బహుజన్ సమాజ్ పార్టీ ఆంధ్రప్రదేశ్ రాష్ట్ర కమిటీ తాజాగా ఒక సర్క్యులర్ విడుదల చేసింది. స్థానిక సంస్థల ఎన్నికలకు సంబంధించి రాష్ట్ర వ్యాప్తంగా జిల్లాల వారీగా సమీక్ష సమావేశాలు నిర్వహించాలనే నిర్ణయం ముందుగా తీసుకున్నప్పటికీ, రాష్ట్ర ప్రభుత్వం తీసుకున్న కొన్ని నిర్ణయాల కారణంగా ఎన్నికలు నిర్ణయించిన తేదీల్లో జరిగే అవకాశం లేకపోవడంతో ఆ సమావేశాలను రద్దు చేస్తున్నట్లు పార్టీ ప్రకటించింది.
పార్టీ రాష్ట్ర అధ్యక్షులు బందెల గౌతమ్ కుమార్ ఆధ్వర్యంలో నిర్వహించాల్సిన ఈ సమావేశాలు ప్రస్తుతం నిలిపివేయబడ్డాయి. అదే సమయంలో రాష్ట్ర, జిల్లా మరియు అసెంబ్లీ స్థాయి నాయకులు పార్టీ నిర్మాణంపై ప్రత్యేక దృష్టి పెట్టాలని సూచించారు.
అలాగే పార్టీ మరియు అనుబంధ విభాగాలకు సంబంధించి ఫార్మాట్లో పేర్కొన్న విధంగా కమిటీలను పూర్తి చేసి, భవిష్యత్ స్థానిక సంస్థల ఎన్నికలను దృష్టిలో పెట్టుకుని అభ్యర్థులను పరిశీలనలో ఉంచాలని పార్టీ నాయకత్వం సూచించింది.
