ముక్కా రూపానంద రెడ్డి, సాయి వికాస్ రెడ్డి పాల్గొనడం – ఎన్టీఆర్ ఆశయాల సాధనకు పిలుపు
రైల్వే కోడూరు నియోజకవర్గంలోని ఓబులువారిపల్లి మండలం ముక్కవారిపల్లి గ్రామంలో తెలుగుదేశం పార్టీ 44వ ఆవిర్భావ దినోత్సవ వేడుకలు ఆదివారం ఘనంగా నిర్వహించారు. ఈ సందర్భంగా టీడీపీ నియోజకవర్గ ఇంచార్జ్, KUDA చైర్మన్ ముక్కా రూపానంద రెడ్డి, యువనేత ముక్కా సాయి వికాస్ రెడ్డి పార్టీ నాయకులు, కార్యకర్తలతో కలిసి జెండా ఆవిష్కరించి, స్థాపకులు ఎన్టీఆర్ సేవలను స్మరించుకున్నారు.
ముక్కా రూపానంద రెడ్డి మాట్లాడుతూ, ప్రజల సంక్షేమం కోసం పుట్టిన టీడీపీ సిద్ధాంతాలను గ్రామస్థాయిలో బలోపేతం చేయాలని పిలుపునిచ్చారు. ఎన్టీఆర్ ఆశయాల సాధనలో ప్రతి కార్యకర్త భాగస్వామి కావాలన్నారు.
ముక్కా సాయి వికాస్ రెడ్డి మాట్లాడుతూ, ముఖ్యమంత్రి నారా చంద్రబాబు నాయుడు నాయకత్వంలో రాష్ట్రం అభివృద్ధి పథంలో దూసుకెళ్తోందని తెలిపారు. పరిపాలనా అనుభవం, దూరదృష్టితో రాష్ట్రానికి మంచి దిశనిచ్చుతున్నారని కొనియాడారు.
కార్యక్రమంలో స్థానిక నాయకులు, కార్యకర్తలు, యువత పెద్ద సంఖ్యలో పాల్గొని పార్టీ పట్ల తమ మద్దతు వ్యక్తం చేశారు. కార్యక్రమం ఉత్సాహభరిత వాతావరణంలో విజయవంతమైంది.
