నంద్యాల బ్లడ్‌ సెంటర్‌లో ఘనంగా నిర్వహించిన ప్రభాస్ జన్మదిన వేడుకలు, స్వచ్ఛందంగా రక్తదానం చేసిన అభిమానులు

సినీ నటుడు ప్రభాస్‌ జన్మదిన వేడుకలను పురస్కరించుకుని నంద్యాల పట్టణంలో ఆయన అభిమానులు గురువారం ఘనంగా సంబరాలు నిర్వహించారు. నంద్యాలలోని బ్లడ్‌ సెంటర్‌ నందు అభిమానులు ప్రత్యేక కార్యక్రమాన్ని ఏర్పాటు చేశారు. ఈ సందర్భంగా ప్రభాస్‌ అభిమానులు మానవత్వం చాటుకుంటూ స్వచ్ఛందంగా రక్తదానం చేశారు. రక్తం అవసరమున్న వారికి ఉపయోగపడాలనే సదుద్దేశంతో ఈ రక్తదాన శిబిరాన్ని నిర్వహించినట్లు అభిమానులు తెలిపారు. అనంతరం అభిమానులంతా కలిసి కేక్‌ కట్‌ చేసి తమ అభిమాన నటుడి జన్మదిన వేడుకలను ఆనందోత్సాహాల మధ్య జరుపుకున్నారు. ఈ కార్యక్రమం విజయవంతం కావడానికి కృషి చేసిన ప్రభాస్ అభిమానులైన చిన్న అన్న, భవానీ శంకర్‌, హాజీ సలీమ్‌, నాగార్జునుడు, శ్రీను, మల్లి, భాషా తదితరులకు నిర్వాహకులు ప్రత్యేక ధన్యవాదాలు తెలిపారు. అభిమానులు సేవా కార్యక్రమాలతో తమ ఆరాధ్య నటుడిపై ఉన్న అభిమానాన్ని చాటుకోవడం పట్ల పలువురు ప్రశంసించారు.