శ్రీకాళహస్తీశ్వరుని నిత్యాన్నదానానికి రూ. 51,111 విరాళం

శ్రీకాళహస్తి, మార్చి 27, (పున్నమి టెంపుల్ న్యూస్): ప్రముఖ శైవక్షేత్రం శ్రీకాళహస్తీశ్వర స్వామి వారి దేవస్థానంలో కొనసాగుతున్న నిత్యాన్నదాన పథకానికి భక్తుల నుంచి విరాళాలు వెల్లువెత్తుతున్నాయి. శుక్రవారం బెంగళూరుకు చెందిన ప్రముఖ భక్తుడు చిక్కాల యోగేశ్వరరావు స్వామివారి నిత్యాన్నదాన ట్రస్టుకు రూ. 51,111/-లను విరాళంగా అందజేశారు. విరాళానికి సంబంధించిన నగదును ఆలయ సహాయ ప్రజాసంబంధాల అధికారి (APRO) రవికి దాత అందజేశారు. ఈ సందర్భంగా దేవస్థాన అధికారులు దాతకు స్వామివారి అంతరాలయ దర్శనం కల్పించారు. అనంతరం ఆలయ వేద పండితులు ఆయనకు వేద మంత్రోచ్ఛారణలతో ఆశీర్వచనం చేసి, స్వామివారి తీర్థప్రసాదాలను, శేష వస్త్రాన్ని అందజేశారు. నిత్యాన్నదాన పథకానికి ఉదారంగా విరాళం అందించినందుకు గాను దేవస్థాన అధికారులు చిక్కాల యోగేశ్వరరావుకు ప్రత్యేక కృతజ్ఞతలు తెలియజేశారు. భక్తుల సహకారంతోనే వేలాది మందికి నిత్యం అన్నప్రసాద వితరణ జరుగుతోందని వారు పేర్కొన్నారు.