ప్రపంచంలోనే అత్యంత ఖరీదైన కీటకంగా జపాన్కు చెందిన ‘స్టాగ్ బీటిల్’ గుర్తించబడింది. ఈ చిన్న కానీ అరుదైన కీటకం ధర అబ్బురపరిచే విధంగా సుమారు రూ.75 లక్షల వరకు ఉంటుందని అంతర్జాతీయ వన్యప్రాణి పరిశోధకులు తెలిపారు. దీని ప్రత్యేకత దీని ఆకారం, మెరుస్తున్న నలుపు రంగు శరీరం, అలాగే తలపై ఉన్న బలమైన కొమ్ముల్లాంటి దవడలు. ఇవి ఇతర కీటకాలతో పోరాడటానికి ఉపయోగపడతాయి.
జపాన్, చైనా, కొరియా వంటి దేశాల్లో ఈ స్టాగ్ బీటిల్ను అదృష్టం, శక్తి సూచకంగా భావిస్తారు. అనేకమంది దీన్ని సేకరణకారులుగా, పెంపుడు ప్రాణిగా కూడా ఉంచుకుంటారు. ఈ కీటకం యొక్క అరుదైన జాతులు ప్రకృతిలో చాలా కష్టంగా దొరకడం వల్ల వాటి విలువ విపరీతంగా పెరిగింది. కొందరు వ్యాపారులు ప్రత్యేకంగా వీటి పెంపకం, విక్రయాల కోసం వందలాది డాలర్ల పెట్టుబడి పెడుతున్నారు.
ప్రకృతి సమతౌల్యంలో కీటకాలకున్న ప్రాముఖ్యత దృష్ట్యా ఈ బీటిల్పై పరిశోధనలు కూడా జరుగుతున్నాయి. అందమైన రూపం, అరుదైన జాతి, మార్కెట్లో ఉన్న డిమాండ్ కారణంగా స్టాగ్ బీటిల్ ప్రపంచంలోనే అత్యంత ఖరీదైన కీటకం అనే ఖ్యాతిని సంపాదించింది.
ఇవి భారత్లో అసోం, సిక్కిం, అరుణాచలప్రదేశ్లలో లభిస్తాయి.
