామని చెప్పి 91లక్షలు మోసం – ఐదుగురిని అరెస్ట్ చేసిన పోలీసులు* విశాఖపట్నం నవంబర్ పున్నమి ప్రతినిధి:- గాజువాక పోలీస్ స్టేషన్ ప్రాంతంలో ఉద్యోగాలు ఇస్తామని చెప్పి యువ దంపతులను మోసం చేసి కోట్లాది రూపాయలు తీసుకున్న కేసులో ఐదుగురిని పోలీసులు పట్టుకున్నారు. కేసు వివరాలు: శ్రీమతి సినగం అలేఖ్య (24 సంవత్సరాలు), భర్త పేరు వినాయక రావు, గాజువాక చెట్టివాణిపాలెం రోడ్డులో ఉంటున్నారు. వీరు 30-09-2025న పోలీస్ స్టేషన్‌కి వచ్చి ఫిర్యాదు చేశారు. ఎలా మోసం చేశారు: అలేఖ్య డయాలసిస్‌లో డిప్లొమా చేసింది, ఇప్పుడు నర్సింగ్ చదువుతోంది. ఆమె భర్త బి.టెక్ చదివి ఉద్యోగం కోసం చూస్తున్నాడు. ఈ దంపతులకి మంచి ఉద్యోగం కావాలన్న ఆలోచన ఉంది. వీళ్ళ బంధువులు మచ్చ సజిని, మచ్చ వెంకట నారాయణ దంపతులు శ్రీహరిపురం, మల్కాపురం నుండి వచ్చి, విశాఖ స్టీల్ ప్లాంట్‌లో పర్మినెంట్ ఉద్యోగాలు ఇప్పిస్తామని చెప్పారు. అంతేగాక నారాయణ స్టీల్ ప్లాంట్‌లో కాంట్రాక్టర్‌గా పని చేస్తున్నాననీ, తనకి మంచి కనెక్షన్లు ఉన్నాయనీ చెప్పాడు. ఒక్కో వ్యక్తికి 50 లక్షలు ఇస్తే ఒక సంవత్సరంలో ఉద్యోగం పక్కా, డబ్బు చాలా సేఫ్‌గా ఉంటుంది, ఉద్యోగం వచ్చేవరకు వడ్డీ కూడా ఇస్తాం అని చెప్పారు. పట్టుబడిన వాళ్ళు: 1) A1 – మచ్చ సజిని (37 సంవత్సరాలు), గృహిణి, శ్రీహరిపురం 2) A2 – మచ్చ వెంకట నారాయణ (40 సంవత్సరాలు), ట్రాన్స్‌పోర్ట్ సూపర్‌వైజర్, శ్రీహరిపురం 3) A3 – సీరాపు శన్ముఖ ఆదిత్య కుమార్ (20 సంవత్సరాలు), స్టూడెంట్, పెడగంట్యాడ, 4) A4 – సీరాపు రామ్‌ప్రసాద్ (24 సంవత్సరాలు), జొమాటో డెలివరీ బాయ్, పెడగంట్యాడ, 5) A5 – సీరాపు అనిత (41 సంవత్సరాలు), గృహిణి, పెడగంట్యాడ ఎంత డబ్బు తీసుకున్నారు: ఏప్రిల్ 2023 నుండి ఆగస్టు 2024 వరకు అలేఖ్య దంపతులు తమ దగ్గర ఉన్న డబ్బు, బంధువులు, స్నేహితుల దగ్గర అప్పు తీసుకుని మొత్తం 91 లక్షల 36 వేల 500 రూపాయలు ఇచ్చారు. సజినికి (A1): 19 లక్షల 18 వేలు, నారాయణకు (A2): 6 లక్షల 2 వేలు, శన్ముఖకు (A3): 15 లక్షల 2 వేలు రామ్‌ప్రసాద్‌కు (A4): 6 లక్షల 43 వేల 500, అనితకు (A5): 6 లక్షల 96 వేలు. డబ్బు PhonePe, బ్యాంకు ట్రాన్స్‌ఫర్, CDM మెషిన్, నగదు ఇలా పంపించారు. ఎలా మోసం చేశారు : మొదట్లో బాగా మాట్లాడారు. తర్వాత ఉద్యోగం గురించి అడిగితే ఏదో సాకులు చెప్పి వాయిదా వేస్తూ వచ్చారు. చివరికి ఆగస్టు 2024లో చివరి 30 వేలు తీసుకున్న తర్వాత అందరూ కలిసి ఫోన్లు స్విచ్ ఆఫ్ చేసి పారిపోయారు. సజిని (A1): శ్రీహరిపురం, పెడగంట్యాడలో రెండు ఇళ్ళు కొన్నారు. నారాయణ (A2): ఐదు లారీ ట్రైలర్లు కొన్నాడు. మిగిలిన వాళ్ళు: ఆస్తులు కొనడంలో సహాయం చేశారు Dt. 30-09-2025న ఫిర్యాదు వచ్చిన వెంటనే క్రైం నంబర్ 440/2025 పెట్టి కేసు నమోదు చేశారు. విచారణ చేసి నిందితులను గుర్తించారు. Dt. 04-11-2025న ఐదుగురిని పెడగంట్యాడ వద్ద పట్టుకున్నారు. వాళ్ళ మొబైల్ ఫోన్లు స్వాధీనం చేసుకున్నారు. వాళ్ళే మోసం చేశామని ఒప్పుకున్నారు. ఈ కేసులో ఇంకా 8 మంది నిందితులు ఉన్నారు. వాళ్ళను కూడా త్వరలో పట్టుకుంటామని పోలీసులు చెప్తున్నారు. వాళ్ళు కొన్న ప్రాపర్టీలన్నీ గుర్తించి స్వాధీనం చేసుకుంటామని, అలేఖ్యకు డబ్బు తిరిగి ఇచ్చే విధంగా చర్యలు తీసుకుంటామని చెప్పారు. ప్రజలకు హెచ్చరిక: ఉద్యోగాలు ఇస్తామని చెప్పి లక్షల రూపాయలు అడిగితే జాగ్రత్తగా ఉండండి. ప్రభుత్వ ఉద్యోగాలకి డబ్బు ఇవ్వాల్సిన అవసరం లేదు. ఇలాంటి మోసాలు జరిగితే వెంటనే దగ్గరలో ఉన్న పోలీస్ స్టేషన్‌లో ఫిర్యాదు చేయండి. గుర్తుంచుకోండి: సరైన ఉద్యోగాలకి ఎప్పుడూ లంచం అడగరు. అడిగితే అది 100% మోసమే!