ఖమ్మం ( మార్చి )
పున్నమి జిల్లా ఇంచార్జి )
ప్రజల ఆరోగ్యమే నిజమైన సంపద అని చెప్పే మాటను చిరునోముల గ్రామం ఇంకోసారి నిజం చేసింది. డాక్టర్ గోంగూర వెంకటేశ్వర్లు ఆధ్వర్యంలో గ్రామంలో నిర్వహించిన “శ్రీరక్ష ఆరోగ్య యాత్ర” గ్రామ సమాజానికి ఒక కొత్త ఆరోగ్య చైతన్యాన్ని అందించింది.
గ్రామస్తులకు అరుదుగా లభించే కిడ్నీ, లివర్, రక్త పరీక్షలు ఈ యాత్రలో పూర్తిగా ఉచితంగా నిర్వహించారు. చాలా మంది గ్రామస్థులు తమ ఆరోగ్య పరిస్థితిని తెలుసుకునే అవకాశాన్ని వినియోగించుకున్నారు.
సర్పంచ్ శ్రీమతి చంద్రకళ స్వయంగా కార్యక్రమానికి హాజరై, గ్రామ ప్రజలు ఆరోగ్యం పట్ల మరింత జాగ్రత్తగా ఉండాలని, అవసరమైన పరీక్షలు నిర్లక్ష్యం చేయకుండా చేయించుకోవాలని సూచించారు.
గ్రామ పెద్దలు, వైద్య సిబ్బంది, స్వచ్ఛంద కార్యకర్తల కలిసి చేసిన సేవా యత్నం ఈ యాత్రను విజయవంతం చేసింది. గ్రామంలో ఇలాంటి ఆరోగ్య కార్యక్రమాలు తరచూ జరగాలని, అందరూ ఆరోగ్యవంతమైన జీవితాన్ని గడపాలని పాల్గొన్నవారు ఆకాంక్షించారు.
