-రైల్వేకోడూరులో నూతనంగా బాధ్యతలు స్వీకరించిన సీఐలకు శుభాకాంక్షలు
చిట్వేల్, నవంబర్ 21 పున్నమి ప్రతినిధి
రైల్వేకోడూరు నియోజకవర్గంలో ఇటీవల విధుల్లో చేరిన రూరల్ మరియు అర్బన్ సర్కిల్ ఇన్స్పెక్టర్లను (సీఐలు) హ్యూమన్ రైట్స్ ప్రొటెక్షన్ కౌన్సిల్ ఆఫ్ ఇండియా (హెచ్ఆర్పీసీఐ)ప్రతినిధి బృందం మర్యాదపూర్వకంగా కలిసింది.హెచ్ఆర్పీసీఐ రైల్వే కోడూరు నియోజకవర్గ చైర్మన్ అందె వెంకటేష్ శుక్రవారం పోలీస్ స్టేషన్లో రూరల్ సీఐ డి. శ్రీనివాసులు, అలాగే అర్బన్ సీఐ చంద్రశేఖర్ వేర్వేరుగా కలిశారు.
-శాంతిభద్రతలపై చర్చ:
ఈ సందర్భంగా అందె వెంకటేష్ మాట్లాడుతూ, నూతనంగా బాధ్యతలు చేపట్టిన సీఐలకు శుభాకాంక్షలు తెలిపారు. నియోజకవర్గంలో శాంతిభద్రతల పరిరక్షణకు, ప్రజలకు మెరుగైన పోలీస్ సేవలు అందించడానికి హెచ్ఆర్పీసీఐ తరపున పూర్తి సహకారం ఉంటుందని హామీ ఇచ్చారు. ముఖ్యంగా మానవ హక్కుల పరిరక్షణ, మహిళల భద్రతకు సంబంధించి తాము చేపట్టే కార్యక్రమాలలో పోలీసుల భాగస్వామ్యం కోరారు.నూతనంగా బాధ్యతలు చేపట్టిన సీఐలు కూడా హెచ్ఆర్పీసీఐ ప్రతినిధులుగా అందె వెంకటేష్ను గౌరవించి, వారిని సాదరంగా ఆహ్వానించారు. ప్రజా సమస్యల పరిష్కారానికి, నిష్పక్షపాతంగా విధులు నిర్వర్తించడానికి కృషి చేస్తామని నూతన సీఐలు తెలియజేశారు.ఈ మర్యాదపూర్వక కలయిక నియోజకవర్గంలో పోలీసు మరియు పౌర సమాజం మధ్య మంచి సమన్వయానికి దోహదపడుతుందని పరిశీలకులు భావిస్తున్నారు.
