బేడ బుడగ జంగం జాతి ప్రజల కోసం చివరి రక్తపు బొట్టు వరకు పనిచేస్తూనే ఉంటాము.. బేడ బుడగ జంగం హక్కుల పోరాట సమితి వ్యవస్థాపక జాతీయ అధ్యక్షులు గగనం మంతప్ప, రాష్ట్ర అధ్యక్షులు గగనం శేఖర్, యూత్ ఫెడరేషన్ రాష్ట్ర అధ్యక్షులు వారణాసి శివవర్మ

పున్నమి: నవంబర్ 05 ప్రతినిధి: జనగాం జిల్లా: స్టేషన్ గన్పూర్: తెలంగాణ బేడ బుడగ జంగం జాతి ప్రజల కోసం చివరి రక్తపు బొట్టు వరకు పనిచేస్తూనే ఉంటాము అని బేడ బుడగ జంగం హక్కుల పోరాట సమితి వ్యవస్థాపక జాతీయ అధ్యక్షులు గగనం మంతప్ప, రాష్ట్ర అధ్యక్షులు గగనం శేఖర్ అన్నారు. ఆదివారం బేడ బుడగ జంగం హక్కుల పోరాట సమితి జనగాం జిల్లా నూతన కమిటీలను యూత్ ఫెడరేషన్ రాష్ట్ర అధ్యక్షులు వారణాసి శివవర్మ, శ్రీకారం టీం ఆధ్వర్యంలో సమావేశం స్టేషన్ గన్పూర్ లో నిర్వహించారు. ఈ సందర్భంగా జనగాం జిల్లా నూతన కమిటీలు నియామకం చేశారు. బి జె హెచ్ పి ఎస్, జిల్లా అధ్యక్షులుగా పస్తం యాకయ్య, ప్రధాన కార్యదర్శిగా పస్తం రాజు, యూత్ ఫెడరేషన్ జిల్లా అధ్యక్షులుగా కళ్లెం శివ, జిల్లా కమిటీలకు 40 మందికి నియామక పత్రాలు అందజేశారు. అనంతరం వారు మాట్లాడుతూ.. బేడ బుడగ జంగాలు రాజకీయ, ఆర్థిక సామాజికంగా ముందుకు తీసుకువెళ్లడంలో తమ వంతు పాత్ర వహిస్తామన్నారు. ఈ కార్యక్రమంలో ఎస్సీ ఉపకులాల రాష్ట్ర అధ్యక్షులు సిరివాటి శ్రీనివాసులు, రాష్ట్ర ఉపాధ్యక్షులు సిరివాటి రామకృష్ణ, యూత్ ఉపాధ్యక్షులు అశ్వ జమ్మన్న, వారణాసి రామకృష్ణ, ప్రసాద్, పస్తం బాలు, శ్రీహరి, కళ్లెం శ్రీనివాస్ తదితరులు పాల్గొన్నారు.