పెంచలకోనలో వధూవరులకు ఆశీర్వాదాలు : ఎమ్మెల్యే అరవ శ్రీధర్‌, యువనేత ముక్కా సాయి వికాస్ రెడ్డి హాజరు

నెల్లూరు జిల్లా రాపూరు మండలం పెంచలకోనలోని ఆర్యవైశ్య కళ్యాణ మండపంలో రత్తిన ప్రవీణ్‌కుమార్–రేవతి వివాహ రిసెప్షన్ అంగరంగ వైభవంగా జరిగింది. అన్నమయ్య జిల్లా చిట్వేల్ మండలం కే.కందులవారిపల్లి గ్రామానికి చెందిన రత్తిన సిద్ధేశ్వర–రమాదేవి దంపతుల కుమారుడు ప్రవీణ్‌కుమార్ వివాహ రిసెప్షన్‌కు ముఖ్య అతిథులుగా ప్రభుత్వ విప్‌, రైల్వే కోడూరు శాసనసభ్యులు అరవ శ్రీధర్‌, అలాగే రైల్వే కోడూరు నియోజకవర్గం టిడిపి ఇన్‌ఛార్జ్‌, కడప అర్బన్ డెవలప్‌మెంట్ అథారిటీ చైర్మన్ ముక్కా రూపానందరెడ్డి గారి కుమారుడు యువనేత ముక్కా సాయి వికాస్ రెడ్డి హాజరై వధూవరులను ఆశీర్వదించారు. ఈ సందర్భంగా ఎమ్మెల్యే అరవ శ్రీధర్‌ మాట్లాడుతూ, “ప్రవీణ్–రేవతి దాంపత్య జీవితం సుఖశాంతులతో, సిరిసంపదలతో కళకళలాడాలని” ఆశీర్వదించారు. అదే విధంగా ముక్కా సాయి వికాస్ రెడ్డి కూడా వధూవరులకు శుభాకాంక్షలు తెలియజేశారు. ఈ వేడుకలో ఎన్డీఏ కూటమి నాయకులు, స్థానిక ప్రజాప్రతినిధులు, బంధువులు, స్నేహితులు పెద్ద ఎత్తున హాజరై వేడుకను మరింత వైభవంగా మార్చారు.